Хрыстос прызямліўся ў Гародні
Purchase
Апісаньне
Евангелле ад Іуды. Раман. — Мінск: Мастацкая літаратура, 2007. — 589 с. — (Бібліятэка школьніка). Цв. вокл.
ISBN 978-985-02-0875-0
Гэта гісторыя бадзягі, які воляй лёсу быў названы Хрыстом, вымушаны быў рабіць “цуды” і, урэшце, узначаліў паўстанне супраць царквы і караля. Такі сапраўдны факт, адзначаны ў старажытных беларускіх хроніках.
Гэта будзе не камедыя і не трагедыя, а трагікамедыя, смех праз слёзы, народная драма, калі хочаце. Героі яе перажываюць самыя незвычайныя прыгоды, сутыкненні, сустракаюцца з жорсткасцю і дабрынёй, подласцю і сапраўднай высакароднасцю і паступова з махляроў, круцялёў, бадзяг ператвараюцца ў сапраўдных людзей.
(Уладзімір Караткевіч. Дарога, якую прайшоў)
“Хрыстос прызямліўся ў Гародні” — своеасаблівая мастацкая энцыклапедыя народнага жыцця Беларусі XVI стагоддзя. Гэта трагічная і адначасова жыццесцвярджальная кніга. Галоўны герой Юрась Братчык з махляра і валацугі паступова ператвараецца ў мысляра, пакутніка, праўдашукальніка, змагара і народнага абаронцу.
Гэты раман займае адметнае месца ў беларускай літаратуры. Калі ж знаходзіць яму аналогіі ў сусветнай літаратуры, то па ідэйна мастацкіх асаблівасцях яго можна суаднесці з “Гарганцюа і Пантагруэлем” Ф. Рабле, “Легендай пра Уленшпігеля! Ш. дэ Кастэра, “Кала Бруньёнам” Р. Ралана. Аўтар пераканаўча паказаў, што і на беларускай нацыянальнай глебе ёсць постаць тыпу Ціля Уленшпігеля. Юрась Братчык з’яўляецца яго духоўным братам, ён увасабляе дух Беларусі, нязломны і непераможаны народны характар.
(А. Л. Верабей. З каментарыяў да кнігі)
Быў. Ёсць. Буду (сайт прысвечаны У. Караткевічу)
Артыкул пра аўтара ў Вікіпэдыі
Артыкул пра раман у Вікіпедыі
Сяргей Астравец. Праз гарадзенскія акуляры. Хрыстос прызямліўся ў Гародні…
