Затушаваныя краявіды
Больш выяваў
Націсніце, каб павялічыць
11.00 BYN
Памер: 145x215 мм
Вага: 240 г
Purchase
Апісаньне
Затушаваныя краявіды / Марцін Полак; пераклад з нямецкай мовы Веры Дзядок. – Смаленск: Інбелкульт, 2018. — 112 с.ISBN 978-5-00076-032-1
Пераклад зроблены паводле выдання:
Martin Pollak. Kontaminierte Landschaften. Wien: Residenz Verlag, 2014.
Кніга аўстрыйскага пісьменніка і рэпарцёра Марціна Полака прысвечана праблемным аспектам культуры памяці ў грамадствах Усходняй і Цэнтральнай Еўропы. У Беларусі, Украіне, Славеніі, Польшчы, Аўстрыі і іншых краінах існуе бясконцая колькасць масавых пахаванняў, не ўшанаваных як след. Больш за тое, многія масавыя магілы, дзе ляжаць целы ахвяр, забітых без суда і следства камуністычнымі або нацысцкімі катамі, нават не пазначаныя ў публічнай прасторы. Прыгожыя краявіды гэтых краін хаваюць у сабе сляды масавых забойстваў, якія выпадкова можна выявіць нават і сёння. Пакуль памяць пра гэтых ахвяр не будзе вернута, а месцы іх пахаванняў не будуць увекавечаныя, гэтая страшная, крывавая гісторыя можа даваць рэцыдывы і ў нашыя дні.
Затушаваныя краявіды – гэта месцы масавых забойстваў, што здзяйсняліся таемна, пакрыёма ад старонніх поглядаў, часта ў атмасферы строгай сакрэтнасці. А пасля масавай разні злачынцы прыкладаюць усе магчымыя высілкі, каб замесці сляды. Сведак прыбіраюць, ямы, у якія складвалі мёртвых, засыпаюць пяском, раўнуюць з зямлёй, у многіх выпадках зноў азеляняюць, старанна засаджваюць кустамі і дрэвамі, каб масавыя пахаванні зніклі. Іх камуфлююць, іх затушоўваюць.
Затушаваныя краявіды ёсць паўсюль, дзе злачынцы, здзейсніўшы масавыя забойствы, зарывалі недзе трупы або іншым спосабам пазбаўляліся іх.
Водгукі
Неабходны Лагін або Рэгістрацыя, каб напісаць водгук.
Раім паглядзець
У кнізе беларускага гісторыка зь Беластоку Алега Латышонка сабраныя пад адной вокладкай асноўныя напісаныя ім творы, датычныя розных пытаньняў беларускай гісторыі ад сівой старажытнасьці і амаль да нашых дзён. Як адзначае сам аўтар у прадмове, яму здаўна не давала спакою пытаньне "Адкуль пайшла беларуская зямля?", і ў большасьці тэкстаў з гэтага выданьня ён імкнецца даць на яго адказ.
Манаграфія прысвечаная гісторыі вальдэнсаў, адзінага “ерэтычнага” руху эпохі Сярэднявечча, які захаваўся да нашага часу. Распавядаецца пра ўзнікненне руху і яго пашырэнне ў розных рэгіёнах Еўропы – ад Іспаніі да Польшчы. Раскрываюцца асаблівасці функцыянавання вальдэнскіх абшчын у розных грамадска-палітычных і сацыяльна-эканамічных абставінах. Падрабязна разглядаюцца агульныя і рэгіянальныя рысы веравучэння вальдэнсаў.
зьніжка
Першы том збору твораў вядомага беларускага гісторыка ўключае ў сябе крыніцазнаўчыя і археаграфічныя даследаванні, артыкулы, рэцэнзіі і прадмовы да розных публікацый на адпаведную тэматыку, а таксама два пасмяротныя выданні, якія планаваліся як трэцяя і чацвёртая кнігі гэтай тэматычнай серыі: “Нарысы па археаграфіі і крыніцазнаўству гісторыі Беларусі дасавецкага перыяду: частка другая” і “Мемуары і дзённікі як крыніцы па гісторыі Беларусі”.
