Біблія. Кнігі Святога Пісання Старога і Новага Запаветаў

няма водгукаў

8.85 BYN

Памер: 170x240 мм

Вага: 980 г

Purchase

Няма на складзе

Рэлігійная літаратура Рэлігія

Апісаньне

Мінск: Біблейскае таварыства ў Рэспубліцы Беларусь, 2012. — 1120 с.: іл. Цвёрдая вокладка.

ISBN 978-985-6183-14-6

Зроблена на падставе рукапісаў Уладзіслава Чарняўскага.
Навуковае рэдагаванне перакладу — кандыдат філалагічных навук, загадчык кафедры міжнародных зносін БДУ Жанна Некрашэвіч-Кароткая; прафесар Оксфардскага ўніверсітэту, эксперт у галіне старажытнагебрайскай і лацінскіх моў Джон Элволд.
Рэцэнзаванне на адпаведнасць арыгіналу — Таццяна Федасеева.
Літаратурная апрацоўка тэксту — Антоній Бокун.

Прадмова Паглядзець цалкам

Біблейскае таварыства прапаноўвае ўвазе чытачоў пераклад кнігі Бібліі на сучасную беларускую мову, які прэтэндуе на тое, каб задаволіць патрэбы ўсяго беларускага народу, не дзелячы яго на групы паводле канфесійнай прыкметы ці тэрыторыі. Мы пастараліся пазбавіцца ўсяго, што зрабіла б кнігу вузкаканфесійнай ці такой, якой аддавала б перавагу толькі нейкая частка насельніцтва, бо гэта збядніла б прызначэнне перакладу.

У квадратных дужках уключаецца тэкст, які адсутнічае ў арыгінале перакладу, гэта абазначае, што такога вершу няма ў некаторых найбольш старажытных рукапісах грэцкага Новага Запавету. Але гэты тэкст прысутнічае ў тэкстах большасці, і мы палічылі патрэбным падаць яго ў нашым выданні. У квадратных дужках іншым шрыфтам уключаюцца словы ці словазлучэнні, якія адсутнічаюць у арыгінальным тэксце, але патрэбныя для злучэння слоў у сказе і праяснення зместу напісанага.

Пераклад забяспечаны паказальнікам паралельных месцаў, якія даюць магчымасць прасачыць асобныя тэмы ці падзеі па ўсіх кнігах Бібліі. Усе спасылкі на тэкст Старога Запавету ў Новым, як цэлыя сказы, гэтак і асобныя словы, маюць шрыфтавое вылучэнне.

З нагоды таго, што, магчыма, не ўсе словы перакладу ці жыццёвыя рэаліі таго часу вядомыя сучаснаму чытачу, да Бібліі дадаецца невялікі слоўнічак, які дае агульнае абазначэнне асобных словаў, што скарыстаныя ў перакладзе. Таксама да Бібліі дадаюцца мапы, якія павінны дапамагчы тым, хто чытае Божае Слова, арыентавацца ў матэрыяле, а таксама паказаць тэрыторыі, на якіх адбываліся тыя ці іншыя падзеі.

Назвы кніг падаюцца ў заходняй традыцыі. Нумарацыя псальмаў таксама падаецца ў заходняй традыцыі. Пачынаючы з 9-га псальма нумарацыя адрозніваецца ад нумарацыі Сінадальнага перакладу, і ў дужках побач з нумарам падаецца другі, які адпавядае нумарацыі ў Септуагінце і Сінадальным перакладзе. У псальмах, а таксама ў некаторых іншых кнігах зберажоныя назвы гебрайскіх літар, напрыклад, АЛЕФ, БЭТ, НУН і інш. (Калісьці яны выконвалі пэўную ролю пры спяванні псальмаў у гонар Бога.)

У кнігах Эстэр і прарока Даніэля даюцца дапаўненні згодна гебрайскаму арыгіналу. У тэксце Кнігі Даніэля адзначаецца, што дапаўненні адпавядаюць Тэадацыёнаву выданню. Тэадацыён — перакладчык на грэцкую мову Святога Пісання Старога Запавету. Яго пераклад датуецца перыядам паміж 40-мі і 60-мі гг. 2 ст. Ён паставіў сваёй мэтай выпраўленне перакладу LXX (Сепуагінты). У тых месцах, дзе гэты пераклад няясна перадаваў думку ці наогул прапускаў яе, Тэадацыён рабіў праўкі згодна гебрайскаму аўтэнтыку. Па сённяшні дзень у перакладзе Тэадацыёна ў грэцкай Бібліі застаюцца да 400 вершаў Кнігі Ёва. У нашай славянскай Бібліі Кніга прарока Даніэля таксама даецца згодна перакладу Тэадацыёна.

Біблейскае таварыства выказвае шчырую падзяку ўсім тым, хто прыняў удзел у падрыхтоўцы выдання і аказаў дапамогу заўвагамі, парадамі ці кансультацыямі. Мы запрашаем Вас прысылаць усе вашы заўвагі, пажаданні, прапановы. Нашы каардынаты:

220093, Мінск, вул. Чыгладзэ, 19
Тэлефон (017) 250-39-98
Факс (017) 250-22-84
e-mail: byebs@open.by

Рэдакцыйны аддзел
Біблейскага таварыства
Рэспублікі Беларусь

Водгукі

Неабходны Лагін або Рэгістрацыя, каб напісаць водгук.

Раім паглядзець

Проста хрысьціянства

Льюіс Клайв Стэйплз

Клайв Стэйплз Льюіс (1898-1963) — выбітны брытанскі пісьменьнік, аўтар знакамітых «Хронік Нарніі», сумарны наклад якіх перавышае 100 мільёнаў асобнікаў, а таксама мноства працаў, прысьвечаных тлумачэньню розных аспэктаў хрысьціянскай веры. «Проста хрысьціянства» — гэта разважаньні над тым, што зьяўляецца сутнасьцю хрысьціянства і аб’ядноўвае ўсіх хрысьціянаў, незалежна ад канфэсійных адрозьненьняў.

Новы Запавет і Кніга Псальмаў (карычневая вокладка)

Мы пераклалі Новы Запавет і Кнігу Псальмаў на мову нашай нацыі. Пры перакладзе мы акцэнтавалі нашу ўвагу у першую чаргу на недапушчэнне духовых памылак папярэдніх перакладчыкаў, пакінуўшы на другі плян граматычнасьць. Пры перакладзе ўжыты некаторыя дыялектызмы (з прадмовы перакладчыкаў)