Скарбы, курганы, замкі і іх даследчыкі

Топ продажаў №2 за Чэрвень 2024

няма водгукаў

Плавінскі Мікалай

12.00 BYN

Памер: 145x200 мм

Вага: 290 г

Purchase

Няма на складзе

Гісторыя Кнігазбор (выдавецтва)Навукова-папулярная літаратура Археалёгія Плавінскі Мікалай

Апісаньне

Мінск: Кнігазбор, 2015. — 134 с.: іл.

ISBN 978-985-7119-42-4

Пад вокладкай “Скарбаў…” — артыкулы пра беларускія скарбы эпохі вікінгаў IX—XI стагоддзяў (у тым ліку пра “Гараўлянскі скарб”, знойдзены на Глыбоччыне), раздзел пра так званы Пояс Вітаўта, нарысы пра “таямніцы сівых курганоў”, раскопы ў Браславе і Мядзелі, два артыкулы пра Язэпа Драздовіча і захапляльны аповед пра сярэднявечныя “фотаздымкі” — графіці.

Мікалай Плавінскі прэзентаваў у Віцебску кнігу пра скарбы і курганы (рэпартаж з прэзэнтацыі)

Мікалай Плавінскі. Артыкул у Вікіпедыі

ЗМЕСТ

Прадмова
Дар багам
Скарб ювеліра
“Пояс Вітаўта”
Таямніцы полацкіх курганоў
Горад Брачыслава
Замак каралевы Боны
Язэп Драздовіч і мінская брама
Дзе знаходзіўся Трывеж?

Паясны набор са скарбу з-пад вёскі Літва (фота Генадзя Краскоўскага)

Сярэднявечныя “фотаздымкі”
Адвечныя першапраходцы
Літаратура

Пра аўтара

Мікалай Плавінскі нарадзіўся ў Мінску ў 1981 годзе. Кандыдат гістарычных навук, аўтар і суаўтар 10 манаграфій і больш як 200 навуковых, навукова-папулярных і энцыклапедычных артыкулаў па археалогіі і гісторыі Беларусі сярэднявечнага перыяду. З 2004 года праводзіць раскопкі археалагічных помнікаў эпохі Сярэднявечча на паўночным захадзе Беларусі.

ПРАДМОВА Паглядзець

План Наваградскага замка, выкананы Язэпам Драздовічам, 1930 год

Напісаць навукова-папулярную кнігу — няпростая задача. Такая кніга павінна спалучаць у сабе дакладнасць і падрабязнасць інфармацыі, якія ўласцівыя навуковым працам, з захапляльнасцю не меншай, чым у белетрыстычных літаратурных творах. Таму асабіста для мяне навукова-папулярны жанр з’яўляецца самым складаным і адказным, але адначасова і самым прывабным, бо менавіта так можна данесці вынікі сваёй навуковай працы да максімальна шырокага кола чытачоў. Можна нават сказаць, што толькі выкладзеныя ў навукова-папулярным выглядзе, меркаванні прафесійнага гісторыка атрымліваюць завершаную і асэнсаваную форму, бо з гэтага часу, дасяжныя не толькі для нешматлікіх адмыслоўцаў, але і для “паспалітага” чытача, яны пачынаюць жыць сваім уласным, не залежным ад аўтара, жыццём.

Назва кнігі “Скарбы, курганы, замкі і іх даследчыкі” практычна цалкам адлюстроўвае яе змест. Яна складаецца з дзесяці нарысаў, якія прысвячаюцца як асобным унікальным знаходкам, кшталту скарбаў, ці пэўным аб’ектам (Замкавая гара ў Браславе і Мядзельскі замак), так і цэлым катэгорыям археалагічных помнікаў, у прыватнасці, курганам. Адразу два на-рысы звязаныя з асобай і творчасцю Язэпа Драздовіча, дакладней, з малавядомымі фактамі яго дзейнасці на ніве беларускай археалогіі. Што аб’ядноўвае гэтыя нарысы? Па-першае, усе яны грунтуюцца на выніках даследаванняў, якія праводзіліся аўтарам на працягу некалькіх апошніх гадоў і ўжо знайшлі сваё адлюстраванне ў навуковых артыкулах і манаграфіях. Па-другое, іх аб’ядноўвае жаданне аўтара данесці новыя факты і меркаванні да зацікаўленых беларускай мінуўшчынай чытачоў у папулярным выглядзе і ў якасна выкананай паліграфічнай форме.

Частка нарысаў, якія складаюць гэтую кнігу, ужо друкаваліся на старонках штотыднёвіка “Літаратура і мастацтва”. Уласна кажучы, сама ідэя новай кнігі з’явілася менавіта пасля публікацыі ў “ЛІМе” некалькіх эсэ на археалагічную тэматыку, якія, магчыма, ніколі не былі б напісаныя, каб не шаноўная спадарыня Марына Весялуха, якая такім чынам стала своеасаблівай “хроснай маці” гэтай працы, за што я ёй шчыра дзякую. Вельмі хацелася б падзякаваць таксама ўсім калегам-археолагам, нумізматам, музейным супрацоўнікам, хто так ці інакш дапамагаў мне ў працы, а таксама ўсім удзельнікам археалагічных экспедыцый, што ажыццяўляюцца пад маім кіраўніцтвам на працягу ўжо больш як дзесяці гадоў. Але пералічыць усіх гэтых людзей паіменна ў межах невялічкай па памеры прадмовы немагчыма, бо літаральна за кожным радком гэтай кнігі стаіць не толькі праца яе аўтара. Таму, хай кожны, хто адчувае сваю спрычыненасць да гэтай працы, ведае, што я прыношу яму сваю самую шчырую падзяку.

Нарэшце, хочацца падзякаваць шаноўным чытачам, якія не пашкадавалі свайго часу на тое, каб пазнаёміцца з гэтай кнігай. Спадзяюся, што для вас вандроўка ў мінуўшчыну стане адначасова і карыснай, і захапляльнай, а выдаткаваны на чытанне час не будзе змарнаваны дарма.

ЛІТАРАТУРА Паглядзець

Водгукі

Неабходны Лагін або Рэгістрацыя, каб напісаць водгук.

Раім паглядзець

зьніжка

Гісторыя палітычных і праўных тэорый

Хайніцка Крыстына, Альшэўскі Гэнрык

У кнізе прафесараў Крысціны Хайніцкай і Гэнрыка Альшэўскага даецца агульны агляд развіцця палітычнай і праўнай думкі ад часоў Старажытнага Ўсходу да пачатку ХХІ ст.

Беларускі Гістарычны Агляд. Том 23

Аўтары нумару: Andrzej Gil, Sante Graciotti, Hieronim Grala, Jury Hryboŭski, Юрій Мицик, Сяргей Новікаў, Аляксандр Пагарэлы, Генадзь Сагановіч, Łukasz Staśkiewicz, Marek Figura.

Беларускі Гістарычны Агляд. Том 30. Сшыткі 1–2 + Сшытак 3 (дадатковы)

Сшыткі 1—2 (58—59) + Сшытак 3 (дадатковы). Аўтары нумара: Юры Грыбоўскі (Jerzy Grzybowski), Юры Гардзееў (Jury Hardziejeŭ), Аляксандр Казакоў (Aliaksandr Kazakoŭ), Крыс Лорэнц (Chris Lorenz), Уладзімір Падалінскі (Uladzimir Padalinski), Ірына Раманава (Iryna Ramanava), Генадзь Сагановіч (Hienadź Sahanovič), Ганна Славіна (Hanna Slavina), Сцяпан Стурэйка (Sciapan Sturejka), Сяргей Токць, Уладзімір Валодзін (Uladzimir Valodzin), Сцяпан Захаркевіч (Sciapan Zacharkievič), Віталь Зайка (Vital Zajka).