Беларускі Гістарычны Агляд. Том 22
8.00 BYN
Памер: 140x220 мм
Вага: 535 г
Purchase
Апісаньне
Сшыткі 1—2 (42—43). Старонкі 1—382. Снежань 2015.ISSN 1392-902X
Аўтары нумару Аляксандр Казакоў, Кароль Лапатэцкі, Юры Гардзееў, Аляксандр Гужалоўскі, Мічыхіра Ясуі, Анджэй Смалярчык, Ірына Раманава, Генадзь Сагановіч, Міраслаў Грох, Рышард Радзік, Тамаш Камусэла, Алег Ліцкевіч, Ігар Капылоў, Сяргей Токць, Антон Лявіцкі, Ніна Камарова.
У новым нумары асаблівай увагі заслугоўваюць тэарэтычныя развагі Міраслава Гроха пра нацыю як па-сапраўднаму еўрапейскі феномен (гэты тэкст славутага чэшскага класіка нацыязнаўства ўпершыню выходзіць па-беларуску), даследаванне японскага гісторыка Мічыхіры Ясуі пра ўзаемаадносіны беларусаў і яўрэяў у парламенце ІІ Рэчы Паспалітай, даследаванне Аляксандра Гужалоўскага пра “сексуальную рэвалюцыю” ў БССР, а Ірыны Раманавай — пра першы ў БССР паказальны судовы працэс, арганізаваны сталінскай уладай у 1937 г., як і шмат іншых важных артыкулаў. Усім гуманітарыям варта пазнаёміцца з неардынарным поглядам Тамаша Камусэлы з Шатландыі на тое, як традыцыя выкарыстання аднаго прыназоўніка адлюстроўвае стэрэатыпную ўстаноўку польскай гістарыяграфіі ў адносінах да сваіх суседзяў, у т. л. да Беларусі. Для чытача, зацікаўленага ў дабротных навуковых выданнях па гісторыі Беларусі, каштоўнымі будуць як арыгінальныя артыкулы гэтага тома, так і агляд новай літаратуры, які прапануецца ў кожным нумары перыёдыка.
ЗМЕСТ Паглядзець
Водгукі
Неабходны Лагін або Рэгістрацыя, каб напісаць водгук.
Раім паглядзець
Гісторыя Расіі нязменна выклікала цікавасць еўрапейскіх народаў, а найперш суседзяў. Гэтая кніга ўяўляе сабой спробу даць сінтэтычнае асэнсаванне расійскай гісторыі ад Сярэднявечча да нашых дзён, з беларускага гледзішча і на беларускай мове. У аснову кнігі пакладзеныя вынікі даследаванняў як расійскіх гісторыкаў і археолагаў, так і іх калег з розных краін Еўропы. Выданне забяспечана грунтоўнай бібліяграфіяй на 12 мовах свету. У кнізе таксама змешчана вялікая колькасць ілюстрацый, частка якіх ніколі не публікавалася.
Другі том збору твораў аднаго з найбольш вядомых даследчыкаў беларускай даўніны ўключае ў сябе пераважна працы па сацыяльна-эканамічнай гісторыі XVI – пачатку XX ст., у тым ліку манаграфію "Перадумовы сялянскай рэформы 1861 г. у Літве і Заходняй Беларусі", гісторыка-этнаграфічны нарыс пра родную вёску Віцкаўшчыну ў 1880–1917 гг., а таксама артыкулы, рэцэнзіі і водгукі на гістарычную тэматыку.
Гэта кніга пра тое, як другія саветы асталёўваліся ў Заходняй Беларусі, пачынаючы з 1944 г. Насуперак афіцыйнай догме, саветызацыя тут суправаджалася масавым незадавальненнем насельніцтва і, як вынік, масавымі рэпрэсіямі супраць яго. Аўтар паказвае, што п’янства, недавер да мясцовых кадраў, распуста, тэрор былі неад’ёмным спадарожнікам сталінскага апарату ўлады. Кніга таксама прэзентуе нарыс пасляваенных рухаў супраціву ў Беларусі — уласна беларускага, польскага, украінскага і літоўскага.
