Ліпень—жнівень. Літаратурны часопіс. — Мінск, 2018. — 284 с.
ISSN 2076-1309
Аўтары нумару:
Валянцін Акудовіч, Вольга Бабкова, Алена Брава, Язэп Драздовіч, Сяргей Кавалёў, Уладзімір Сцяпан, Вітаўт Чаропка і іншыя.Свежы – 95-ты! – “Дзеяслоў” выпраўляецца ў шлях да чытача! (анонс нумару на DZIEJASLOU.BY) Паглядзець
Адкрывае нумар фрагмент з рамана “Садомская яблыня” Алены Брава. Густоўна-іранічны “Букет” мініяцюраў прапануе чытачам Уладзімір Сцяпан.
Да 130-годдзя Язэпа Драздовіча гісторык літаратуры Лія Кісялёва падрыхтавала “самнамбулічна-тэлевізійныя эскізы” “Жыцьцё на плянэце Сатурн” з прадмовай да іх. Гэтая публікацыя сталася мажлівай дзякуючы фундацыі Паўла Падкарытава. Цэнтральным тэкстам у літаратуразнаўча-крытычнай частцы нумару ёсць даследаванне Сяргея Кавалёва “Тутэйшыя”: паміж літаратурай і палітыкай. Дарэчы, у нумары прадстаўленыя творы аж чатырох чальцоў гэтай легендарнай суполкі. Акрамя названага вышэй Уладзіміра Сцяпана, друкуюцца творы Адама Глобуса (“Таня”. Словы пра паэтку Таню Сапач), Вітаўта Чаропкі (фрагменты з нізкі “Запасная кніжыца жыцця”) і, уласна, сам Сяргей Кавалёў, як вядома, — “тутэйшавец”.
У нумары таксама — аповесць Івана Клімянкова, апавяданне Вольгі Бабковай, вершы Васіля Зуёнка, Людмілы Хейдаравай, Крысціны Бандурынай, Яўгена Бяласіна, Валерыя Ягорава. Сяргей Вайніцкі дэбютуе ў “Дзеяслове” (і літаратуры) з апавяданнем “Ліхтар”.
Рубрыка “Пераклады” знаёміць чытача з творамі амерыканскай паэткі СіДзі Райт у перакладзе Вольгі Гапеевай, а таксама — польскага паэта Ежы Плютовіча ў перакладах Надзеі Артымовіч і Ціхана Чарнякевіча.
І гэта яшчэ толькі сярэдзіна нумара. Да 135-годдзя Вацлава Ластоўскага Таццяна Кабржыцкая падрыхтавала артыкул пра ўкраінскі катэкст жыццёвага і творчага шляху славутага адраджэнца. Валянцін Акудовіч знаёміць чытача з фрагментамі сваёй новай кнігі “Трэба ўявіць Сізіфа шчаслівым”. Уладзімір Мароз дзеліцца згадкамі пра сваю “Спатоленасць Парыжам”. У рубрыцы “In memoriam” — Слова Алеся Бельскага пра Любоў Тарасюк. Заканчэнне ўспамінаў бібліёграфа-бібліятэкаркі Юліі Бібілы, рэпрэсаванай у 1930-я гады, пра Менск 20-30-х гадоў (сярод іншага, — пра супрацу з Янкам Купалам). Гэтая публікацыя, падрыхтаваная Таццянай Кекелевай і Арсенем Лісам, сталася апошняй прыжыццёвай для спадара Арсеня.
“Бульба і бугі” — гэтак называюцца “раптоўныя замалёўкі” Міхала Рубіна.
“Дзеяслоўскі” кніжны аглядальнік Леанід Галубовіч піша пра зборнік вершаў Сабіны Брыло “Это буквы”.
Завяршае нумар традыцыйны агляд кніжных навінак на паліцах “Дзеяслова”.
Прыемнага чытання!
ЗМЕСТ Паглядзець
ПРОЗА
Алена Брава. Дзень забітых птушак. Фрагмент з рамана “Садомская яблыня”
Уладзімір Сцяпан. Букет. Мініяцюры
Іван Клімянкоў. Мажорны фінал. Аповесць
Вольга Бабкова. Палата №10. Апавяданне
Адам Глобус. Таня. Словы пра паэтку Таню Сапач
Вітаўт Чаропка. Гэты свет не для мяне… З нізкі “Запасная кніжыца жыцця”
ПАЭЗІЯ
Васіль Зуёнак. На ўсе часы... Вершы
Фелікс Баторын. Як будзе. Вершы
Людміла Паўлікава-Хейдарава. Вечаровае веча. Урыўкі з кнігі іцзін-секстэтаў
Крысціна Бандурына. Геаграфія, арыфметыка і трошкі любові. Вершы
Яўген Бяласін. Відзежы і ўспрыманні. Вершы
Валерый Ягораў. Зыход тысячагоддзя. Вершы
ДЭБЮТ
Сяргей Вайніцкі. Ліхтар. Апавяданне
ПЕРАКЛАДЫ
СіДзі Райт. Уяўны жнівень. Вершы. Пераклад Вольгі Гапеевай
ДА 130-ГОДДЗЯ ЯЗЭПА ДРАЗДОВІЧА
Язэп Драздовіч. Касмічная адысея Язэпа Драздовіча: малавядомыя тэксты. Падрыхтоўка публікацыі і прадмова Ліі Кісялёвай
ДА 135-ГОДДЗЯ ВАЦЛАВА ЛАСТОЎСКАГА
Таццяна Кабржыцкая. Пратуберанцы творчых арбіт адраджэнца Вацлава Ластоўскага. Украінскі кантэкст жыццёвага і творчага шляху
ЗГАДКІ
Валянцін Акудовіч. Літаратурны інстытут. З новай кнігі “Трэба ўявіць Сізіфа шчаслівым. (Хронікі беларускага інтэлектуала)”
Уладзімір Мароз. Спатоленасць Парыжам. З аповедаў жыцця
КРЫТЫКА
Сяргей Кавалёў. “Тутэйшыя”: паміж літаратурай і палітыкай
IN MEMORIAM
Алесь Бельскі. «Гэты ранак мяне паклікаў…» Слова пра Любоў Тарасюк
СПАДЧЫНА
Юлія Бібіла. «…Прысвяціць сябе справе блізкай, харошай!» Успаміны. (Заканчэнне). Падрыхтоўка да друку і каментары Таццяны Кекелевай і Арсеня Ліса
ПРАКТЫКУМ
Міхаіл Рубін. Бульба і бугі. Раптоўныя замалёўкі
КНІГАПІС
Леанід Галубовіч. “Па-за межамі верша…” Рэцэнзія на кнігу Сабіны Брыло “Это буквы”
ДЗЕЯПІС
Новыя выданні на кніжных паліцах «Дзеяслова»
