Гаспадыня восеньскага дому

няма водгукаў

Сапач Тацяна

49.00 BYN

Памер: 120x170 мм

Вага: 410 г

Purchase

Няма на складзе

Пераклады Публіцыстыка Эсэістыка Паэзія Эпісталярыі Сапач Тацяна Вясна, Прага / Vesna, Praha

Апісаньне

Гаспадыня восеньскага дому / Тацяна Сапач ; укладаньне і камэнтары Сяргей Дубавец. – Прага : Вясна , 2022. 336 с. Цвёрдая вокладка.

Дзівосныя вершы Тацяны Сапач уяўляюць сабой дасканалую музыку слоў і завяршаюць залатое ХХ стагодзьдзе беларускай паэзіі. У кнігу ўвайшлі ўсе вядомыя паэтычныя творы, а таксама пераклады сучаснай літоўскай і польскай паэзіі, эсэ, інтэрвію, фрагмэнты электроннай перапіскі.

ISBN 978-80-907359-9-6

Ад укладальніка Паглядзець

Паэтка Тацяна Сапач за сваё жыцьцё пабачыла выдадзенымі два зборнікі ўласных вершаў: асноўны „Восень“ (1991) і беларуска-ангельскі „Няхай не пакіне нас восень / Do not aban don us, Autumn“ (2008) з амаль такім самым зьместам. З аднаго боку, лічылася, што ўсе вершы Тацяны надрукаваныя. Зь іншага — было незразумела, адкуль у вясковай дзяўчыны зь мястэчка Маркава, якая адразу пасьля школы скончыла журналістыку ў БДУ, такая высокая паэзія, такая дасканаласьць верша, такая музыка словаў — адразу, „без разгону“.

Абедзьве таямніцы раскрыліся, калі ў хаце Таніных бацькоў адшукаўся рукапісны зборнік „Раньніх вершаў“ (назва ўкладальніка) — ад зусім юных, школьных і традыцыйных да тых, у якіх пазнаецца аўтарка „Восені“. (Некаторыя з гэтых твораў і друкаваліся ўжо ў маладачанскай раёнцы задоўга да першага зборніка.)

У цэлым жа „Раньнія вершы“ складаюць заўважны кантраст зборніку „Восень“ — эстэцкаму, поўнаму філязофіі і маркотных настрояў. Гэты — амаль цалкам пазытыўны, просты, „народны“. Тут — спрадвечная беларуская чалавечая праграма — этычная і эстэтычная. Гэта як глеба, на якой вырасьце Тацяніна высокае мастацтва чыстай красы.

Трэба сказаць, што ніхто й не здагадваўся пра існаваньне „Раньніх вершаў“. Магчыма, пра рукапісны зборнік можна было б і не ўспамінаць, калі б вершы працягвалі пісацца, і эстэтычная карціна мела шанец на іншае завяршэньне. Але так ня здарылася. І мы атрымалі завершанасьць карціны не з працягу, а ад пачатку.

Тут няма яшчэ жорсткае моўнае дысцыпліны. Некалькі вершаў напісаныя па-расейску. Няма тут ні грамадзянскіх кантэкстаў, амаль няма гарадзкіх матываў. Большасьць вершаў напісаныя ў школьныя гады, апошнія — на самым пачатку студэнцтва. Гэтыя вершы — разьвітаньне зь дзяцінствам, зь вёскай, з блізкай прыродай. І ў разьвітаньні гэтым шмат радасьці і прадчуваньняў новага жыцьця.

ЗЬМЕСТ Паглядзець

Водгукі

Неабходны Лагін або Рэгістрацыя, каб напісаць водгук.

Раім паглядзець

Раннія вершы

Сапач Тацяна

Раннія вершы Тацяны Сапач даюць уяўленне пра самы пачатак творчасці аўтаркі “Восені”, вершы якой завяршаюць сабою залатое ХХ стагоддзе беларускай паэзіі.

Выбраныя вершы

Стральцоў Міхась

Міхась Стральцоў (1937–1987) – аўтар знакамітых «Сена на асфальце» і «Смалення вепрука», раптам перастаў пісаць прозу, але зрабіўся адным з найлепшых беларускіх паэтаў. Парадаксальнасць і спавядальнасць, «дзіцячая» шчырасць захаплення і «дарослая» трагічная іронія, пільная ўвага да жыцця і глыбокая абазнанасць у культуры - усё згаданае пазначае «пячаткай майстра» вершы, сабраныя ў гэтай кнізе.

Неба мнагавокае

Вішнеўская Наталля

"Неба мнагавокае" – першая асобная кніга Наталлі Віншеўскай (1907–1989), паэткі з драматычным лёсам, актыўнай удзельніцы літаратурнага згуртавання "Маладняк". Яе творы вызначаюцца тонкім лірызмам, настраёвасцю, кампазіцыйнай зграбнасцю, яркімі эпітэтамі. У кнігу ўключаны ўсе вядомыя на сёння вершы Наталлі Вішнеўскай, апавяданне "Завея", а таксама лісты 1961–1989 гг., большасць з якіх адрасавана вядомаму паэту, празаіку і перакладчыку Сяргею Грахоўскаму.

Выбраная лірыка

Марцінкявічус Юсцінас

Юсцінас Марцінкявічус (1930-2011) — прызнаны класік літоўскай паэзіі другой паловы мінулага і пачатку цяперашняга стагоддзя. Яго паэзіі ўласцівы тонкі лірызм, які незвычайным чынам спалучаецца з адметнай публіцыстычнасцю.