Звычайныя рэчы
4.20 BYN
Size: 200x240 mm
Weight: 140 g
Purchase
out of stock
Description
Казкі / Мастак Марыся Лось. — Мінск: Мастацкая літаратура, 2013. — 23 с.: іл.ISBN 978-985-02-1438-6
Казкі пра звычайныя рэчы, вядома ж, насамрэч пра незвычайнае — нашае жыццё, адначасна складанае і цудоўнае.
ЗМЕСТ
Казка пра Мабілачку
Казка пра шалёную Газонакасілку
Казка пра крывавую мэрыю
Казка каўбаснага завода
Казка пра звычайныя кубачкі і Крышталёвую Вазу
Казка пра Пераборлівы Гузік
Фрагмент з кнігі
На ўскрайку аднаго лесу існаваў роўны і прыгожы луг, на ім жылі розныя кветкі. Зрання яны ўмываліся расой і віталі ўзыход сонца, удзень слухалі спевы пчолаў, а ўвечары вадзілі карагоды і частавалі адна адну салодкім пылком.
Праз дарогу ад таго лугу стаяў дом, дзе жылі змрочныя злыдні. Там усё было аднолькавым i панурым: аднолькавыя шэрыя дошкі ў плоце, прыбітыя аднолькавымі ржавымі цвікамі, аднолькавыя фіранкі на аднолькавых вокнах. Кветкі вакол дома таксама стаялі аднолькавыя, бо былі пластмасавыя, з гаспадарчай крамы. Злыдні вельмі не любілі жывыя кветкі і высокую траву. Таму яны набылі Газонакасілку і загадалі ёй знішчаць усё на сваім шляху.
Газонакасілка для пачатку зрэзала на падворку ўсё тое, што хоць крыху вытыркалася з зямлі, і ёй закарцела патрушчыць яшчэ што-кольвек. Яна радасна пашматавала пластмасавыя кветкі, потым шэры плот з іржавымі цвікамі, пасля дом, а следам…
(З “Казкі пра шалёную Газонакасілку”)
Products You May Like
Творчасць Алега Мінкіна прагучала яшчэ ў 1980-я: яго першая кніга паэзіі “Сурма” сталася адной з найважнейшых з’яваў тагачаснай беларускай літаратуры, вярнуўшы ў лірыку класічнасць радка, прыгажосць і таямнічасць вобразнасці, тонкую эмоцыю, засяроджаную на метафізічным перажыванні. Гэтая кніга віленскага беларуса Алега Мінкіна — збор найлепшых ягоных твораў у лірыцы, кароткай прозе і перакладах.
“План Бабарозы” — гэта мілосны шасцікутнік, дзе менскі псіхатэрапеўт выбірае паміж каханай жанчынай і любай прабабуляй, і дзе фігуруюць яшчэ тры пацыенткі, якім былі выратаваныя жыцці. Гэта сямейная сага з моцным чухонска-галіцыйскім акцэнтам, дзе чатыры пакаленні прыбышоў усё жыццё навылёт заўзята аспрэчваюць мэтазгоднасць свайго перабывання ў Менску. Гэта найноўшая гісторыя Беларусі на прыкладзе адной мандражнай радзіны.
“…Гэта кніжка пра тое, чаго не бывае, ніколі не было і ў прынцыпе не можа быць. Гэта чыстая проза без ніякай публіцыстыкі, без нічога, што магло б здарыцца ў рэальнасці. Не ведаю, наколькі мне гэта ўдалося, я хацеў напісаць кніжку ні пра што. І калі мне ўдалося напісаць кніжку ні пра што, я буду адчуваць сябе шчаслівым чалавекам…” (Сяргей Дубавец)
