ARCHE Пачатак. 2018. №2. Гісторыя БНР у карцінках

9.90 руб.

Памер: 215x290 см

Вага: 270 гр.

Purchase

няма на складзе

Апісаньне

№2 (157)-2018. Навуковы, навукова-папулярны, грамадска-палітычны і літаратурна-мастацкі часопіс. — Менск, 2018. — 96 с.

Наклад часопісу цалкам прададзены.

ISSN 1392-9682

Нумар прымеркаваны да 100-гадовага юбілею абвяшчэньня Беларускай Народнай Рэспублікі. Ён выдадзены цалком ў колеры. Фактычна гэта ўнікальны тэматычны фотаальбом. У ім друкуюцца сотні аўтэнтычных фотарэпрадукцыяў, якія ілюструюць розныя аспэкты дзейнасьці БНР: партрэты ейных лідараў, рознага кшталту дакумэнты (устаўныя граматы, пашпарты, адозвы, абвесткі). Даюцца факсыміле пячатак, марак, паштовак ды іншай аўтэнтычнай атрыбутыкі.

Выданьне дазваляе чытачу паглыбіцца ў сьвет БНР і Акту 25 сакавіка 1918 году. У ім раскрываюцца тэмы, якія застаюцца надзвычай актуальнымі ў Беларусі й праз сто гадоў. Шмат якія ілюстрацыі друкуюцца ўпершыню.

ПРАДМОВАПаглядзець

Гэты выпуск прымеркаваны да сёлетніх сотых угодкаў Акту 25 сакавіка. Упершыню за доўгі час гэтая падзея адзначалася не толькі т.зв. незалежным грамадствам, але і на дзяржаўным узроўні. Першае выданне акадэмічнай манаграфіі “Беларуская Народная Рэспубліка. Крок да незалежнасці” разышлося вокамгненна. Выдаўцам давялося тэрмінова рабіць дадрук. Са згоды ўладаў у менскім Купалаўскім парку быў усталяваны камень з мемарыяльнай дошкай у гонар Івана і Антона Луцкевічаў. У музеях праводзіліся выставы, прысвечаныя БНР.

Такі фармат святкавання, з аднаго боку, быў безумоўным поспехам нацыянальнага руху, а з другога, у гэтым адбіўся вялікі грамадскі інтарэс да гісторыі БНР, які, як кажуць эканамісты, сфармаваў плацежаздольны попыт.

У выніку на зацікаўленую публіку абрынулася маса інфармацыі і камерцыйных прапаноў. Можна сказаць нават болей: вакол Акту 25 сакавіка ўзнікла адмысловая індустрыя, якая прадукуе друкаваную і візуальную прадукцыю, а разам з тым сімволіку і атрыбутыку. Недасведчанаму чалавеку не прыходзіць на цям, што купляючы майку, а часам і паштоўку з сімволікай БНР, ён аддае грошы за сучасную стылізацыю, падрыхтаваную дызайнерамі
з непрыхаванымі маркетынгавымі мэтамі. Не трэба гаварыць, што і за кожным афіцыйным мерапрыемствам або выданнем на гэтую тэму стаіць пэўны ідэалагічны, а нярэдка і прапагандысцкі інтарэс.

Мы выдалі гэты выпуск, каб наш чытач мог пагрузіцца ў аўтэнтычны свет БНР і Акту 25 сакавіка, а не больш ці менш удалых стылізацый пад яго. Мы адабралі толькі арыгінальныя матэрыялы, не дапускаючы ніякіх рэканструкцый.

Другая палова 1910-х гадоў – гэта час бурнага развіцця кнігадруку і фатаграфіі. Шукаючы адэкватныя сродкі падачы матэрыялу, мы наважыліся звярнуцца да чытача не мовай тэкстаў, а мовай візуальных вобразаў, зафіксаваных у друкаванай публікацыі, рукапісным дакуменце, чорна-белай фатаграфіі або каляровым плакаце ці паштоўцы. Дзякуючы гэтаму ў выпуску дакументы прамаўляюць самі за сябе: тут няма ўзніклых пастфактум ідэалагічных канструкцый або навуковых інтэрпрэтацый. Мы пэўныя, што дзякуючы такому спосабу падачы гэтыя старыя дакументы будуць адкрыццём для бальшыні нашых чытачоў, а значыць, зажывуць новым жыццём.

Рыхтуючы гэты выпуск, мы стараліся ўнікаць паўтору шаблонных сюжэтаў, звязаных з БНР. Для нас таксама былі важныя тэмы, якія застаюцца надзвычай актуальнымі ў Беларусі і праз сто гадоў: беларуская мова як мова урадавых актаў, уніформа і знакі адрознення беларускіх вайскоўцаў, беларуская нацыянальная сімволіка, і г.д. На жаль, не ўсе сюжэты ўдалося належна раскрыць. Есць як тэматычныя прагалы (адразу папросім прабачэння за
тое, што ў раздзеле “Дзеячы” не вытрыманы гендэрны баланс), так і нераўнамернае асвятленне тэматычных ліній, пазначаных у змесце.

Аснову гэтага нумару склалі матэрыялы, якія назапасіліся ў архіве «ARCHE» за 20 гадоў яго існавання. Таму не давялося рабіць велізарных намаганняў для яго падрыхтоўкі. Разам з тым, у гэтым месцы належыць выказаць шчырую падзяку Юрасю Юркевічу і Уладзіміру Ляхоўскаму, без дапамогі якіх гэты нумар быў бы значна бяднейшым, а подпісы да ілюстрацый – значна больш блытанымі.

Пры канцы трэба адзначыць, што матэрыялы нумару паходзяць з розных крыніц, таму іх якасць непазбежна адрозніваецца. Гэта – свайго роду кошт за знаёмства з аўтэнтыкай БНР.

Валер Булгакаў

ЗМЕСТ Паглядзець

ІЛЮСТРАЦЫІ З ЧАСОПІСА Паглядзець

Водгукі

Неабходны Уваход або Рэгістрацыя, каб напісаць водгук.

Раім паглядзець

Наша гісторыя. 2019. №7. Андрэй Грамыка

Тэма нумару: Андрэй Грамыка – самы ўплывовы беларус СССР. Аўтары нумару : Андрэй Скурко, Сяргей Астанковіч, Дзяніс Лісейчыкаў, Антон Рудак, Максім Маханькоў, Аляксей Ластоўскі, Ганна Мажэйка, Надзея Усава, Алесь Белы, Сяргей Егарэйчанка, Андрэй Вашкевіч, Юрый Унуковіч, Андрэй Кіштымаў, Ганна Севярынец, Аляксей Бацюкоў, Філіп Какойша, Алесь Кудрыцкі ды іншыя.

Успаміны пасла

Стагановіч Аляксандр

Кніга Аляксандра Стагановіча (1890—1988) “Успаміны пасла” распавядае пра жыццё аўтара з самага пачатку ХХ ст. да канца 1940-х гг. — эміграцыі ў ЗША. Асноўны змест мемуараў закранае грамадска-палітычныя падзеі ў Заходняй Беларусі ў міжваенны перыяд, а таксама ў часы Другой сусветнай вайны. Дэталі дачыненняў палітычных лідараў, асаблівасці выбараў у польскі сойм, дзейнасць беларускага актыву ў часы акупацыі і ў пасляваеннай Германіі — усё гэта можна знайсці на старонках грунтоўна пракаментаваных успамінаў.

Песняры імперыі

Томпсан Эва

Кніга Эвы Томпсан уяўляе сабой аналіз імперскага дыскурсу Расіі з перспектывы посткаланіяльнай тэорыі. Аўтарка аналізуе расійскі нацыяналізм, прапісвае спецыфіку заходняга і ўсходняга каланіялізму, падкрэсліваючы іх агульную прыроду.