Дзённікі і запісы. Выпуск 2. 1970—1978

няма водгукаў

Барадулін Рыгор

17.30 BYN 21.40 BYN

Памер: 170x240 мм

Вага: 905 г

Purchase

Абраны варыянт адсутнічае на складзе. Калі ласка, абярыце іншы варыянт.

Мэмуары Публіцыстыка Кнігазбор (выдавецтва)Сэрыя "Бібліятэка Бацькаўшчыны"Жыцьцяпісы Барадулін Рыгор

Апісаньне

Укладанне, прадмова Наталлі Давыдзенкі. — Мінск: Кнігазбор, 2015. — 416 с. [24] с.: іл. — (Бібліятэка Бацькаўшчыны. Людзі Беларусі: кніга 3).

ISBN 978-985-7119-89-9

У другім выпуску “Дзённікаў і запісаў (1970—1978)” народнага паэта Беларусі Рыгора Барадуліна сабраныя рабочыя штодзённікі, запісы шматлікіх паездак па гарадах і вёсках Беларусі, па рэспубліках Савецкага Саюза, а таксама зацемкі аб пабачаным ў падарожжы ў Фінляндыю, Швецыю і Данію.

У кнігу ўвайшлі вершы, якія не друкаваліся ў зборніках паэта, сяброўскія эпіграмы, вершаваныя прысвячэнні і віншаванні.

ЗМЕСТ Паглядзець

Фрагменты з кнігі Паглядзець

Ад укладальніка Паглядзець

Другі выпускі “Дзённікаў і запісаў (1970—1978)” народнага паэта Беларусі ўвабраў у сябе няпоўнае дзесяцігоддзе 70-х ХХ стагоддзя. Гады неўпрыкмет пасталелай маладосці з яе гарачымі жаданнямі, прагай новых уражанняў і сустрэч, душэўных зрываў і напружанай творчай працы.

1971 год прынёс паэту найвялікшую страту — у іншы свет адышла мама, самы родны чалавек у яго жыцці.

У гэты час былі напісаныя значныя паэмы “Бяроза з лістам гаварыла...”, прысвечаная памяці мамы, “Балада Брэсцкай крэпасці”, “Смаргонская акадэмія”; выдадзены паэтычныя кнігі “Рум” (1974), “Свята пчалы: Выбранае” (1975), “Абсяг” (1978); альбом шаржаў і эпіграм “Няўрокам кажучы” (з М. Лісоўскім; 1971), зборнікі гумару “Журавінка” (1973) і “Прынамсі” (1977); кнігі выдатных перакладаў паэзіі Ф. Гарсія Лоркі “Блакітны звон Гранады” (1975) і С. Ясеніна “Выбранае” (з А. Куляшовым; 1976); тры кніжкі вершаў для дзяцей.

У 1976 годзе за паэму “Балада Брэсцкай крэпасці” паэт быў уганараваны прэміяй Ленінскага камсамола Беларусі, а за зборнік “Рум” і пераклад Ф. Гарсія Лоркі — Дзяржаўнай прэміяй БССР імя Янкі Купалы.

У паэта склаліся паважлівыя сяброўскія адносіны і творчыя стасункі са старэйшынамі беларускай літаратуры А. Куляшовым, П. Броўкам, П. Панчанкам, А. Вялюгіным. Не адважуся пералічыць шматлікіх сяброў і блізкіх знаёмых яго пакалення не толькі ў Беларусі, але і ў многіх рэспубліках Савецкага Саюза — Літве, Латвіі, Украіне, Расіі.

У 1977 годзе паэт пабываў у адзінай, але вельмі змястоўнай замежнай паездцы ў Фінляндыю, Швецыю і Данію.

Нават беглы, няпоўны пералік паездзінаў па Беларусі і ўсёй бязмежнай краіне проста ўражвае і гучыць як своеасаблівая паэма: Ленінград (1971), Кіеў, Канеў (1973), Пенза, Тарханы, Ашхабад, Чарджоў, Генч, Хіва (1974), Вільнюс, Клін, Калінін, Вышні Валачок, Ноўгарад, Старая Руса, Краснаярск, Мінусінск, Дзіўнагорск, Баку, Ерэван (1975), Ташкент, Калінін, Таржок, Масква, Чэбаксары, Ядрын (1976), Алма-Ата, Калінінград, Балтыйск, Рыга, Нальчык, Чэгем (1977), Каўнас, Іжэўск, Глазаў, Растоў Вялікі, Яраслаўль, Карабіха, Херсон, Асканія-Нова, Скадоўск, Голая прыстань (1978).

І за кожнай з гэтых паездак — безліч цікавых назіранняў, гістарычных звестак, новыя знаёмствы, вершы і пераклады будучых зборнікаў і публікацый.

Як і першы выпуск, кнігу дапоўнілі вершы, якія аўтар не ўключаў у свае зборнікі, сяброўскія эпіграмы, дарчыя вершаваныя надпісы на кнігах, а таксама асобныя вершы, прысвечаныя яму самому — паэту і сябру, фатаграфіі, малюнкі сяброў і новых знаёмцаў.

Дадатковыя запісы, якія маюць дакладную дату, пазначаны адной зорачкай, а запісы пад трыма зоркамі адносяцца да канкрэтнага года, але размешчаны па месяцах больш адвольна. У квадратных дужках — паясняльныя словы, а часам пытальнік, калі няма ўпэўненасці ў расшыфроўцы слова. Курсівам выдзелены падкрэсленыя аўтарам словы, назвы гарадоў і населеных пунктаў, якія наведаў паэт, занатаваныя рыфмы ці асобныя паэтычныя радкі.

Запісы ў рабочых штодзённіках і блакнотах захоўваюць у сабе самыя разнастайныя матэрыялы, якія паўней раскрываюць творчую асобу мастака, больш яскрава абмалёўваюць яго постаць, час, асяроддзе і абставіны асабістага жыцця.

Праца над новымі выпускамі дзённікаў працягваецца.

Наталля Давыдзенка

Водгукі

Неабходны Лагін або Рэгістрацыя, каб напісаць водгук.

Раім паглядзець

Апантаны Бацькаўшчынай

Гарэцкі Радзім

Акадэмік Радзім Гарэцкі, вучоны ў галіне навук аб Зямлі і грамадскі дзеяч, аўтар кнігі "Жыццёвы меланж" (2013), прапануе яе працяг, напісаны ў апошнія шэсць гадоў у той жа сваеасаблівай жанравай форме. Гэтыя творы — падсумаванне думак, уражанняў, пачуццяў ад шматлікіх падзей у нашай краіне і свеце, юбілеяў і страт сяброў і блізкіх людзей (у тым ліку вядомых дзеячаў літаратуры, культуры, навукі), успамінаў пра жыццё і дзейнасць бацькі і дзядзькі — братоў Гаўрылы і Максіма Гарэцкіх, родных, некаторых момантаў асабістага жыцця і інш.

Дзённікі і запісы. Выпуск 3. 1979—1982

Барадулін Рыгор

Трэці выпуск “Дзённікаў і запісаў. 1979—1982” народнага паэта Беларусі Рыгора Барадуліна змяшчае тэксты аб працяглых паездках паэта на Кубу, у Балгарыю, Італію, Чэхаславакію, у многія рэспублікі Савецкага Саюза, а таксама па Беларусі.

Шчанячыя гады

Ваньковіч Мельхіёр

Успаміны польскага пісьменніка Мельхіёра Ваньковіча (1892–1974) дагэтуль не перакладаліся на беларускую мову, хоць найперш яны цікавыя менавіта беларускаму чытачу. Аўтар — нашчадак заможнага шляхоцкага роду, нарадзіўся ў маёнтку Калюжычы (цяпер Бярэзінскі раён). З ягоных “Шчанячых гадоў” паўстае Беларусь на зломе гістарычных эпох — ад паўстання 1863 года да савецка-польскай вайны 1920 года. Кніга чытаецца захапляльна: тут ёсць і жывы гумар, і глыбінныя светапоглядныя рэчы.