Гук сонечнага гадзінніка

няма водгукаў

Андранікава Гана

6.00 BYN

Памер: 130x200 мм

Вага: 390 г

Purchase

Няма на складзе

Выдавец Логвінаў Ігар Проза Пераклады Сэрыя "Чэская калекцыя"Андранікава Гана

Апісаньне

Раман / Пераклад з чэшскай Веранікі Бяльковіч; прадмова Сяргея Сматрычэнкі. — Мінск: І. П. Логвінаў, 2005. — 300 с. — (Чэшская калекцыя). Цвёрдая вокладка.

ISBN 985-6701-66-X

Чэшскі эмігрант Даніэль Кеплер у заснежаным Каларада сустракае сваю зямлячку Эн Ванье (у ранейшым Анна Вайнштайн). Высвятляецца, што разам з ягонай маці яна знаходзілася ў фашысцкіх канцлагерах і была сведкай ейнае смерці. З размоваў Даніэля і Эн перад чытачом паўстае трагічная гісторыя кахання чэха Тамаша і габрэйкі Рахель.

Кніга была ўганараваная прэстыжнымі літаратурнымі прэміямі Чэхіі.

Гана Андранікава нарадзілася ў 1967 годзе ў Зліне, Чэхія. У Карлавым унівэрсытэце вывучала ангельскую і чэшскую філалогію. Па сканчэньні вучобы працавала мэнэджэрам у чэшскіх і замежных фірмах. У 1999 годзе сышла з прадпрымальніцкай сфэры і прысьвяціла сябе творчасьці. Яе дэбютны раман "Гук сонечнага гадзіньніка" (2001) быў уганараваны прэстыжнымі літаратурнымі прэміямі Кніжнага клуба (найлепшая кніга года) і "Magnesia Litera" (адкрыцьцё года).

Артыкул пра аўтарку на Вікіпэдыі

Замест прадмовы Паглядзець цалкам

Кніга, якую вы трымаеце ў руках, — першая. Ёй у 2001 годзе дэбютавала сама аўтарка, пісьменніца Гана Андранікава, ёй жа дэбютуе і новы выдавецкі праект — перакладная серыя "Чэшская калекцыя". У гэтай серыі мы мяркуем сэрвіраваць беларускаму чытачу самыя смачныя літаратурныя далікатэсы Чэхіі, як суперсучасныя, так і класічныя.

Чэшская літаратура мае чым пахваліцца. Апроч імёнаў, вядомых І беларускім аматарам прыгожага пісьменства (Гашак, Чапэк, Кундэра, Грабал, Вівэг), ёсць цэлая плойма аўтараў не менш таленавітых (нават геніяльных), самабытных, дабротных, але менш "раскручаных".
Адметнасць "Чэшскай калекцыі" палягае і ў тым, што гэта майстэрня (а на маю думку, дык нават майстар-клас) новай генерацыі перакладчыкаў. Задача прабіць мур памылковага пераканання, што ў беларусаў няма ані сіл, ачі рэсурсаў, каб рэгулярна даносіць да нашага чытача здабыткі сусветнай літаратуры па-беларуску, здаецца нам вырашальнай. I мы паспрабуем гэта давесьці на прыкладзе перакладу з такой, здавалася б, экзатычнай у нас мовы, як чэшская.

Вяртаючыея да гэтае кнігі, адразу зазначу, што "Гук сонечнага гадзінніка" — не толькі ці, дакладней, не столькі літаратурны пасунак, колькі пажыва для розуму і выпрабаваньне для пачуцьцяў. Гэты раман — моцная кава, гаркавая і духмяная. Гэта той выпадак, калі дэбют не значыць нясьмеласць і нясьпеласьць — наадварот, гэта твор дасьведчанага мастака, у якім узважана кожная рэпліка, кожная кропка, які зачароўвае абсалютна сьвежай і зусім не штучнай метафорыкай і зацягвае, паглынае жывасьцю і жыцьцёвасьцю аповеду. Гісторыя каханьня — вельмі прымітыўнае вызначэньне для тэмы гэтае кнігі. Хутчэй гэта трагічная гісторыя жыцьця — у любові і нянавісьці, у адчаі і змаганьні, у радасьці і няшчасьці. Жыцьця ў перадваеннай Індыі і Чэхаславакіі, у Пратэктараце Чэхіі і Маравіі, у паваеннай Канадзе. Гісторыя гібеньня ў нямецкіх канцлагерах і на палях бітваў другой сусьветнай вайны. Такая глябальнасьць ахопу часу і падзеяў пункцірная, яна не засланяе галоўнае — канкрэтныя чалавечыя лёсы.

Да ўсіх кампліментаў аўтарцы дадам яшчэ пару. Гана Андранікава — грунтоўная дасьледчыца. Непаўторны калярыт гэтак адрозных краёў і часоў — вынік яе карпатлівай працы ў архівах і бібліятэках, размоваў са ссведкамі даўніх падзей. У які колер былі афарбаваны галоўкі запалак у 30-я гады? Драбніца, але перш чым слова "запалка" лягло на паперу, гэтае пытаньне сталася прадметам асобнага вышуку. Уважлівасьць пісьменьніцы да дакладнасьці нават у дэталях уражвае.

Віртуозная, тонка прадуманая кампазіцыя трымае ў напружаньні і прымушае калаціцца сэрца чытача да апошннй старонкі.
Гэта раман, які не пакідае абыякавым.

Сяргей Сматрычэнка

ЗМЕСТ Паглядзець змест цалкам

Водгукі

Неабходны Лагін або Рэгістрацыя, каб напісаць водгук.

Раім паглядзець

З вышыні птушынага палёту

Дашкевіч Алег

Апавяданні Алега Дашкевіча друкаваліся ў розных перыядычных выданнях Беларусі на працягу больш як дваццаці гадоў, але сабраныя разам у кнігу ўпершыню. Гэта своеасаблівыя замалёўкі-рэпартажы з мінулага і нашага стагоддзя (тысячагоддзя!), у якіх дакладна, сур’ёзна і з гумарам перададзены той час, падзеі і надзеі беларусаў, а праўдзівей — само нашае жыццё.

Нафтаград

Мудроў Вінцэсь

У сваёй кнізе аўтар згадвае, як жылі і пра што марылі маладыя людзі 40, 50 і 60 гадоў таму.

Міленіум

Левановіч Леанід

Аднаму з герояў рамана Пятру Махавікову падарылі на Новы год нататнік-штодзённік, ён даў сабе слова штодня рабіць занатоўкі, бо год 2000 незвычайны. Слова Пятро стрымаў, у выніку нарадзіўся адмысловы дзённікавы раман з 12 раздзелаў, які стаўся стрыжнем кнігі, вакол яго, нібы вінаградная лаза, абвіваюцца астатнія 16 раздзелаў твора.