Дзеяслоў 62 (1’13)

няма водгукаў

3.40 BYN

Памер: 170x240 мм

Вага: 550 г

Purchase

Няма на складзе

Проза Пераклады Эсэістыка Паэзія Літаратуразнаўства Часопісы "Дзеяслоў"Пераклады Андрэя Хадановіча

Апісаньне

Студзень—люты 2013. Літаратурны часопіс. — Мінск, 2012. — 340.

ISSN 2076-1309

Гэты нумар часопіса аднолькава багаты на розныя літаратурныя жанры, але асабліва на паэзію. На старонках выдання — вершы Генадзя Бураўкіна, Юркі Голуба, Васіля Жуковіча, Наталлі Русецкай, Віктара Слінкі, Юрася Шамецькі, а таксама Ярыны Дашынай і Андрэя Сцепанюка. Адметнасць нумара — Анталогія сучаснай украінскай літаратуры. Паэзію пераклалі на беларускую мову Аксана Спрынчан, Міхась Скобла, Андрэй Хадановіч, Эдуард Акулін. Прозу сямі аўтараў перастварыў Валер Стралко.

“Дзеяслоў” у інтэрнэце: DZIEJASLOU.BY

Анонс нумару на сайце Саюзу беларускіх пісьменнікаў Паглядзець цалкам

Пабачыў свет 62-гі нумар часопіса “Дзеяслоў”, які аднолькава багаты на розныя літаратурныя жанры, але асабліва на паэзію. На старонках выдання — вершы Генадзя Бураўкіна, Юркі Голуба, Васіля Жуковіча, Наталлі Русецкай, Віктара Слінкі, Юрася Шамецькі, а таксама Ярыны Дашынай і Андрэя Сцепанюка.

Проза пададзеная працягам твора “У Вільні і больш нідзе” Леаніда Дранько-Майсюка, аповесцю Макса Шчура “Газетчык”, абразкамі Лідзіі Арабей “Пошукі ісціны”. Значная ўвага ў часопісе адведзеная апавяданням Уладзіміра Міхно, Алега Аблажэя, Паўла Анціпава (у перакладзе Уладзя Лянкевіча) і Віталя Воранава.

Рубрыка “Дэбют” знаёміць чытачоў з дзвюма паэткамі —Кацярынай Сянкевіч і Юляй Сплюшкай.

Адметнасць нумара — Анталогія сучаснай украінскай літаратуры. Паэзію пераклалі на беларускую мову Аксана Спрынчан, Міхась Скобла, Андрэй Хадановіч, Эдуард Акулін. Прозу сямі аўтараў перастварыў Валер Стралко.

“Пасмяротнае падарожжа” Рышарда Крыніцкага пераклаў з польскай мовы Андрэй Хадановіч.

У новым нумары — эсэ Уладзіміра Сіўчыкава, Паўла Ляхновіча, Аляксея Каўкі. Святлана Раманава прэзентуе гутарку з мастачкай Людмілай Пятруль.

Літаратурная крытыка ў “Дзеяслове” заўсёды змястоўная: 62-гі нумар адзначаецца матэрыяламі шасці аўтараў, сярод якіх — адно філалагічнае даследаванне на тэму сучаснай інтымнай лірыкі (аўтар Ала Брадзіхіна) і пяць рэцэнзій на новыя кнігі. Лада Алейнік піша пра Алеся Усеню, Ганна Янкута — пра Альгерда Бахарэвіча, Мікола Захаранка рэцэнзуе кнігу Сержука Вітушкі. Алеся Лапіцкая аналізуе альманах “Беларус”, а Усевалад Сцебурака выказваецца пра прозу Віктара Шалкевіча.

У рубрыцы “Дзеяпіс” — традыцыйны агляд новых выданняў.

ЗМЕСТ Паглядзець змест цалкам

Водгукі

Неабходны Лагін або Рэгістрацыя, каб напісаць водгук.

Раім паглядзець

Дзеяслоў 103 (6ʼ19)

Перадкалядны 103-ці нумар “Дзеяслова” парадуе чытачоў літаратурнымі цікавосткамі ў розных жанрах ды рубрыках: тут і тонкая лірычная паэзія Людкі Сільновай, і вострасюжэтныя творы Андрэя Федарэнкі ды Алеся Бычкоўскага, і медытатыўна-роздумныя старонкі з “Памятнай кнігі” Леаніда Дранько-Майсюка, і Хронікі беларускага інтэлектуала Валянціна Акудовіча, і падарожнае эсэ Франца Сіўко – рэфлексія па наведванні аўтарам Яснае Паляны, і густоўныя пераклады Веніяміна Блажэннага, выкананыя Настай Кудасавай, і новыя вершы Леаніда Галубовіча...

Дзеяслоў 107 (4’20)

Аўтары нумару: Алена Брава, Васіль Жуковіч, Сяргей Законнікаў, Аляксандар Лукашук, Ева Лявонава, Анхела Эспіноса Руіс, Франц Сіўко ды іншыя.

Дзеяслоў 127 (6ʼ23)

Аўтары нумару “Дзеяслова”: Фелікс Баторын, Вольга Бабкова, Леанід Дранько-Майсюк, Сяргей Дубавец, Васіль Зуёнак, Ігар Сідарук, Людміла Хейдарава ды іншыя.