Эпізоды

няма водгукаў

Кіпель Яўхім

7.00 BYN

Памер: 120x165 мм

Вага: 440 г

Purchase

Няма на складзе

Гісторыя Мэмуары Публіцыстыка Лімарыус (выдавецтва)Жыцьцяпісы Сэрыя "Беларуская мемуарная бібліятэка"Кіпель Яўхім

Апісаньне

Выданне другое, дапрацаванае / Навуковыя рэдактары Наталля Гардзіенка, Лявон Юрэвіч; прадмова Зміцер Саўка, Ілога Урбановіч-Саўка, Вітаўт Кіпель; каментарыЦіхан Чарнякевіч, Наталля Гардзіенка, Алег Гардзіенка і іменны паказальнік Наталля Гардзіенка. — Мінск: Лімарыус, 2013. — 388 с.: іл. — (Беларуская мемуарная бібліятэка).

ISBN 978-985-6968-34-4.

Успаміны беларускага дзеяча Яўхіма Кіпеля (1898—1969) “Эпізоды” адлюстроўваюць падзеі беларускага руху ад часоў першага абвяшчэння ССРБ да стварэння беларускіх асяродкаў у паваенных ЗША. Працаўнік беларусізацыі 1920-х, двойчы рэпрэсаваны, удзельнік беларускага жыцця ў часе акупацыі і на эміграцыі, аўтар распавядае пра асобаў, з якімі яму давялося сустракацца і працаваць: Уладзіміра Жылку, Змітра Жылуновіча, Янку Купалу, Якуба Коласа і іншых.

Гэтае другое выданне ўспамінаў (першае ў Беларусі), дапоўненае каментарамі і новымі ілюстрацыямі, будзе цікавае шырокаму колу аматараў беларускай гісторыі ХХ ст.

“Эпізоды, як загаловак кнігі, я сказаў бы, выдатны: гэта занатоўкі больш памятных адцінкаў-здарэнняў жыццёвага шляху. Назоў “Эпізоды” падыходзіць цудоўна і для маіх, Вітаўта Кіпеля, прыпамінаў аб бацьку, якога я, між іншага, у жыцці клікаў толькі “тата”…”

(Вітаўт Кіпель “Аб бацьку, што прыпамінаецца…”)

ЗМЕСТ Паглядзець

Пра аўтара Паглядзець

Яўхім Кіпель нарадзіўся ў 1896 годзе. З 1915 году быў удзельнікам Першай сусьветнай вайны, скончыў 2-ю Кіеўскую ваенную школу прапаршчыкаў. З 1918 году ваяваў у шэрагах Чырвонай арміі. Браў удзел у паседжаньнях Усебеларускага зьезду Саветаў у Смаленску, дзе была абвешчаная БССР.

Пасьля заканчэньня БДУ Яўхім працаваў у Інстытуце беларускай культуры і вучыўся ў асьпірантуры, адкуль быў выключаны “за неадпаведнасьць сваёй навуковай дзейнасьці марксісцкай ідэалёгіі”.

У чэрвені 1930 быў арыштаваны ў Менску па справе “Саюзу вызваленьня Беларусі”. На допытах яму прыгадалі і арганізацыю Клюбу беларускай моладзі, і ўдзел у падрыхтоўцы зьезду краязнаўцаў.

Вяртаючыся з 5-гадовай вяцкай высылкі, ён вёз на свабоду схаваны паміж чамаданавымі склейкамі рукапіс славутага “Тэстамэнту” Ўладзімера Жылкі.

Спатканьне з воляй доўжылася ўсяго чатыры месяцы. Пасьля новага арышту сьледчы прапаноўвае маладому навукоўцу магчымасьць жыць у Менску й займацца ўлюбёнай біялёгіяй. Трэба толькі “дапамагчы органам”. Атрыманая адмова каштавала пяці гадоў Байкала-амурскіх лягераў.

У часе нямецкае акупацыі Кіпель займаецца арганізацыяй беларускага школьніцтва, рэдагуе газэту “Голас вёскі”. Сваім старшынём выбіраюць яго дэлегаты Другога ўсебеларускага кангрэсу, які пацьвердзіў імкненьне краіны да незалежнасьці.

Жывучы на Захадзе, Кіпель не пакідаў грамадзкай і навуковай дзейнасьці. Ён стварыў Аб’яднаньне беларускіх вязьняў савецкіх канцлягераў, падрыхтаваў пад назовам “Зь іхняга раю” кнігу пра жыцьцё ў ГУЛагу, быў ініцыятарам стварэньня Беларускай народнай партыі...

Памёр Яўхім Кіпель у ліпені 1969 году.

Праз 20 гадоў Вярхоўны суд БССР прыняў пастанову аб рэабілітацыі “врага белорусского народа”. Яшчэ праз 10 гадоў, калі Беларусь ужо была незалежная, у Нью-Ёрку выйшла першае выданьне кнігі ўспамінаў Яўхіма Кіпеля “Эпізоды”.

Прадмова да другога выдання (фрагмент) Паглядзець

Водгукі

Неабходны Лагін або Рэгістрацыя, каб напісаць водгук.

Раім паглядзець

Вялікае Княства Літоўскае пад уладай Аляксандра Ягелончыка

Пяткевіч Кшыштаф

Гэтая манаграфія — першая ў гістарыяграфіі спроба сінтэтычнага нарысу Вялікага Княства Літоўскага пад уладай Аляксандра Ягелончыка. У ёй раскрываюцца асаблівасці адміністрацыйна-тэрытарыяльнай сістэмы, канфесійная, фінансавая і гаспадарчая палітыка, дзейнасць найважнейшых дзяржаўных органаў (канцылярыя ВКЛ), а таксама даецца вычарпальны пералік прадстаўнікоў дзяржаўнай эліты.

Гісторыя Расіі

Трусаў Алег, Баршчэўскі Лявон, Хадыка Аляксей

Гісторыя Расіі нязменна выклікала цікавасць еўрапейскіх народаў, а найперш суседзяў. Гэтая кніга ўяўляе сабой спробу даць сінтэтычнае асэнсаванне расійскай гісторыі ад Сярэднявечча да нашых дзён, з беларускага гледзішча і на беларускай мове. У аснову кнігі пакладзеныя вынікі даследаванняў як расійскіх гісторыкаў і археолагаў, так і іх калег з розных краін Еўропы. Выданне забяспечана грунтоўнай бібліяграфіяй на 12 мовах свету. У кнізе таксама змешчана вялікая колькасць ілюстрацый, частка якіх ніколі не публікавалася.

Гісторыя румынаў

Поп Ёан-Аўрэл

Кніга ўяўляе сабой паслядоўны аповед пра тое, якім чынам сфармаваліся румынская мова і румынская нацыя. Аўтар, аўтарытэтны румынскі гісторык, прэзідэнт Румынскай Акадэміі навук Ёан-Аўрэл Поп у папулярным стылі паказвае няпросты шлях, які прайшлі румыны, каб стварыць сваю незалежную дзяржаву, і тлумачыць абставіны, у сувязі з якімі даўней румынскіх дзяржаваў было тры - Валахія, Малдова і Трансільванія - і дагэтуль застаецца дзве - Румынія і Рэспубліка Малдова, хоць людзі ў іх гавораць адною мовай.