Верасень—кастрычнік. Літаратурны часопіс. — Мінск, 2015. — 336 с.
ISSN 2076-1309
У гэтым выпуску — вершы і проза вядомых беларускіх аўтараў, невядомы дзённік Уладзіміра Караткевіча, інтэрв’ю і літаратуразнаўчыя артыкулы. Аўтары нумару: Уладзімір Даніленка, Віктар Карамазаў, Арсен Ліс, Вінцэсь Мудроў, Уладзімір Някляеў, Людміла Рублеўская ды іншыя.
У выпуску — вершы і проза вядомых беларускіх аўтараў, невядомы дзённік Уладзіміра Караткевіча, інтэрв’ю і літаратуразнаўчыя артыкулы.
У празаічнай частцы звяртае на сябе ўвагу проза аднаго са старэйшых пісьменнікаў Беларусі Віктара Карамазава: навела “Ван Гог” прысвечана тэме мастацтва. Лаўрэат і прызёр прэміі Ежы Гедройца Уладзімір Някляеў і Вінцэсь Мудроў выступаюць у нумары з аповесцямі “На ўсякім свеце” і “Албанскае танга” адпаведна. Полацкі аўтар апавядае пра сваю ўлюбёную Албанію, а экс-кандыдат у прэзідэнты — пра жыццё ў іншасвеце. З апавяданнямі невялікага фармату друкуюцца ў “Дзеяслове” таксама Таццяна Будовіч-Барадуля, Міхась Булавацкі і Альжбета Кеда.
Аддзел паэзіі і ўвесь №78 адкрывае падборка вершаў Людмілы Рублеўскай, якая нядаўна выдала ў “Бібліятэчцы часопіса “Дзеяслоў” кнігу “З’яўленне Інфанты”. Свае вершы друкуюць у нумары Алесь Гібок-Гібкоўскі, Алена Ігнацюк, Мікола Канановіч, Ігар Сіроткін і Юрась Шамецька. З вершамі ў рубрыцы “Дэбют” упершыню выступае Яўген Іхонкін.
Нямала старонак новага “Дзеяслова” аддадзена перакладам: Вера Дзядок прапануе чытачам у сваім перастварэнні з нямецкай мовы частку рамана “Апошняя паездка Суціна” швейцарскага пісьменніка Ральфа Дутлі, а Валер Стралко друкуе пераклады апавяданняў старшыні кіеўскага аддзялення Саюза пісьменнікаў Украіны Уладзіміра Даніленкі.
Да 85-годдзя Уладзіміра Караткевіча “Дзеяслоў” падрыхтаваў унікальную першую публікацыю невядомага дзённіка класіка за 1965—1966 гады. Доўжыць перадюбілейную гаворку Лада Алейнік з літаратуразнаўчым артыкулам “Дзядзькаванне: звычай ці міф?”. Доследныя штудыі працягвае патрыярх беларускай этнаграфіі і мастацтвазнаўства Арсень Ліс, які публікуе артыкул “Традыцыйная народная культура беларусаў і станаўленне нацыянальнай ідэі”. Сяргей Шапран прапануе новую частку сваёй архіўна-крытычнай кнігі “Уладзімір Някляеў. Незавершаная аўтабіяграфія”.
Эсэістычна-крытычную частку нумара прадстаўляюць Міхась Скобла з тэкстамі з будучай кнігі “Саркафагі страху”, Уладзімір Сіўчыкаў з развагамі пра мастацкі талент Ігара Рымашэўскага, Анатоль Трафімчык з рэцэнзіямі на кнігі Кандрата Лейкі і Валянціна Таўлая і Максім Клімковіч з артыкулам пра раман Алеся Аркуша “Мясцовы час”.
ПАЭЗІЯ Людміла Рублеўская. Я не ведаю імёнаў… Вершы Алесь Гібок-Гібкоўскі. Бывай, маё сонца, бывай… Вершы Алена Ігнацюк. Словачас. Вершы Мікола Канановіч. І доўжыцца ноч… Вершы Юрась Шамецька. Мой Мінск — Атава… Вершы Ігар Сіроткін. Дарога на поўнач. Вершы
ПРОЗА Уладзімір Някляеў. На ўсякім свеце. Прыпавесць Віктар Карамазаў. Ван Гог. Навела Вінцэсь Мудроў. Албанскае танга. Аповесць Міхась Булавацкі. Няздзейсненае знаёмства. Два апавяданні Альжбета Кеда. Фара. Апавяданне Таццяна Будовіч-Барадуля. Сіняя кветка. Тры гісторыі
ДЭБЮТ Яўген Іхонкін. Новы дзень, прывітанне! Вершы
ПЕРАКЛАДЫ Ральф Дутлі. Апошняя паездка Суціна. Фрагменты рамана. Пераклад Веры Дзядок Уладзімір Даніленка. Малюнак на замёрзлым акне. Апавяданні. Пераклад Валера Стралко
ДА 85-ГОДДЗЯ УЛАДЗІМІРА КАРАТКЕВІЧА Уладзімір Караткевіч. …Трэба церабіць сваю сцежку. Дзённік 1965—66 гадоў Лада Алейнік. Дзядзькаванне: звычай ці міф? Праблема сацыялізацыі асобы ў рамане У. Караткевіча “Каласы пад сярпом тваім”
ДОСЛЕД Арсен Ліс. Традыцыйная народная культура беларусаў і станаўленне нацыянальнай ідэі
БІЯГРАФІЯ Сяргей Шапран. Уладзімір Някляеў. Незавершаная аўтабіяграфія. Старонкі новай кнігі. (Працяг)
ЭCЭ Міхась Скобла. Саркафагі страху. З будучай кнігі. (Працяг)
СЛОВЫ Ціхан Чарнякевіч. Леанід Галубовіч: “Жыццё схіляла мяне да разгадкі смерці…” Валерыя Кустава. Любоў Турбіна: “У Маскве я адчуваю сябе больш беларускай, чым у Мінску”
МАСТАЦТВА Уладзімір Сіўчыкаў. “Я пакажу табе Мінск”. Урбаністычны партрэт Ігара Рымашэўскага
КНІГАПІС Анатоль Трафімчык. Сейбіты нашай нівы. Рэцэнзіі на кнігі Валянціна Таўлая і Кандрата Лейкі Максім Клімковіч. Сакральны час. Рэцэнзія на кнігу Алеся Аркуша
ДЗЕЯПІС Новыя выданні на кніжных паліцах “Дзеяслова”
Роберт ван Гулік — нідэрландскі пісьменнік і ўсходазнаўца, найбольш вядомы дзякуючы цыклу твораў пра суддзю Дзі, які разам са сваімі памочнікамі Ма Чжунам, Цяа Таем, радцам Хунам і былым махляром Таа Ганем расследуе загадкавыя злачынствы ў падуладных яму акругах. У апавяданнях са зборніка “Следства вядзе суддзя Дзі” аўтар выкарыстоўвае прыёмы, распрацаваныя кітайскай дэтэктыўнай літаратурай, у тым ліку паралельнае расследаванне некалькіх злачынстваў адначасова.
Аснову выдання складае творчая спадчына самабытнага публіцыста, крытыка, празаіка і паэта Сяргея Палуяна (1891–1910), рупліва адшуканая даследчыкамі ва ўкраінскай і беларускай перыёдыцы. У кнізе ўпершыню найбольш поўна прадстаўлены ўспаміны пра пісьменніка яго родных і знаёмых, мастацкія творы, прысвечаныя яму, матэрыялы пра радаслоўе Палуянаў.
Раман Яхіма Топала "Цэх д'ябла" – гэта літаратурныя раскопкі вусцішнай гісторыі ХХ стагоддзя, пераплеценыя з сюррэалістычным дзеяннем, якое вялікай часткай адбываецца ў Беларусі, праўда, Беларусі фантомнай, але, тым не менш, лёгка распазнавальнай. Раман быў выдадзены ў 2009 годзе, і з таго часу выйшаў у розных краінах у перакладах амаль на два дзясяткі моваў. Яхім Топал (нар. у 1962 г.), адзін з найбольш вядомых у сучасным свеце чэшскіх пісьменнікаў, за гэтую кнігу быў уганараваны прэміяй Яраслава Сайферта і прэміяй Міжнароднага ПЭН-клуба.
