Скін’кеды

Топ продажаў №1 за Чэрвень 2020

няма водгукаў

Гайд Валя

5.80 BYN

Памер: 130x180x4 мм

Вага: 90 г

Purchase

Няма на складзе

Проза Кнігазбор (выдавецтва)Сэрыя "Бібліятэка Саюза беларускіх пісьменнікаў “Кнігарня пісьменніка”Падсэрыя "Пункт адліку"Гайд Валя

Апісаньне

Скін’кеды / Валя Гайд. — Мінск : Кнігазбор, 2020. — 56 с. — (Бібліятэка Саюза беларускіх пісьменнікаў “Кнігарня пісьменніка”; Пункт адліку).

ISBN 978-985-7227-43-3.

Наклад кнігі цалкам прададзены.

Як весела скакаць праз машыны, бестурботна залазіць на дахі, нястрымана раздаваць шакаладкі, нестандартна здзіўляць дзяўчат, вымушана камунікаваць з праваахоўнікамі — з замалёвак пра гэта і складаецца кніга.

Разам з тым гэта гісторыя сяброўства, адбітак неўтаймаванасці юнацкай энергіі і жадання вырабляць нядбайную дурноту.

ЗМЕСТ

Кеды
Кінаратацыя
Крокі і скокі
Наверсе і наверх
Сушкі не па прызначэнні
Кіданні са свядомасцю і без
Прачухаліся і ачунялі
Безліч таго, што можна зрабіць з “любімаю”
Валікі за ролікі

ФРАГМЕНТ З КНІГІ Паглядзець

КЕДЫ
Неўзабаве пасля нашага знаёмства @картопка набывае дыск з фільмам «Трынаццаты раён», якому давядзецца даволі моцна паўплываць на нашую будучыню. Праз некалькі год @картопка скажа, што гэта адзіны выпадак у яго жыцці, калі ён, нічога не ведаючы пра стужку, наважыўся яе купіць. У дадатковых матэрыялах да фільма маецца дзесяціхвілінны ролік, у якім распавядаецца пра сутнасць і філасофію паркурy. Моцна ўражаныя, мы шпарка ідзём на двор, каб скакаць з вышыні, куляцца і пераадольваць парэнчы разнастайнымі спосабамі.

Французы займаюцца паркурам у красоўках; мы, пераспрабаваўшы ўвесь абутак, што мелі, спыняемся на звычайных чорных кедах. Яны не праслізгваюць, няблага чапляюцца за сценкі і выдатна прыстасоўваюцца да парэнчаў, калі трымаеш раўнавагу. Праўда, кеды маюць танкую падэшву, таму скакаць з вышыні ў іх даволі балюча (часткова праблема вырашаецца дадаваннем вусцілкаў), і ў прынцыпе хутка зношваюцца. Кеды даводзіцца мяняць ледзь не раз на месяц. Нярэдка мы ходзім па базарах у пошуках найлепшых — са, здавалася б, аднолькавых — кедаў. У розных партыях адрозненні могуць быць і ў таўшчыні вусцілкаў, і ў якасці склейвання. Асобнае майстэрства — знайсці патрэбны памер: нам падыходзяць маркіроўкі ад сорак другой да сорак шостай. Хутка ў нас збіраюцца цэлыя пакеты з непрыдатнымі больш ні да чаго кедамі (але і яны будуць не раз перабірацца ў пошуках больш-менш “жывога” кандыдата на экстраную замену).

Мой сябра расказвае, што яшчэ да нашага знаёмства ён паспеў знасіць велізарную колькасць кедаў. Новыя кеды, гуляючы ў футбол, ён знішчаў за якія-небудзь пару тыдняў, пасля чаго яго маці здавала іх па гарантыі ў краме; больш за тое, @картопка сцвярджае, што адбывалася гэта нават некалькі разоў запар падчас аднаго гарантыйнага тэрміну.

Мне асабліва падабаецца гісторыя, як @картопка прыйшоў гуляць у футбол без кедаў. На шчасце, запасныя знайшліся ў яго сябра. Занадта маленькі памер абутку @картопку не засмуціў. У запале гульні ён разнасіў кеды настолькі, што іх уладальнік не абуваў гэтую пару ўжо больш ніколі.

Падобны выпадак адбыўся неяк і са мною. Тады я значна прайграў у стометровым забегу знаёмаму, а потым вызначылася, што яшчэ амаль на старце ў таго адвалілася падэшва, і ён прабег дыстанцыю фактычна адной з ног толькі ў шкарпэтцы.

Вядома, я распавядаю @картопку, як я захапіўся кедамі. Адбылося гэта на ролерскай пляцоўцы, калі туды выпадкова трапіла сяброўка маёй тамтэйшай знаёмай. Яна была ў самых што ні на ёсць звычайных чорных кедах. Але выглядала ў іх неяк надзвычай цудоўна: такое простае і ідэальнае спалучэнне — “дзяўчына і кеды”. Гэты вобраз захапіў мяне, штось значна змяніўшы ў маёй галаве ў той дзень. З таго часу я заўжды звяртаў увагу спачатку на кеды, а толькі потым заўважаў дзяўчыну. Атрымаўся гэткі асабісты алгарытм “Кеды. Твар. Дзяўчына”, якога я шмат гадоў пасля прытрымліваўся амаль нязменна…

(канец фрагменту)

Водгукі

Неабходны Лагін або Рэгістрацыя, каб напісаць водгук.

Раім паглядзець

Дзеяслоў 94 (3’18)

Аўтары нумару: Эліза Ажэшка, Валеры Гапееў, Аксана Данільчык, Сяргей Дубавец, Валерыя Кустава, Франц Сіўко, Аксана Спрынчан.

Цэх д’ябла

Топал Яхім

Раман Яхіма Топала "Цэх д'ябла" – гэта літаратурныя раскопкі вусцішнай гісторыі ХХ стагоддзя, пераплеценыя з сюррэалістычным дзеяннем, якое вялікай часткай адбываецца ў Беларусі, праўда, Беларусі фантомнай, але, тым не менш, лёгка распазнавальнай. Раман быў выдадзены ў 2009 годзе, і з таго часу выйшаў у розных краінах у перакладах амаль на два дзясяткі моваў. Яхім Топал (нар. у 1962 г.), адзін з найбольш вядомых у сучасным свеце чэшскіх пісьменнікаў, за гэтую кнігу быў уганараваны прэміяй Яраслава Сайферта і прэміяй Міжнароднага ПЭН-клуба.

Таўсьціла і лешч

Адамовіч Андрэй

Тры сябры выпраўляюцца ў рыбу. Максім мусіць злавіць ляшча. Ён добра ведае стратэгію і тактыку лоўлі вялікай рыбы, шматлікія хітрыкі. Але вось ужо два гады яму не шанцуе. Ці дасьць ён рады гэтым разам? Ці выцягне ляшча?