Religious music of Bielarus. 24 трэкі / Агульны час гучаньня 65:08. (p) ВІГМАГРУП, 2009.На дыску сабраныя праваслаўныя, каталіцкія, уніяцкія, пратэстанцкія музычныя творы XV--XXI ст. Усяго 24 трэкі: гімны, псалмы, часткі літургіі, канты, а таксама ўрыўкі з “Слонімскага сшытка” і Берасцейскага канцыянале. У запісе дыска ўзялі ўдзел хор “Унія”, хор Петрапаўлаўскай царквы, народны хор. Гутарка з Кірылам Насаевым, кіраўніком хора “Унія” Наша Ніва )
Паглядзець апісанне цалкам Трэк-ліст *** Рэлігійная музыка Беларусі ўражвае сваім багаццем і шматфарбнасцю. Няшмат ў свеце знойдзецца краін, падобных да нашай, дзе стагоддзямі адначасова маглі свабодна развівацца і ўзаемадзейнічаць розныя канфесіі, як хрысціянскія (праваслаўе, каталіцызм, пратэстантызм, уніяцтва), так і нехрысціянскія (іудаізм, іслам). У гэтай сферы за мінулыя стагоддзі было назапашана шмат шэдэўраў, вартых увагі шырокіх колаў слухачоў. Гэты дыск дае шырокую панараму твораў, звязаных з рэлігійнай тэматыкай. Адно з цэнтральных твораў месцаў у ім займае музыка XVI—XVIII стагоддзяў. Як вядома, гэта былі часы росквіту рэлігійнай музыкі. Яна надзвычай плённа развівалася ў асяроддзі кампазітараў-прафесіяналаў розных веравызнанняў, дзе ствараліся поліфанізаваныя, вытрыманыя ў найноўшай еўрапейскай стылістыцы апрацоўкі пратэстанцкіх польскіх песень Вацлава з Шамотул і Цыпрыяна Базыліка, сабраныя ў Берасцейскім канцыянале (1558); сур’ёзныя і разгорнутыя канцэртныя кампазіцыі на царкоўнаславянскія тэксты накшталт твораў славутага віленчука Мікалая Дылецкага (другая палова XVII ст.) У мяшчанскіх колах у гэты перыяд шырока распаўсюдзіліся пабытовыя рэлігійныя канты, у тым ліку і музычныя апрацоўкі вершаванай псалтыры Сімяона Полацкага. Сучасная рэлігійная музыка прадстаўлена новымі, аднак ужо досыць папулярнымі ў нашых цэрквах творамі Ірыны Дзянісавай, прызначанымі для праваслаўнага богаслужэння, і часткова каталіцкай месы на лацінскі тэкст аднаго з найбольш цікавых беларускіх кампазітараў — Аляксанжра Літвіноўскага. Музыказнаўца Тамара Ліхач
Фрагмэнт трэкаў
"Святочны звон" (1) і
"Багародзіца" (2) можна праслухаць ніжэй:
