Абвяржэнне

няма водгукаў

Танк Максім

7.90 руб.

Памер: 120x185 мм

Вага: 170 г

Purchase

Няма на складзе

Выдавец Логвінаў Ігар Паэзія Сэрыя "Я кнігу маю"Танк Максім

Апісаньне

Сто выбраных вершаў / Укладанне Андрэя Хадановіча; паслямова Альгерда Бахарэвіча. — Мінск: I. П. Логвінаў, 2012. — 132 с. — (Серыя “Я кнігу маю”).

ISBN 978-985-562-006-9.

У гэтую кнігу ўвайшлі толькі 100 вершаў. Тыя, што належаць да корпусу найлепшай беларускай паэзіі XX стагоддзя — і, безумоўна, будуць цікавыя чытачам у XXI. У зборніку няма вершаў, якія нас з-пад палкі прымушалі вучыць у школе. Але і школьнікам кніжка прыдасца: напрыклад, каб паказаць настаўнікам класнага паэта, якога яны яшчэ не ведалі (Андрэй Хадановіч. Ад укладальніка).

ЗМЕСТ Паглядзець зьмест цалкам

Пра аўтара Паглядзець цалкам

Максім Танк (Яўген Іванавіч Скурко, 1912—1995). Нарадзіўся ў вёсцы Пількаўшчына (цяпер Мядзельскі раён Мінскай вобласці). У 1914 г. разам з сям’ёй паехаў у эвакуацыю й апынуўся ў Маскве. 3 1926 г. жыў у Вілейцы. Працаваў у легальных і падпольных віленскіх перыёдыках. Пісаць вершы пачаў у другой палове 20-х гадоў, будучы гімназістам, друкавацца — з 1932 года. За ўдзел у выданні часопіса “Часопіс для ўсіх” быў арыштаваны і зняволены ў віленскай турме Лукішкі (1932). Пасля прыходу Саветаў у Заходнюю Беларусь працаваў у сектары нацыянальных школ Вілейскага абласнога аддзела народнай асветы. У гады вайны працаваў у газеце “За Савецкую Беларусь” і агітплакаце “Раздавім фашысцкую гадзіну”. Галоўны рэдактар часопіса “Полымя” (1948—1966), першы сакратар/старшыня Саюза пісьменнікаў Беларусі (1966—1990).

Дэпутат Вярхоўнага Савета БССР i СССР, старшыня Вярхоўнага Савета БССР. Герой Сацыялістычнай Працы, кавалер чатырох ордэнаў Леніна і шматлікіх іншых узнагародаў, сярод якіх афіцэрскі крыж Адраджэння Польшчы й ордэны Заслугі ПНР. Лаўрэат Дзяржаўнай прэміі СССР (1948), Літаратурнай прэміі Янкі Купалы (1959), Дзяржаўнай прэміі БССР (1966). Народны паэт Беларусі (1968). Імем Максіма Танка названы Беларускі дзяржаўны педагагічны універсітэт і вуліца ў Мінску.

Зборнікі паэзіі Максіма Танка Паглядзець цалкам

Ад укладальніка

Некалі Вальтэр так сказаў пра свой збор твораў, дзе было каля сотні тамоў: “3 такім багажом да нашчадкаў не даехаць”. Максім Танк напісаў сямнаццаць паэтычных кніг, не лічачы паэмаў, перакладаў, вершаў для дзяцей, прыжыццёвых збораў твораў і шмат чаго іншага. Нешта пісалася на злобу дня — і засталося ў сваім часе. Нешта дазволіла аўтару застацца жывым, атрымаць свае ўзнагароды й пасады — і дзякуй Богу.

Але разам з тым пісалася паэзія. Па дзіцячы наіўная і афарыстычна мудрая. Іранічная і самаіранічная. На дзіва свабодная, на фоне тагачаснай гісторыі. На дзіва еўрапейская, калі згадаць пра тагачасную палітычную геаграфію. Магчыма, найцікавейшая паэзія сваёй эпохі.

У гэтую кнігу ўвайшлі толькі 100 вершаў, але тыя, што з пэўнасцю “даехалі да нашчадкаў”. Тыя, што належаць да корпусу найлепшай беларускай паэзіі XX стагоддзя — і, безумоўна, будуць цікавыя чытачам у XXI. У зборніку няма вершаў, якія нас з-пад палкі прымушалі вучыць у школе. Але і школьнікам кніжка прыдасца: напрыклад, каб паказаць настаўнікам класнага паэта, якога яны яшчэ не ведалі.

Альгерд Бахарэвіч. Права на арытмію (паслямова) Паглядзець цалкам