Гісторыя Латвіі

няма водгукаў

Бутуліс Ілгварс, Зунда Антоній

30.00 BYN

Памер: 145x200 мм

Вага: 490 г

Purchase

Няма на складзе

Выдавец Колас Зміцер Гісторыя Пераклады Бутуліс Ілгварс Зунда Антоній

Апісаньне

Гісторыя Латвіі / Ілгварс Бутуліс, Антоній Зунда ; пераклад з латышскай Ягора Сурскага. – Мінск : Выдавец Зміцер Колас, 2017. – 336 с., іл., [16 л. іл.].

ISBN 978-985-7164-60-8

Рэдагаванне, пераклад уступнага слова, прадмовы і раздзела «Грамадзяне Латвіі ў Савецкім Саюзе» Лявона Баршчэўскага.

Пераклад зроблены паводле выданняў:
Бутулис И., Зунда А. История Латвии. Пер. С лат. Р. Добровенский. [Рига:] Jurmava, 2015. 280 с.
Butulis, I. Zunda, A. Latvijas vēsture. [Rīga:] Jurmava, 2015. 239 lpp.

У сваёй кнізе прафесары Латвійскага універсітэта Ілгварс Бутуліс (нар. У 1948) і Антоній Зунда (нар. У 1947) у даступнай эсэістычнай форме робяць выклад гісторыі сваёй краіны ад старажытнасці да сённяшніх дзён. Значную ўвагу яны надаюць не толькі ключавым пытанням палітычнай гісторыі Латвіі, але таксама праблемам яе эканамічнага развіцця і культуры.

ЗМЕСТ Паглядзець

УСТУПНАЕ СЛОВА ДА БЕЛАРУСКАГА ВЫДАННЯ Паглядзець

Адна з падставовых праўдаў гісторыі палягае ў тым, што ніводзін народ, а значыць ніводная дзяржава не існуюць выключны паасобку, самі па сабе: гэта з’явы больш агульнага працэсу; хоць пры гэтым у кожным выпадку гаворка ідзе толькі пра ўласцівы адпаведным народам і дзяржавам вобраз і адпаведны шлях гістарычнага развіцця. Аўтары гэтай кнігі, якая цяпер прыходзіць да беларускага чытача, паказваюць складаны і, часткова, трагічны лёс латышскага народа ад самых пачаткаў да нашых дзён ва ўсёй яго гістарычнай разнастайнасці.

18 лістапада 2018 года Латвія будзе адзначаць стагоддзе з таго дня, калі ў далёкім 1918 годзе была абвешчана Латвійская Рэспубліка – і цяпер толькі можна захапляцца дальнабачнасцю, мэтаскіраванасцю, упартасцю і непахіснасцю тых людзей, якія стаякі каля вытокаў нашай дзяржавы. Яны былі сапраўднымі летуценнікамі-візіянерамі, што не страцілі надзеі ў змаганні за сваю дзяржаву ў найскладанейшых варунках у канцы Першай сусветнай вайны і, у выніку, дамагліся поспеху. Будаўніцтва дзяржавы было трагічна перапыненае летам 1940 года, пасля прыходу ў Латвію чырвонай арміі з наступнай акупацыяй і далучэннем яе да Савецкага Саюза. Толькі праз 50 гадоў нам удалося ўзнавіць нашу незалежнасць і працягнуць дзяржаўнае будаўніцтва, абапіраючыся на Канстытуцыю Латвійскай рэспублікі 1922 года, якая, з пэўнымі змяненнямі і дапаўненнямі, вытрымала выпрабаванне часам. Тады ж Латвійская рэспубліка ўзнавіла сваю знешнепалітычную дзейнасць у поўным аб’ёме.

У той самы час незалежнасць абвясціла і Рэспубліка Беларусь, наш блізкі сусед, з якім нас злучаюць не толькі эканамічныя і культурныя стасункі, але і даўняя гістарычная повязь.
16 снежня 1991 году была падпісаная Дэкларацыя аб прынцыпах добрасуседскіх адносінаў паміж дзвюма краінамі, а 7 красавіка быў падпісаны пратакол аб усталяванні дыпламатычных зносінаў паміж Рэспублікай Беларусь і Латвійскай Рэспублікай. 25 гадоў паміж Латвіяй і Беларуссю наладзілася ўсебаковае супрацоўніцтва ў розных галінах. Дагаворна-праўная база беларуска-латвійскага супрацоўніцтва складаецца з 27 міждзяржаўных і міжурадавых дамоваў і 16 пагадненняў міжведамаснага характару. Варта адзначыць, што Беларусь – найбуйнейшы гандлёвы партнёр Латвіі сярод краін Усходняга партнёрства, другі паводле аб’ёму партнёр у транзітным бізнэсе і важны замежны інвестар. Латвійска-беларускаму актыўнаму эканамічнаму супрацоўніцтву спрыяе геаграфічная блізкасць дзвюх краін, плённыя кантакты на ўзроўні бізнесу і разнастайныя фарматы эканамічнага супрацоўніцтва.

Існуе актыўная супраца паміж гарадамі і рэгіёнамі Беларусі і Латвіі: падпісана 56 пагадненняў аб пабрацімскіх і партнёрскіх сувязях. Адбыліся тры сустрэчы гарадоў пабрацімаў і партнёраў Беларусі і Латвіі. У кастрычніку 2014 года ў Рызе ўпершыню прайшлі Дні Мінска, а ў траўні 2016 года ў Мінску – Дні Рыгі. Актыўна супрацоўнічаюць паміж сабою таксама прадстаўнікі беларускіх і латвійскіх акадэмічных колаў, а гэтая кніга, у сваю чаргу, павінна зрабіць новы ўнёсак у паглыбленне ўзаемаразумення не толькі ў акадэмічным асяроддзі, але і наогул паміж іншымі народамі.

Даўно вядома, што кнігі маюць свой лёс. Я перакананы, што гэтае выданне знойдзе свайго зацікаўленага чытача.

Чэрвень 2017 год

Эдгарс Рынкевічс,

Міністр замежных спраў

Латвійскай Рэспублікі

Водгукі

Неабходны Лагін або Рэгістрацыя, каб напісаць водгук.

Раім паглядзець

У светлую будучыню! Беларускае грамадства эпохі «адлігі» (1953—1968)

Гужалоўскі Аляксандр

У кнізе разглядаецца важны перыяд беларускай савецкай гісторыі, вядомы пад назвай «адліга». Крытыка культу асобы і рэабілітацыя ахвяр палітычных рэпрэсій, асваенне космасу і мірнай атамнай энергіі, эканамічныя рэформы і паляпшэнне матэрыяльнага жыцця людзей, нарэшце, спроба фарсіраванай пабудовы камунізму незваротна змянілі беларускае грамадства. Сабраныя пад адной вокладкай разнастайныя сюжэты ствараюць стэрэаскапічную карціну жыцця тагачаснага беларускага соцыуму, раскрываюць унутраную логіку яго развіцця.

зьніжка

Гісторыя палітычных і праўных тэорый

Хайніцка Крыстына, Альшэўскі Гэнрык

У кнізе прафесараў Крысціны Хайніцкай і Гэнрыка Альшэўскага даецца агульны агляд развіцця палітычнай і праўнай думкі ад часоў Старажытнага Ўсходу да пачатку ХХІ ст.

Беларускія героі Ізраіля

Малішэўскі Мікалай

Героі кнігі — дзяржаўныя дзеячы, генералы і адміралы, якія нарадзіліся на беларускай зямлі, стваральнікі ўзброеных сіл, сістэмы ваеннай адукацыі, спецслужбаў, авіяцыі і флоту Ізраіля, героі войнаў за незалежнасць, людзі незвычайнага лёсу. Дзякуючы цікавым фактам, сведчанням сучаснікаў і дакументальным матэрыялам чытачы пазнаёмяцца з выдатнымі асобамі, якія праславілі Беларусь, унёсшы неацэнны ўклад у станаўленне і развіццё Ізраіля.