Пястачкі

няма водгукаў

Барадулін Рыгор

35.00 BYN

Памер: 160x240 мм

Вага: 510 г

Purchase

Абраны варыянт адсутнічае на складзе. Калі ласка, абярыце іншы варыянт.

Мэмуары Публіцыстыка Жыцьцяпісы Барадулін Рыгор Выдавец Цымбераў Раман

Апісаньне

Пястачкі : лірычна-роздумны канспект жыцця… / Рыгор Барадулін ; укладанне, прадмова Наталля Давыдзенка. — Мінск : Выдавец Цымбераў Р. М., 2025. — 212 с.

ISBN 978-985-7334-22-3.

У кнізе разам сабраны кароткія запісы Р. Барадуліна, папярэдне змешчаныя ў ягоным 11-томным выданні «Дзённікі і запісы. 1951–2014», друкаваным у 2015–2022 гадах. Разнастайныя зацемкі хораша дапаўняюць партрэт паэта, летапіс яго жыцця, інтарэсаў і назіранняў.

Ад укладальніка Паглядзець

Пястачка — знаёма-незнаёмае слова: тое, што бяруць сыпучае, напрыклад, соль, трыма пальцамі, — драбок, шчопаць — каму як называецца.

Паэт Рыгор Барадулін шукаў патрэбныя словы і слоўцы на слых, ледзь не на смак, каб аб’яднаць зборкі вершаў — караценькіх, празрыстых, змястоўных, гарэзлівых. І называў — ясачкамі, ахвярынкамі, трыліснікам, учэпінкамі, а то і вясёла-з’едліва дурнотамі.

Мільганула ў рабочым блакноце і аброненае «пястачкі». І ў добры час прыдалося, калі ў складальніка 11-томніка паэтавых «Дзённікаў і запісаў. 1951–2014», выдадзеных ў 2015–2022 гадах, узнікла патрэба азагаловіць спачатку раскіданыя па тамах, а пасля сабраныя ў адзін раздзел апошняга тома асобныя запісы.

У безлічы рабочых блакнотаў і на выпадковых лістках і паперках захаваліся імгненныя ўражанні і назіранні ў паездках па краях і краінах, заўвагі для памяці, нечым уразіўшыя цытаты, вершаваныя радкі, забытыя аўтарам, назвы задуманых паэм, смешныя здарэнні і гісторыйкі, бягучыя ўспаміны, запісы пачутай сакавітай простанароднай мовы, у якую ўвесьчасна чуйна ўслухоўваўся, непасрэдныя дзіцячыя выразы і слоўцы дачкі, а пазней і ўнучкі, рэдкія факты і проста рыфмы, — усяго не пералічыць.

Так нечакана склалася незвычайная кніга, якая пачыналася накідамі 1955 года, першымі спробамі студэнта пісаць-запісваць усё, што зацікавіла вока і душу, і папаўнялася амаль да апошніх год жыцця.

Сабраныя разам, зацемкі, як у калейдаскопе, склаліся ў адмысловую мазаіку, дадалі колераў, святла і дыхання нават дзённікам, доўгаму, болей за 60 гадоў, летапісу чалавечага і творчага шляху паэта.

Вядома, што дзённікі, непасрэдныя, бягучыя, шчырыя, бо пішуцца для сябе, падчас раскрываюць чалавека глыбей і паўней, чым асабістыя мемуары ці ўспаміны блізкіх і сяброў. «Пястачкі» ўважліваму чытачу «дараскажуць», дамалююць, дапоўняць штрыхамі партрэт Паэта, чалавека і творцы.

Думаецца, што да месца ў зборніку і рознага роду зноскі і тлумачэнні. Яны звяртаюць увагу чытача на вершы, артыкулы, успаміны, якімі паэт адгукаўся на ўражанні ад пабачанага, перажытага, на сяброўства і творчасць іншых літаратараў.

Але мне падалося, што зусім невыпадкова лёс падараваў яму (і нам усім) запіс нечаканай і амаль загадкавай фразы Антуана дэ Сент-Экзюперы: «В действительности всё иначе, чем на самом деле». Дазволіла сабе трохі па-свойму пераказаць: «На самой справе ўсё іначай, чым здаецца».

Апошні запіс Паэта 2012 года…

Наталля Давыдзенка

Водгукі

Неабходны Лагін або Рэгістрацыя, каб напісаць водгук.

Раім паглядзець

Дзённікі і запісы. Выпуск 7. 1994–1995

Барадулін Рыгор

Сёмы том (выпуск) “Дзённікаў і запісаў. 1994–1995” Рыгора Барадуліна раскрывае напружанае грамадскае і, галоўнае, апантанае творчае жыццё народнага паэта, яго адносіны да рэаліяў новага часу, чалавечых адносін, мінулага краіны і жаданай будучыні. У кнізе змешчана больш за 200 вершаў, якія не друкаваліся ў ягоных зборніках, а таксама сяброўскіх прысвячэнняў і эпіграм.

Шчанячыя гады

Ваньковіч Мельхіёр

Успаміны польскага пісьменніка Мельхіёра Ваньковіча (1892–1974) дагэтуль не перакладаліся на беларускую мову, хоць найперш яны цікавыя менавіта беларускаму чытачу. Аўтар — нашчадак заможнага шляхоцкага роду, нарадзіўся ў маёнтку Калюжычы (цяпер Бярэзінскі раён). З ягоных “Шчанячых гадоў” паўстае Беларусь на зломе гістарычных эпох — ад паўстання 1863 года да савецка-польскай вайны 1920 года. Кніга чытаецца захапляльна: тут ёсць і жывы гумар, і глыбінныя светапоглядныя рэчы.

Ідзі адзін

Пятровіч Барыс

Гэтая незвычайная кніга складаецца з запісаў, зробленых у далёкім студзені 1993 года, калі аўтар раптам вырашыў весці дзённік, а таксама штодзень пісаць кароткую прозу ў прыдуманых ім «жанрах». У выніку атрымаўся адзін месяц жыцця, асветлены з розных бакоў, – асабістага, грамадскага, творчага...