Кніга-сувэнір / 2-е выданьне. — Менск, 2015. — 148 с.
Наклад кнігі цалкам прададзены.
Журналіст і блогер Глеб Лабадзенка выпусціў незвычайную кнігу — “Дзіцячая заМова” складаецца са 112 маляваных прыкладаў моўных памылак. Кніга цалкам намаляваная — у ёй няма ніводнай друкаванай літары.
Малюнкі, якія тлумачаць розніцу паміж “стулам” і “крэслам”, “сабе” і “сябе” стылізаваныя пад дзіцячыя. Кніга мае кардонную вокладку і надрукавана на грубай паперы — выглядае як добры сувенір для тых, хто пачынае вучыць беларускую мову.
Пасляслоўе да кнігі напісаў Рыгор Барадулін.
(Паводле “Нашай Нівы”)
Праект “Дзіцячая ЗаМова” у блогу Глеба Лабадзенкі
Слова пра “Дзіцячую заМову” Паглядзець цалкам
Праект "Дзіцячая заМова" ўзнік, можна сказаць, раптоўна. Мая жонка ўвесь час блытала словы "цяпер" і "зараз", таму я вырашыў намаляваць для яе адмысловую схему. Потым падумалася, што схема можа быць карысная і іншым людзям, таму я апублікаваў яе ў сваім блогу. Нехта папрасіў: а патлумач розніцу між "сабе" і "сябе", між "табе" і "цябе"? І тут я зразумеў, што схемаю ўжо не абысціся. Так з'явіліся чалавечкі.
Назва "Дзіцячая заМова" прыдумалася вельмі хутка. "Дзіцячая" — бо малюнкі простыя, як у дзяцей. А яшчэ і таму, што дзейныя асобы — дзеці: хлопчык і дзяўчынка. Ну і ўрэшце таму, што малюнкі заклікаюць вучыць дзетак пазбягаць памылак у мове.
"ЗаМова" — бо тут і "мова", і "за мову", і "замова" — як абярэг, і "замова" як просьба намаляваць нешта канкрэтнае.
Вось усё гэтае доўгае тлумачэнне і ўвабралася ў два словы — "дзіцячая заМова". Малюначкі часам суб'ектыўныя. Падабаецца мне нейкае слова — малюю, каб яно ўжывалася яшчэ шырэй. Хочацца паказаць нейкае канкрэтнае значэнне слова — і вось яно на малюнку.
Дарэчы, усю кніжку праверылі сапраўдныя філолагі — таму ёю можна ўпэўнена карыстацца ў школе. Дабраславіў гэтую кніжку і бліскучы знаўца слова, Народны паэт Беларусі Рыгор Барадулін. Простасць малюнкаў — не адмысловы стыль, а вяршыня мастацкіх здольнасцей аўтара. Але яно і добра, бо кожны з вас можа сабе падумаць: "Ха! Дык і я ж так магу, што там маляваць: кружочкі ды трохкутнікі!"
Чаму кніжачка зробленая ў форме нататніка на спружыне? Каб можна было лёгка выдзерці з яе аркуш з тым, што вы ўвесь час блытаеце, — і павесіць на сценку, каб запамінаць. Або адправіць поштаю сябру. Або прэзентаваць сяброўцы.
Гэтая кніжачка нарадзілася інтэрактыўна — людзі пакідалі свае "заМовы" пад малюначкамі ці падказвалі іх аўтару асабіста. На гэтых 112 малюначках "заМовы" не сканчаюцца, вось толькі цяпер аўтарам робіцца кожны з вас. І калі сябра спытаецца: "Слухай, а як мне запомніць гэтае слова?" — вы ўжо ведаеце, што рабіць!
Глеб Лабадзенка
ЗМЕСТ Паглядзець змест цалкам
1. Цяпер — зараз
2. Табе — цябе
3. Стул — крэсла — фатэль
4. Дыван — канапа
5. Гаспадарка — гаспадыня
6. Елка — ёлка — ялінка
7. Граць — гуляць — шпацыраваць
8. Нядзеля — тыдзень
9. Вы’падак — існу’е — слі’на
10. Сабака — гусь
11. Мытня — лазня
12. Адкрыць — адчыніць — адамкнуць — расплюшчыць
13. Вы’гадна — выго’дна
14. Фарбаваць — маляваць — рысаваць
15. Будова фразы
16. Шуфляда — мянташка
17. Добры — лепшы — найлепшы
18. Алей — масла — аліва
19. Надвор’е — пагода
20. У Беларусі — на Случчыне
21. За тры кіламетры — у трох кіламетрах
22. Мець рацыю — быць правым
23. Здзейсніць — учыніць
24. Адзін аднаго
25. Паўгода — паўмесяца
26. Клічны склон
27. Дзяўчаты — дзяўчаткі
28. Асабісты — асабовы
29. На дварэ — на двары
30. Бескарысна — бескарысліва
31. Кропка — пункт
32. Дзейны — дзейсны
33. Дзядулеў — бабулін
34. Вінаваты — павінен — мае — мусіць
35. Імшы — імжа
36. Людскі’ — лю’дзкі
37. Дзяўбсці — брацца
38. Абцас
39. Век — стагоддзе
40. Далонь — сыроватка — талерка
41. Гузік
42. Свойская жывёла
43. Спадзеў — надзея
44. Слухаўка — стырно
45. Ліст — аркуш
46. Вітальня
47. Гарбуз — кавун
48. Бохан — баханка
49. Корак
50. Штучны — адзінкавы
51. Хмарачос — шапік
52. Для — дзеля
53. Люстра — жырандоль
54. Газ — га’за
55. Лецішча — лётнішча
56. Назвы пальцаў
57. Медаль — зала
58. Стол — столь
59. Грыбы — ягады — рыба
60. Плошча — пляц
61. Догляд — агляд — нагляд
62. Позірк — погляд
63. Конікі — коні
64. Абрус — цырата
65. Свет — святло
66. Посуд
67. Рог — вугал — кут
68. Стасункі — варункі
69. Багатыр — асілак
70. Гадаваць
71. Вайсковы — ваенны
72. Ямо — ясце
73. Упрыгожанне — упрыгожванне
74. Жадаць — зычыць
75. Асадка — кружэлка
76. Калыска — вазок
77. Воўна — бавоўна
78. Інтарэс — цікавасць
79. А шостай гадзіне
80. Муляр — маляр
81. Шавец — кравец — кушнер
82. Добра — блага
83. Твар
84. Канечне — вядома
85. Упусціць
86. Трус — заяц — баязлівец
87. З-за — праз
88. Усцяж — нацянкі
89. Паспрабаваць — пакаштаваць
90. Уступаць — саступаць
91. Убіць — забіць
92. Другі — іншы
93. У пале — у пыле
94. Адзець — надзець — апрануць
95. На кухні
96. Родны склон: -а, -я
97. Родны склон: -у, -ю
98. Жаночае адзенне
99. Мужчынскае адзенне
100. Вітанні
101. Капіяваць, фармаваць
102. Сябра, сябар
103. Арганізацыя — арганізаванне
104. Злучнікі і, ды
105. Пяцёра вучацца, большасць вучыцца
106. Завузкі, захалодны
107. Мурын і жыд
108. Дзякаваць
109. Пушка, гармата
110. Спор, спрэчка
111. Назвы ягад і грыбоў
112. Скура, шкура
