Зкімбы-зымбы
Purchase
Description
Кніга люстрацыяў. — Мінск: Кнігазбор, 2013. — 270 с. — (Бібліятэчка часопіса “Дзеяслоў”; выпуск 14).
ISBN 978-985-7057-51-1
Кніга Аляксандра Л. “Зкімбы-зымбы” ўяўляе з сябе суплёт разнажанравых эсэ: тут і аповеды пра сям’ю, і разгляданне каранёў радаводнага дрэва, і згадкі пра ранняе дзяцінства (першы раздзел), і гісторыі са станаўлення прафесійнай дзейнасці.
Знакамітыя асобы, з якімі цягам жыцця сустракаўся і працаваў аўтар, паказваюцца ў адмысловых дэкарацыях (не можа быць тэатра больш праўдзівага за жыццё) у святле ўспамінаў, у розных месцах, часах, краінах і гарадах.
Мастакі, фатографы, рэжысёры, пісьменнікі, грамадскія дзеячы, якія яшчэ жывуць і ствараюць або ўжо адышлі — кожнаму з іх, сяброў і калегаў, у кнізе надаецца ўвага. Найноўшасць незаўважна пераплятаецца з успамінамі шматгадовай даўніны.
Асобнае месца ў кнізе Аляксандра Л. адведзенае Васілю Быкаву, з якім аўтар кантактаваў, ліставаўся. Былі зробленыя шматлікія матэрыялы на радыё “Свабода” з удзелам Васіля Уладзіміравіча. У выданні можна азнаёміцца з інтэрв’ю пісьменніка розных гадоў, з аповедамі, многія дэталі якіх раскрываюць жыццё Быкава ў эміграцыі.
Прэсавая служба СБП
Пра кнігу:
Пятро Садоўскі. Тэзы для выступу (з запасам) на прэзэнтацыі кнігі “Аляксандра Л.” ЗКІМБЫ-ЗЫМБЫ
Віка Трэнас: “Гэтую кнігу напісаў чалавек шчаслівы”. Рэпартаж з прэзэнтацыі
ЗМЕСТ
8 хвілін ± жыццё
Саша, what is your name?
Паміж Кафкам і Швейкам
Зкімбы-зымбы
Люстрацыі наадварот
З Быкавым
Гутаркі
Перапіска
Чатыры ўсмешкі і адзін малюнак
Сцісла пра аўтара
Аляксандар Л. нарадзіўся ў 1955, пасвіў каровы на Берасцейшчыне, вучыў беларускай мове прэзідэнта ЗША, у прамежку пісаў, здымаў, выступаў, за што атрымліваў розныя прэміі і не толькі. Жыве.
Кнігі аўтара:
Здзек. 1989
За кіпуча чэкісцкай работай. 1997
Філістовіч. Вяртанне нацыяналіста. 1997 (Прэмія беларускага ПЭН-Цэнтра імя Францішка Багушэвіча)
Прыгоды АРА ў Беларусі. 2005
След матылька. Освальд у Менску. 2011 (Прэмія “Гліняны Вялес” Таварыства вольных літаратараў)
Products You May Like
