Мяжа ля Заслаўя 1921—1941 гг.

няма водгукаў

Мельнікаў Ігар

33.60 руб.

Памер: 130x200 мм

Вага: 470 г

Purchase

Няма на складзе

Галіяфы Гісторыя Навукова-папулярная літаратура Мельнікаў Ігар

Апісаньне

Мінск: Галіяфы, 2015. — 328 с. [25] арк.: іл.

ISBN 978-985-7021-68-0

У кнізе аналізуюцца малавядомыя факты гісторыі савецка-польскага памежжа ў раёне Заслаўя ў 1921—1941 гг. Вялікая ўвага надаецца гісторыі Заходняй Беларусі ў міжваенны час, працэсу стварэння савецкіх абарончых умацаванняў на мяжы з Польшчай пад Мінскам, падзеям уз’яднання заходнебеларускага рэгіёна з БССР у верасні 1939 года, а таксама гераічнай абароне Заслаўя ў чэрвені 1941 года.

Пра аўтара

Ігар Вячаслававіч Мельнікаў нарадзіўся ў красавіку 1980 года ў Бабруйску. Кандыдат гістарычных навук (Беларусь), магістр Варшаўскага ўніверсітэту (Польшча). Аўтар больш за 100 навуковых і публіцыстычных артыкулаў у айчынных і замежных выданнях. Спецыялізуецца па вайсковай гісторыі XX стагоддзя.

Лаўрэат прэміі імя Вацлава Ластоўскага за 2014 год за папулярызацыю ведаў па гісторыі Беларусі.

Аўтар кнігі “Заходнебеларуская Атлантыда 1921—1941 гг.”.

ЗМЕСТ Паглядзець

Ад аўтара (прадмова) Паглядзець

Гісторыя былой савецка-польскай мяжы, якая на працягу дваццаці гадоў падзяляла Беларусь, на жаль, мала вывучалася ў айчыннай гістарыяграфіі. Між тым, гэты гістарычны сюжэт заслугоўвае вялікай увагі з боку сучасных беларусаў. Мяжа паміж Другой Рэччу Паспалітай і БССР была, па сутнасці, мяжой паміж цывілізацыямі. Беларусы на Усходзе і Захадзе краіны жылі па розных законах і звычаях. Мяжа ўплывала на жыццё тысяч нашых суайчыннікаў па той і гэты бок.

Творчасць Сяргея Пясецкага раскрыла толькі адзін з бакоў функцыянавання “рыжскага кардона”. I тое не да канца, бо кантрабанда існавала практычна ўсюды, а не толькі ў знакамітым Ракаве.

Кніга, якую вы зараз трымаеце ў руках, прысвечаная невядомым старонкам гісторыі савецка-польскай мяжы ў раёне Заслаўя. Чаму менавіта гэты ўчастак? У міжваеннае дваццацігоддзе гэтае мястэчка выконвала тую ж функцыю, што сучасны Брэст. У горадзе Ізяслава месцілася інфраструктура 15-га атрада памежных войскаў НКУС БССР. Жыхары населеных пунктаў, якія знаходзіліся побач, як маглі карысталіся з жыцця на “мяжы цывілізацый”. 3 пачатку 1930-х гадоў ля Заслаўя пачынае будавацца Мінскі ўмацаваны раён Чырвонай Арміі, які пазней, з падачы нацысцкіх прапагандыстаў, будуць называць “Лініяй Сталіна”. Дарэчы, асобны раздзел кнігі прысвечаны гісторыі аднаго з батальённых раёнаў МіУРа.

Падзеі, звязаныя з уз’яднаннем Заходняй Беларусі і БССР у верасні 1939 года, таксама наклалі адбітак на заслаўскае памежжа. Пра гэта, а таксама пра мужную абарону старажытнага горада ў чэрвені 1941 года, у якой, акрамя чырвонаармейцаў, удзельнічалі і савецкія памежнікі, распавядаецца ў гэтым выданні.

Асобны раздзел кнігі прысвечаная аналізу “белых плям” у гісторыі Другой сусветнай вайны. Апошні раздзел знаёміць чытачоў з малавядомымі старонкамі мінуўшчыны Беларусі і цікавымі фактамі з жыцця людзей, якія залатымі літарамі ўпісалі свае імёны ў гістарычны летапіс нашай краіны.

Кніга напісаная на падставе шматлікіх дакументаў з архіваў Беларусі, Польшчы, Расіі і іншых краін, вусных успамінаў сведкаў эпохі і матэрыялаў з асабістай калекцыі аўтара.