Колеры
8.30 BYN
Памер: 130x200 мм
Вага: 330 г
Purchase
Няма на складзе
Апісаньне
Кніга паэзіі. — Мінск : Кнігазбор, 2018. — 188 с. Цвёрдая вокладка.
ISBN 978-985-7207-14-5.
Пётра Мурзёнак вядомы найперш як палымяны публіцыст і захоплены гісторык. Новая кніга адкрывае нам Мурзёнка-паэта.
Пра кнігу
“Колеры” – такую назву мае новы паэтычны зборнік вядомага дзеяча беларускага замежжа ў Канадзе Пётры Мурзёнка, выдадзены ў Мінску пры спрыянні ЗБС “Бацькаўшчына”. Кніга сталася вынікам паэтычнага плёну аўтара за апошнія пяць гадоў.
Пяцігадовы перыяд, з лірычным бокам якога пакліканы пазнаёміць чытача зборнік “Колеры”, быў для Пётры Мурзёнка надзвычай прадуктыўным. Не зважаючы на моцную загружанасць працай у Міністэрстве аховы здароўя Канады, нягледзячы на ўдзел у справах Беларускага інстытута літаратуры і мастацтва ў Канадзе і Атаўскага аддзела Згуртавання беларусаў Канады, якія ён узначальвае, спадар Пётр знайшоў час, каб выдаць грунтоўны зборнік публіцыстыкі “Шляхі да беларускай нацыі” (2016), ілюстраваны даведнік “Чым трэба ганарыцца кожнаму беларусу” (2017), падрыхтаваць больш за дваццаць выпускаў вэб-часопісу “Культура. Нацыя” (sakavik.net) і нават запісаць аўдыяальбом “Дотык” (2014).
Зборнік “Колеры” складаецца ў асноўным з вершаў, створаных у Атаве (Канада), але асобныя раздзелы ўтрымліваюць таксама і падарожную паэзію з “іспанскага” і “дамініканскага” дзённікаў. Пётра Мурзёнак верыць, што прыгажосць у выглядзе паэзіі здольная выратаваць свет. Пасля выхаду “Колераў” кожны мае магчымасць таксама ў гэтым пераканацца.
Інфармацыйны цэнтр МГА “ЗБС “Бацькаўшчына”
Верш з кнігі
Кірунак
Хвіліна нікне з кожнай хваляй,
Яны ж бягуць няўмольнай чарадой;
Паціху дні гадзінамі збягалі,
Міжволі мне даруючы настрой.
Блакіт над берагам і водар мора
Расплавілі цяплом набыты лёд,
Кіруе у бязмежную прастору
Душа з палёгкаю ў свой трапяткі палёт.
24 снежня 2016 года, Пунта-Кана
ЗМЕСТ Паглядзець
ISBN 978-985-7207-14-5.
Пётра Мурзёнак вядомы найперш як палымяны публіцыст і захоплены гісторык. Новая кніга адкрывае нам Мурзёнка-паэта.
Пра кнігу“Колеры” – такую назву мае новы паэтычны зборнік вядомага дзеяча беларускага замежжа ў Канадзе Пётры Мурзёнка, выдадзены ў Мінску пры спрыянні ЗБС “Бацькаўшчына”. Кніга сталася вынікам паэтычнага плёну аўтара за апошнія пяць гадоў.
Пяцігадовы перыяд, з лірычным бокам якога пакліканы пазнаёміць чытача зборнік “Колеры”, быў для Пётры Мурзёнка надзвычай прадуктыўным. Не зважаючы на моцную загружанасць працай у Міністэрстве аховы здароўя Канады, нягледзячы на ўдзел у справах Беларускага інстытута літаратуры і мастацтва ў Канадзе і Атаўскага аддзела Згуртавання беларусаў Канады, якія ён узначальвае, спадар Пётр знайшоў час, каб выдаць грунтоўны зборнік публіцыстыкі “Шляхі да беларускай нацыі” (2016), ілюстраваны даведнік “Чым трэба ганарыцца кожнаму беларусу” (2017), падрыхтаваць больш за дваццаць выпускаў вэб-часопісу “Культура. Нацыя” (sakavik.net) і нават запісаць аўдыяальбом “Дотык” (2014).
Зборнік “Колеры” складаецца ў асноўным з вершаў, створаных у Атаве (Канада), але асобныя раздзелы ўтрымліваюць таксама і падарожную паэзію з “іспанскага” і “дамініканскага” дзённікаў. Пётра Мурзёнак верыць, што прыгажосць у выглядзе паэзіі здольная выратаваць свет. Пасля выхаду “Колераў” кожны мае магчымасць таксама ў гэтым пераканацца.
Інфармацыйны цэнтр МГА “ЗБС “Бацькаўшчына”
Верш з кнігі
Кірунак
Хвіліна нікне з кожнай хваляй,
Яны ж бягуць няўмольнай чарадой;
Паціху дні гадзінамі збягалі,
Міжволі мне даруючы настрой.
Блакіт над берагам і водар мора
Расплавілі цяплом набыты лёд,
Кіруе у бязмежную прастору
Душа з палёгкаю ў свой трапяткі палёт.
24 снежня 2016 года, Пунта-Кана
ЗМЕСТ Паглядзець
Водгукі
Неабходны Лагін або Рэгістрацыя, каб напісаць водгук.
Раім паглядзець
У гэтую кнігу ўвайшлі толькі 100 вершаў. Тыя, што належаць да корпусу найлепшай беларускай паэзіі XX стагоддзя — і, безумоўна, будуць цікавыя чытачам у XXI. У зборніку няма вершаў, якія нас з-пад палкі прымушалі вучыць у школе. Але і школьнікам кніжка прыдасца: напрыклад, каб паказаць настаўнікам класнага паэта, якога яны яшчэ не ведалі.
“Забытыя песні” — зборнік старажытнаісландскай паэзіі, у які ўвайшлі найбольш адметныя творы, прысвечаныя рунам, шчытавыя драпы ды іншыя яскравыя прыклады скальдычнай літаратуры, познія аўтарскія паэмы па матывах “Песень пра герояў”, а таксама ўсе вядомыя на сённяшні дзень “казачныя песні” — паэмы гэтага ўнікальнага паджанру маюць рысы як эдычнай літаратуры, так і народных баладаў. У якасці дадатку кніга змяшчае надзвычай важную для беларускай культуры “Паэму пра Торвальда Вандроўніка”. Выданне ўтрымлівае неабходныя каментары да кожнага твора.
„У творчасці паэта ёсць адзін важны верш” - так піша Надзея Артымовіч у сваім эсэ „Паэзія – гэта вольнасць”, змешчаным у яе апошнім зборніку «Жоўтая музыка», выдадзеным нашай рэдакцыяй у 2005 годзе. Я не ведаю, які верш з'яўляецца гэтым адзіным, самым важным для яе самой. Спадзяюся, што ён увесь час пішацца. Але ж усё напісанае дагэтуль Надзеяй Артымовіч дае кожнаму з нас магчымасць адшукаць у яе паэзіі менавіта той самы, адзіны, важны верш – твой верш. Верш, які будзе ўсплываць у тваіх думках у розных неспадзяваных хвілінах і месцах. Верш – мантра, малітва, замова. Замова, мова, слова. Маўчанне – ці ж не самае таемнае і характэрнае для сакрум і прафанум ейнага жыццёва лёсу?
