Прастрэлены талер. Кніга першая
Апісаньне
Гістарычны раман. — Гродна: ЮрСаПрынт, 2013. — 414 с., іл.Кніга цалкам прададзеная.
ISBN 978-985-141072-28-56
Раман мае на мэце вярнуць беларускую шляхту, якая здолела пакінуць незнішчальны след у гісторыі і культуры беларусаў, беларускаму чытачу. Для Рэчы Паспалітай Абодвух Народаў, як звалася наша дзяржава, ХVII стагоддзе было эпохай бесперапынных войнаў, рокашаў і канфедэрацый. Шляхта была ва ўсіх гэтых падзеях галоўнай сілай.
Раман ахоплівае падзеі ад смерці караля і вялікага князя Яна III Сабескага ў 1696 годзе да крывавай сутычкі дзвюх палітычных груповак Вялікага Княства Літоўскага пад мястэчкам Алькенікі ў лістападзе 1700 г. Гэтая бітва была справакаваная новаабраным каралём Аўгустам ІІ Моцным, які дзеля сваіх уласных інтарэсаў стараўся перасварыць шляхту, а ў выніку ператварыў Рэч Паспалітую ў дзяржаву, амаль цалкам залежную ад Швецыі.
Першая кніга “Прастрэленага талера” ўводзіць у складаныя абставіны бескаралеўя пасля смерці Яна ІІІ Сабескага. Шляхта рыхтуецца выбіраць новага караля і вялікага князя. Пачынаецца змаганне за пасад Рэчы Паспалітай.
Але жыццё не вычэрпваецца высокай палітыкай. На фоне палітычных інтрыг разгортваюцца падзеі ў ціхім дагэтуль павеце Гарадзеншчыны, дзе некалькі прэтэндэнтаў імкнуцца завалодаць маёнткам, які застаўся без гаспадара. Палітычныя схільнасці персанажаў цесна пераплятаюцца з барацьбой за маёмасныя набыткі.
Фрагмент з раману у фармаце PDF — ТУТ.
У "Крызе" прэзентавалі новыя кнігі Аркадзя Ліцьвіна і Віктара Сазонава (Радыё Рацыя)
ЗМЕСТ
Уступ
Новы пан
Соймік
Велічная задума
Павятовая “ідылія”
Грошы, кроў і…
***
…Палітыка
Слоўнік
Водгукі
Неабходны Лагін або Рэгістрацыя, каб напісаць водгук.
Раім паглядзець
Муніцыпальныя службы намагаюцца зруйнаваць твой дом, каб пабудаваць на яго месцы новы аўтамабільны праезд, а галактычныя камунальнікі, пракладаючы міжзоркавую трасу, у сваю чаргу, мерацца ўчыніць тое самае з тваёй планетай. Самая пара ўцякаць з роднай Зямелькі. Увазе чытача прапануецца сусветнавядомы раман брытанскага пісьменніка і сцэнарыста Дугласа Адамса. “Аўтаспынам па Галактыцы” — адна з вяршыняў жанру іранічнай фантастыкі.
"Паляванне на Любаву" Галіны Багданавай — інтымная хроніка часоў міжвер’я, дзеянне якой адбываецца ў розныя перыяды беларускай гісторыі, калі кожны змушаны быў вызначаць для сябе і веру, і свае паводзіны, але галоўным заставаўся галоўны Божы дар — Любоў і Каханне. Гэта сцвярджае сваім пазачасавым існаваннем галоўная гераіня Любава і ўсе, хто сустракаецца на яе шляху. Фантастыка, паэтычны рэалізм, фантасмагорыя, сатыра, лірыка — усё сплятаецца на старонках гэтага твора, працяг якога піша самое жыццё.
Марэк Гласка (1934–1969) — бунтар, легенда, аўтар, забаронены ў Польшчы на дзесяцігоддзі, — упершыню выходзіць у беларускіх перакладах. Зборнік знаёміць з выбранымі апавяданнямі Гласкі, дэбютнымі і крыху пазнейшымі: жорсткімі, кранальнымі, поўнымі трывогі і пяшчотнымі адначасова. Яны сталі голасам пакалення 1950-х — моладзі, расчараванай пасляваенным светам і душнай рэчаіснасцю Польскай Народнай Рэспублікі. Героі Гласкі кахаюць, працуюць, змагаюцца за сэнс у бязлітасных абставінах, губляюць надзею, п’юць і мрояць. І не чакаюць шкадавання. Гэта літаратура, напісаная з агнём і на нервах, перакладзеная на дзясяткі моў свету і экранізаваная вялікімі рэжысёрамі. Проза Марка Гласкі дагэтуль чытаецца як выклік.
