Наступны прыпынак
6.40 руб.
Памер: 120x190 мм
Вага: 180 г
Purchase
Няма на складзе
Апісаньне
Вершы. — Мінск : Кнігазбор, 2018. — 128 с. — (Бібліятэка Саюза беларускіх пісьменнікаў “Кнігарня пісьменніка” ; выпуск 109).ISBN 978-985-7027-23-7.
Дэбютны зборнік вершаў Алеся Замкоўскага — гэта лірычны відарыс узнёслых вандровак неспакойнай душы аўтара па свеце пачуццяў, роздумаў, трызненняў і мар. Сонца, поўня, неба, зоры, вада, вясна, восень, зіма, дзень і ноч, анёлы, каханая — яго галоўныя спадарожнікі на абраным паэтычным шляху. Зборнік складаюць вершы, напісаныя на працягу апошніх 15 гадоў.
© Замкоўскі А., 2018
© ГА «Саюз беларускіх пісьменнікаў», 2018
© Афармленне. ПУП «Кнігазбор», 2018
ПРА КНІГУ
Што застанецца, калі аддаць усё (Жанна Капуска, сайт СБП)
ВЕРШ З КНІГІ
* * *
У травеньскі бэзавы вечар
закрый мае сумныя вочы
пяшчотнага слова далоняй.
Бяссоннай купальскаю ноччу
спакой падары маім вуснам
сваім пацалункам гарачым.
У верасні ранкам туманным
ізноў напішы мне прызнанне
на мокрым лісце й пажоўклым.
А дзённай завеяй у лютым
аддай свае крылы свабоды —
я моўчкі растану, я моўчкі…
ЗМЕСТ Паглядзець
ПРА АЎТАРА
Алесь Замкоўскі нарадзіўся ў Полацку ў 1984 годзе. Скончыў Полацкую нацыянальную гімназію, факультэт беларускай філалогіі і культуры Віцебскага дзяржаўнага ўніверсітэта імя П. М. Машэрава.
Друкаваўся ў часопісах “Маладосць”, “Дзеяслоў”, газеце “Літаратурная Беларусь”, альманахах “Надзвінне” і “Ратуша”.
Лаўрэат першага конкурсу маладых пісьменнікаў “Экслібрыс” (2012), фіналіст фестывалю аўтарскай песні і паэзіі “Віцебскі лістапад” (2017), (2017), лаўрэат трэцяй ступені Міжнароднай славянскай паэтычнай прэміі (2017).
Водгукі
Неабходны Лагін або Рэгістрацыя, каб напісаць водгук.
Раім паглядзець
Дзівосныя вершы Тацяны Сапач уяўляюць сабой дасканалую музыку слоў і завяршаюць залатое ХХ стагодзьдзе беларускай паэзіі. У кнігу ўвайшлі ўсе вядомыя паэтычныя творы, а таксама пераклады сучаснай літоўскай і польскай паэзіі, эсэ, інтэрвію, фрагмэнты электроннай перапіскі.
Дэбютны зборнік Паўла Дарохіна з аўтарскімі ілюстрацыямі, складзены з вершаў 2006–2020 гг.
"Песні для мёртвых і ўваскрэслых" – гэта лірычны міф пра тое, як гісторыя гвалту жыве ў асобным чалавеку. Паэтка спявае свае Lieder у цемры рымскіх касцёлаў, у святле памяці, уяўлення, гісторыі і музыкі.
