Запісы БІНіМ. №32
11.00 BYN
Size: 145x200 mm
Weight: 610 g
Purchase
Description
Запісы Беларускага Інстытуту Навукі й Мастацтва. №32. — Навукова-папулярны альманах аб беларускай эміграцыі. — Belarusan Institute of Arts and Sciences: New York—Mіensk, 2009. — 604 c.Тэма нумару — травэлёгі (падарожныя нататкі).
У нумары друкуецца артыкул Лявона Юрэвіча “Моваю травэлёгу”, Навума Галяшэвіча “Травэлёг Уладзімера Дудзіцкага”, “Падарожныя запісы Самуэля Кіхэля пра Горадню й Вільню 1586 г.” падрыхтаваў Генадзь Сагановіч.
Зьмяшчаюцца ўспаміны Зоры Кіпель “Знаёмства з Аляскай” ды падарожныя нататкі Лявона Юрэвіча “Манастырскі дзёньнік” — пра паездку і працу ў бібліятэцы манастыра Расейскай зарубежнай праваслаўнай царквы ў Джорданвіле (штат Нью-Ёрк).
Друкуюцца таксама ўспаміны пасла польскага сойму ў 1928 г. Аляксандра Стагановіча з грунтоўным уводным артыкулам гісторыка Алеся Пашкевіча і такімі ж грунтоўнымі ягонымі камэнтарамі.
У разьдзеле “Творы” — “Несантымэнтальнае падарожжа” Антона Адамовіча, “Госьці з Тунісу” Аўгена Кавалеўскага, “Відавочца” Паўла Касьцюкевіча.
Макс Шчур напісаў артыкул “Вялікі няўдачнік” пра Вячаслава Разумовіча-Хмару.
Архівы Міколы Абрамчыка і Дзьмітрыя Касмовіча. Першы знік, і следу па ім не засталося, а другі захаваўся. На гэтую тэму артыкулы Янкі Запрудніка “Да загадкі дзяржаўнага архіву БНР у Міколы Абрамчыка” і Натальлі Гардзіенкі “Архіў Дзьмітрыя Касмовіча”.
У рубрыцы “Кніжная Паліца” — рэцэнзія “Кніга падлікаў і пралікаў” на фаліянт Юрыя Гарбінскага “Рэлігійны друк на эміграцыі”, Лявон Юрэвіч пра зборнік “Асоба й час” і шмат іншых цікавінак.
Паглядзець апісаньне цалкам
Products You May Like
У кнізе прасочваецца беларуская прысутнасьць у Латвіі з часоў полацкіх калоніяў Герцыке і Кукейнас і да сёньняшнага дня. Ну і самае галоўнае, у выданьні дэталёва і рознабакова дасьледуецца сёньняшняя беларуская мова Латгаліі, даюцца яе ўзоры, а таксама разглядаецца нацыянальная сьвядомасьць яе носьбітаў.
Кніга факусуецца на ранняй гісторыі аднаго з найбольш загадкавых балцкіх народаў – прусаў, якія ў сваім краі перш былі анямечаныя і страцілі мову, а тады іх нямецкамоўных нашчадкаў і зусім прагналі. Дзяржаўная тэакратыя на чале з кіраўніком – вярхоўным жрацом Крыве-Крывейтам ды яго памочнікамі жрацамі-вайдзіламі, а таксама яе перадгісторыя ды паслягісторыя – пад увагай у гэтай кнізе, зборніку рэлігіязнаўча-гістарычных артыкулаў.
Манаграфія прысвечаная гісторыі вальдэнсаў, адзінага “ерэтычнага” руху эпохі Сярэднявечча, які захаваўся да нашага часу. Распавядаецца пра ўзнікненне руху і яго пашырэнне ў розных рэгіёнах Еўропы – ад Іспаніі да Польшчы. Раскрываюцца асаблівасці функцыянавання вальдэнскіх абшчын у розных грамадска-палітычных і сацыяльна-эканамічных абставінах. Падрабязна разглядаюцца агульныя і рэгіянальныя рысы веравучэння вальдэнсаў.
