Лшоно Габоо Бійрушалайм

няма водгукаў

Віцьбіч Юрка

7.50 руб.

Памер: 130x200 мм

Вага: 310 г

Purchase

Абраны варыянт адсутнічае на складзе. Калі ласка, абярыце іншы варыянт.

Проза Мэмуары Кнігазбор (выдавецтва)Сэрыя "Бібліятэка Бацькаўшчыны"Эпісталярыі Віцьбіч Юрка

Апісаньне

Даваенная проза. — Мінск: Кнігазбор, 2011. — 232 с. — (Бібліятэка Бацькаўшчыны; кніга 19).

ISBN 978-985-7007-17-2

Кніга Юркі Віцьбіча “Лшоно Габоо Бійрушалайм” — 19-я ў серыі “Бібліятэка Бацькаўшчыны”, заснаванай МГА “ЗБС “Бацькаўшчына” ў 2004 годзе, — складаецца з найбольш адметных твораў даваеннай прозы, якія ўпершыню ў Беларусі публікуюцца асобным выданнем. Гэтыя тэксты сведчаць пра своеасаблівы стыль пісьменніка, што выразна вылучаўся з канонаў тагачаснага савецкага пісьменства. Акампануюць ім успаміны і лісты, прысвечаныя літаратурнаму працэсу ў Беларусі ў 1920—1930х гг. Выданне ёсць новай спробай вяртання творчай спадчыны Юркі Віцьбіча ў Беларусь і разлічана як на літаратуразнаўцаў і гісторыкаў, гэтак і на ўсіх аматараў беларускай літаратуры.

Артыкул пра аўтара ў ВІКІПЭДЫІ

Юрась Гарбінскі. ЮРКА ВІЦЬБІЧ (з кнігі "Беларускія рэлігійныя дзеячы XX ст. Жыццярысы. Мартыралогія. Успаміны.", Мінск-Мюнхен, 1999.).

ЗМЕСТ

Даваенны Віцьбіч. Лявон Юрэвіч

Аўтабіяграфія
Смерць Ірмы Лаймінг
Арцыбіскуп і смерд
Лшоно Габоо Бійрушалайм
“Узвышша”
Лісты да Антона Адамовіча
Не чарнілам, а крывёю
“Люблю я, разумееце, Віцебск”
З ліставання

Бібліяграфія твораў Юркі Віцьбіча. Укладальнікі Алена і Лявон Юрэвічы

Артыкул пра кнігу на сайце МГА “ЗБС “Бацькаўшчына” Паглядзець цалкам

Кніга складаецца з найбольш адметных твораў даваеннай прозы, якія ўпершыню ў Беларусі публікуюцца асобным выданнем. Гэтыя тэксты сведчаць пра своеасаблівы стыль пісьменніка, што выразна вылучаўся з канонаў тагачаснага савецкага пісьменства. Акампануюць ім успаміны Юркі Віцьбіча пра літаратурнае згуртаванне “Узвышша”, сябрам якога ён быў, ды лісты, прысвечаныя міжваеннай беларускай літаратуры.

Назву кнізе дало адно з апавяданняў Юркі Віцьбіча. “Лшоно Габоо Бійрушалайм” — гэта вядомае габрэйскае выслоўе, якое ў перакладзе з старажытнагабрэйскай мовы азначае “У наступным годзе ў Ерусаліме”.

У якасці ўкладальніка кнігі выступіў Лявон Юрэвіч. Ён жа напісаў і прадмову да кнігі. Рэдактары — Ціхан Чарнякевіч і Наталля Гардзіенка.

Змешчаныя ў зборніку творы былі ўпершыню апублікаваныя на пачатку 1930-х гг. Пра іх распавядае Наталля Гардзіенка:

“Арцыбіскуп і смерд” — гэта ўзор своеасаблівай гістарычнай прозы. “Смерць Ірмы Лаймінг” і “Лшоно Габоо Бійрушалайм” распавядаюць пра першыя гады савецкай улады ў Беларусі, паказваюць іх адрозна ад таго, як гэтага патрабавала савецкая прапаганда. У творы, што даў назву зборніку, адлюстраваны непаўторны каларыт габрэйскага мястэчка, ягоны свет, разбураны рэвалюцыйнымі падзеямі. Менавіта таму Юрка Віцьбіч быў абвінавачаны крытыкамі ў нацдэмаўшчыне і сіянізме і не быў прыняты нават у кандыдаты ў Саюз савецкіх пісьменнікаў БССР. Зразумела, што пазней у Савецкай Беларусі гэтыя творы больш не перавыдаваліся, а асоба самога Юркі Віцьбіча, што ў паваенны час жыў у ЗША, малявалася выключна чорнымі фарбамі. Таму шырокаму колу чытачоў змешчаныя ў зборніку творы былі невядомыя”.

Па словах рэдактара кнігі Ціхана Чарнякевіча, “у артыкулах, нарысах, шматлікіх лістах Віцьбіч аднаўляе ўсе перыпетыі літаратурнага побыту і гістарычных варункаў, у якія яму давялося жыць да вайны. Кніга “Лшоно Габоо Бійрушалайм”, такім чынам, — вельмі каштоўны матэрыял не толькі для філолага, але і для гісторыка, краязнаўца, які цікавіцца Віцебшчынай”.

Выданне ёсць новай спробай вяртання творчай спадчыны Юркі Віцьбіча ў Беларусь і разлічанае як на літаратуразнаўцаў і гісторыкаў, так і на ўсіх аматараў беларускай літаратуры.

Інфармацыйны цэнтр МГА “ЗБС “Бацькаўшчына”

Водгукі

Неабходны Уваход або Рэгістрацыя, каб напісаць водгук.

Раім паглядзець

Самурай

Кіркевіч Алесь

Свет перапоўнены інфармацыяй, а чалавек не адчувае “інфармацыйнага голаду”, каб чытаць вялікія кніжкі. Таму шанец застаецца адно ў паэзіі ды кароткіх празаічных тэкстаў. Туды, нібы ў мікрачып, можна запісаць максімум эмоцый – каханне, страх, роспач. З імі ды іншымі рэфлексамі спрабуе гуляць аўтар у сваім дэбютным зборніку.

Душпастарскія спатканьні для дачнікаў

Касьцюкевіч Павал

Узор сучаснай "постбеларускай" прозы, прозы, якая сама па сабе і твор, і трактат. І забаўка, і гульня, і правакацыя, і сьцёб, і поза, і візытоўка, і пераўвасабленьне, і вандроўка. Тут і ўчора, і заўтра, Беларусь, і Ізраіль, саветчына і Эўропа.