Чаму Меша не мае хаты
19.00 BYN
Size: 210x290 mm
Weight: 440 g
Purchase
out of stock
Description
Казка / Тэкст Надзеі Ясмінскай, ілюстрацыі Кацярыны Дубовік. – Мінск, Кнігазбор, 2018. – 32 с. – (Бібліятэка Саюза беларускіх пісьменнікаў “Кнігарня пісьменніка”. Падсерыя “Каляровы ровар”; выпуск 24). Цвёрдая вокладка.ISBN 978-985-7180-96-7
Хто ж такі Меша? Яго можна назваць беларускім бабайкам, бо некалі мамы і бабулі палохалі ім непаслухмяных дзяцей. Але адкуль у яго чорная поўсць, калючы нораў і, галоўнае, чаму Меша пакінуў сваю цёплую печку і цяпер не мае хаты? Маленькія і дарослыя слухачы могуць пра ўсё даведацца з казачнай гісторыі, якую раскажа і пакажа Надзея Ясмінска.
Фрагмент з кнігі
...Жыло некалі адно дзіўнае стварэнне на імя Меша. Пасяліўся гэты Меша сярод людзей, у драўлянай хаце за печкай. Сачыў ён адтуль за парадкам і ахоўваў сон гаспадароў. А за працу сваю прасіў небагата: хапала яму пасёрбаць малака з кацінага сподка.
Стараўся Меша як мог, вось толькі не пашчасціла яму з гаспадарамі. Зласлівыя яны былі, ды яшчэ і гультаі страшэнныя. Не дзякавалі яны свайму памочніку, а толькі лаялі без дай прычыны. Напрыклад скіне гаспадар са стала збан – гэта Меша вінаваты. Збяжыць у нядбайнай гаспадыні цеста – зноў Меша недаглядзеў.
Стараўся небарака не трапляцца людзям на вочы, таму што маглі яго венікам пагнаць, як бадзяжнага ката. Цярпеў, калі яму малака забывалі наліць і ўсякае смецце за печку закідвалі. І працягваў аддана служыць, бо так ў запечнікаў заведзена.
Але дурныя гаспадары ўсё роўна ў сваіх бедах вінавацілі Мешу. Дзіва што – саміх сябе лаяць не хочацца, а кагось іншага – калі ласка! Задумалі яны пазбавіцца ад свайго ахавальніка. І аднойчы пераехалі ў новую хату, а старую падпалілі, каб Меша за імі не адправіўся...
Products You May Like
У кнізе выбраных дзіцячых вершаў Алега Мінкіна паэтычна ўвасабляюцца нацыянальныя міфалагічныя істоты, ажывае раслінны і жывёльны свет, а таксама апяваецца беларускі каляндар.
Вершаваная казка вядомага паэта, лаўрэата Дзяржаўнай прэміі Беларусі Генадзя Бураўкіна (1936–2014) вучыць свайго маленькага чытача асновам дабрыні і спагады.
Гэтая кніга — неверагодна займальнае падарожжа ў свет філасофіі. Разам з ёю чытач пройдзе тысячагадовымі дарогамі чалавечай думкі, праз пошукі сутнасці існага, Бога і сэнсу жыцця, паспрабаваўшы пранікнуць, следам за найлепшымі мыслярамі чалавецтва і героямі рамана, у глыбіні пазнання Сусвету і самога сябе.
