CD Litvinovsky Alexander. Christian Cantatas. Consort Lessons

няма водгукаў

5.60 руб.

Памер: 140x120 см

Вага: 110 гр.

Purchase

няма на складзе

Клясычная музыка Каўчэг

Апісаньне

18 трэкаў / Агульны час гучання 61: 54. © 2010 Litvinovsky Music/ASCAP (USA). © 2010 Kovcheg, Minsk BYAO110015. All rights reserved.

Аб'яднаныя рэлігійнай тэматыкай кантаты Да Маці Божай (1996), Сэрца Езуса (1997), Песні на Божае Нараджэнне (1998) — нібы трыпціх, агульныя рысы якога — традыцыйныя беларускія | тэксты хрысціянскіх малітваў, у лепшым сэнсе даходлівая папулярная музычная мова, скіраваная на масавае ўспрыманне. Усе тры кантаты напісаныя на тэксты малітоўніка, складзенага і вядомым беларускім дзеячам ксяндзом Адамам Станкевічам.

ТРЭК-ЛІСТ Паглядзець

ПРА ДЫСК Паглядзець

Аб'яднаныя рэлігійнай тэматыкай кантаты Да Маці Божай (1996), Сэрца Езуса (1997), Песні на Божае Нараджэнне (1998) — нібы трыпціх, агульныя рысы якога — традыцыйныя беларускія | тэксты хрысціянскіх малітваў, у лепшым сэнсе даходлівая папулярная музычная мова, скіраваная на масавае ўспрыманне. Усе тры кантаты напісаныя на тэксты малітоўніка, складзенага і вядомым беларускім дзеячам ксяндзом Адамам Станкевічам. Выданне было ажыццёўлена ў Вільні ў 1944 годзе і прысвячалася 25-годдзю існавання Віленскай Беларускай Гімназіі. Укладальнік так вызначыў мэту свайго зборніка, названага “Вучыся і маліся”: “Сціплая гэта кніжыца мае на мэце і адзначыць 25-я ўгодкі Гімназіі, а таксама дапамагчы беларускай школьнай моладзі маліцца на роднай мове”.

У гэтых проста арганізаваных вершах, якія ўяўляюць сабой самы дэмакратычны тып рэлігійнай паэзіі, глыбокі змест выяўлены ў лёгкай, натуральнай форме. Непаўторны каларыт ім надае мілагучнасць беларускай мовы, і мэтай кампазітара было стварэнне арганічнага музычнага матэрыялу, які не і зацяніў бы тэкст, а надаў бы немудрагелістаму слову эмацыйную мастацкую афарбоўку. Сам Аляксандр Літвіноўскі сказаў так: “Працуючы над музычным увасабленнем тэкстаў, я спрабаваў пісаць нібы ў той жа манеры, у якой напісаныя самі гэтыя вершаваныя малітвы. А паколькі менавіта раннекласічны стыль меў на ўвазе светлыя ідэалы, пазітыўныя вобразы, дамінаванне мажорных танальнасцяў, то я свядома арыентаваўся на яго. Да таго ж, я ўпершыню працаваў у гэтай і манеры, таму мне было цікава паспрабаваць”.

Кантата Да Маці Божай, дзякуючы сувязі з адпаведнай рытуальнай музыкай мінулага, стварала падчас яе гучання ў канцэртных залах, асабліва — у касцёлах, агульны настрой святочнасці.

Сэрца Езуса прадстаўляе ўзор урачыстага і далікатнага гучання, дзе ўзнёслая вытанчанасць адценьваецца мяккім пранікнёным лірызмам.

Прэм’ера Песень на Божае Нараджэнне адбылася ў снежні 2000 года ў касцёле Святога Роха на Залатой горцы, і а неўзабаве гэтая музыка прагучала падчас галоўнага Каляднага набажэнства ў Віцебскім касцёле Святой Варвары, нібы знамянуючы надыход ІІІ-га тысячагоддзя. Спачатку твор прызначаўся для змяшанага хору з акампанементам аргана, але, урэшце, кампазітар вырашыў стварыць версію для хору і сімфанічнага аркестра, якая і была выкананая капэлай “Sonorus” пад кіраўніцтвам Аляксея Шута. Імкнучыся выкарыстаць увесь бляск сімфанічнага гучання, аўтар зазначае: “Аркестроўку хацелася зрабіць сакавітую і ў той жа час празрыстую, максімальна яркую і звонкую. Гэта кантата мусіла быць самай яскравай і адрознівацца ад дзвюх іншых асабліва радасным гучаннем, бо яна прысвечаная цуду Божага Нараджэння”.

Сюіта для камернага аркестра Consort Lessons напісана ў 1999 годзе. Жанравыя, вобразныя і інтанацыйныя вытокі гэтага твора — у эстэтыцы еўрапейскай побытавай музычнай культуры эпохі барока. Назва “Consort Lessons” перакладаецца з ангельскай як “урокі кансорта”. Кансорты (consortium — саўдзел) з’явіліся ў Англіі на мяжы 16—17 стагоддзяў і ўяўлялі сабой супольнасці выканаўцаў на розных музычных інструментах. Consort Lessons называўся зборнік інструментальных п’ес, выдадзеных у Лондане ў 1599 г. П’есы былі напісаны рознымі аўтарамі, якія выкарыстоўвалі новыя выканаўчыя магчымасці вялікіх ансамбляў (часам да 30—40 чалавек) і стваралі розныя музычныя кампазіцыі адточанай і развітай формы.

Своеасаблівую інтэрпрэтацыю гэтая традыцыя атрымала ў творчасці Г. Персела і Г. Ф. Генделя. 3 часам аналагічныя формы музіцырвання (прыдворныя аркестравыя капэлы) распаўсюдзіліся і ў Беларусі, дасягнуўшы росквіту пры сядзібах магнатаў у 18 стагоддзі.

Наш сучаснік Аляксандр Літвіноўскі не імкнуўся стварыць простую стылізацыю даўняй арыстакратычнай музыкі. Выкарыстаўшы вытанчаныя прыёмы мінімальнага мастацтва, кампазітар, быццам праз павялічальнае шкло, разглядае ўзоры старадаўняй музычнай творчасці, ствараючы сваю арыгінальную гукавую эстэтыку. Consort Lessons складаецца з 5 частак: Ouverture, Sinfonia, Menuet, Passamezzo, Ballo. Гэта безканфліктны свет прыгожых і дасканалых ў сваёй простасці мелодый, свет яркіх і радасных вобразаў, у якім ёсць таямнічы магнетызм, у якім раствараецца пачуццё рэальнасці, праўдзівымі робяцца казкі і мроі, вяртаецца чысціня дзіцячага ўспрымання.

(Святлана Берасцень)

Трэк "01. Vitaj Maryja" можна праслухаць ніжэй.