Як Жаўна лясным жыхарам кватэры будавала

няма водгукаў

Карлюкевіч Алесь

3.00 руб.

Памер: 170x240 мм

Вага: 210 г

Purchase

Абраны варыянт адсутнічае на складзе. Калі ласка, абярыце іншы варыянт.

Проза Літаратура для дзяцей Кнігі дзеткам Прыродазнаўства Прыгодніцкая літаратура Карлюкевіч Алесь

Апісаньне

Казка / Ілюстрацыі Віталя Дударэнкі. — Мінск: Мастацкая літаратура, 2014. — 54 с.

Карлюкевіч Алесь. Як Жаўна лясным жыхарам кватэры будавала

ISBN 978-985-02-1510-9

Галоўны герой казкі Алеся Карлюкевіча “Як Жаўна лясным жыхарам кватэры будавала”, вядомы чытачу па кнізе “Крыніца паноў Ельскіх”, выпраўляецца ў падарожжа ў Лацінскую Амерыку. Беларускі школьнік адкрывае новы, невядомы дагэтуль яму свет. Знаёміцца з птушкай Жаўной — шчырай, гатовай заўсёды прыйсці на дапамогу. Вандруючы па свеце, і наш галоўны герой, і яго спадарожніца не забываюцца пра радзіму, родную старонку. І гэтым школьнік і птушка асабліва сімпатычныя. Прыгоды Максімкі былі б далёка не поўныя, калі б не яго захапленне збіраннем паштовых марак. Калекцыянаванне для галоўнага героя — гэта і шырокія магчымасці адкрываць новыя краіны, бачыць вялікі свет.

ЗМЕСТ Паглядзець

ПРАДМОВА Паглядзець

Дарагі сябра!

Максімка працягвае свае падарожжы, распачатыя ў казцы “Крыніца паноў Ельскіх”. Гэтым разам наш знаёмец, які збірае паштовыя маркі і добра вучыцца, выправіўся ў падарожжа ажно ў Лацінскую Амерыку. Яго спадарожнікам і калегам па прыгодах стала птушка Жаўна. Ці ведаеце вы такую?.. У кожным выпадку ў вас ёсць шанец на добрае знаёмства.

Адкрываючы новыя старонкі, Максімка не забываецца пра ранейшых сваіх сяброў. I найперш — пра прафесара Радрыгеса, філатэліста з Кубы. Мне здаецца, што ўжо ў другой частцы казачных прыгод Максімкі вы сапраўды зразумееце, што дзякуючы паштовым маркам можна рабіць адкрыцці, здзяйсняць падарожжы, можна адкрываць новы i невядомы раней свет.

Чытаючы пра Максімку, Жаўну, іншых герояў казкі, паспрабуйце і самі прайсці след у след шляхамі персанажаў. Галоўныя памагатыя вам у гэтай цікавай і захапляльнай справе — не толькі паштовыя маркі, а яшчэ і ваша ўяўленне. Свет цікавы і шматаблічны толькі тады, калі вы валодаеце многімі ведамі пра гэты свет. Дык давайце любіць роднае і адкрываць чужыя старонкі, узірацца ў бясконцасць і бязмежнасць самых далёкіх прастораў. Паверце, пабываўшы ў іншых краінах, вы, несумненна, яшчэ болей шчыра і адказна будзеце рупіцца пра сваё, роднае. Так было і са мной. Не ў казцы, а наяве я пабываў у Сярэдняй Азіі, на караблі праз усю Атлантыку дабраўся да Кубы, жыў і працаваў пад Выбаргам, паблізу Карэліі, ва Украіне, Узбекістане, у розны час наведаў Італію, Польшчу, Азербайджан, Літву, Латвію, Эстонію, Данію, Швецыю, Аўстрыю... I паўсюль я знаходзіў нешта новае, тое, што прыцягвала і разам з тым узбагачала, прымушала задумвацца пра прыгажосць нашай Айчыны.

Па-ранейшаму, як і ў першай казцы — “Крыніца паноў Ельскіх” — галоўны герой і, спадзяюся, цяпер ужо ваш сапраўдны сябра выяўляе адказнасць і ў стаўленні да прыроды. Вада і паветра, жывёльны, птушыны і раслінны свет — гэта тыя багацці, якія і ўзвышаюць чалавека, і прымушаюць яго клапаціцца аб наваколлі. Максімка — не толькі апантаны юны філатэліст, збіральнік паштовых марак, ён яшчэ і апантаны прыродазнаўца, юны натураліст. Уважлівае ўзіранне ў прыродныя з’явы, сустрэчы з рознымі аб’ектамі прыроды — гэта не толькі лёгкія і захапляльныя вандроўкі, але і сур’ёзная праца. Ды ўсё ж у выніку такая праца прыносіць асалоду, як прыносіць асалоду і задавальненне цікавае чытанне.

Да новых сустрэч, дарагі сябра! Ужо напісаная і следам за гэтай казкай будзе выдадзеная яшчэ адна вандроўная кніжачка — “Падарожжа паштовай маркі”. Разам з Максімкам мы пабываем у Афрыцы. А наступныя падарожжы... Мо ты сам, дарагі сябра, падкажаш, якія краіны свету мы яшчэ мусім наведаць разам з нашым юным філатэлістам?..

Алесь Карлюкевіч

Водгукі

Неабходны Лагін або Рэгістрацыя, каб напісаць водгук.

Раім паглядзець

Няма на складзе

Крыніца паноў Ельскіх

Карлюкевіч Алесь

Галоўны герой казкі— вандроўнік яшчэ той: і з паштовымі маркамі выпраўляецца ў вялікую дарогу, і роднымі сцежкамі ходзіць. “Крыніца паноў Ельскіх” — пачатак аповесці-казкі пра падарожжы беларускага школьніка і па прасторах роднай краіны, і па ўсім свеце. Як працяг з’явяцца цікавыя кнігі “Як Жаўна лясным жыхарам кватэры будавала” і “Падарожжа паштовай маркі”.

Як Мама Му сустрэла Крумкача

Вісландэр Юя, Нурдквіст Свэн

Дуду. 2021. №04 (17). Хто такія інжынеры?

Тэма новага нумару дзіцячага часопіса "Дуду" — "Хто такія інжынеры?". У нумары чытачы знойдуць комікс "Бабры-інжынеры", казку, верш, музычную старонку з песняй "Жыхары Мінска". Як заўсёды, у часопісе змешчаны шматлікія заданні для развіцця, настольная гульня і спецыяльны праект "Пластыляндыя".

Вялікая кніга рэцэптаў Пэтсана і Фіндуса

Самуэльсан Крысцін, Нурдквіст Свэн

Суп з крапівы, вараны шчупак, блінны торт, ягадны кісель, чарнічны пірог, сапраўднае каляднае імбірнае печыва, рыс а-ля Мальта і яшчэ шмат іншых простых, але разам з тым незвычайных і прыгожых рэцэптаў вы знойдзеце ў вялікай кухарскай кнізе любімых герояў Пэтсана і Фіндуса.