Зярнятка. Зборнік

5.10 руб.

Памер: 205x260 мм

Вага: 805 г

Purchase

Няма на складзе

Мастацкая Літаратура (выдавецтва)Проза Літаратура для дзяцей Навучальная літаратура Паэзія Кнігі дзеткам Фальклёр Зярнятка

Апісаньне

Вершы, апавяданні, казкі, загадкі, прыпеўкі, калыханкі, гульні, прымаўкі, прыказкі, хуткагаворкі / укладальнікі 3. I. Кустава, В. А. Салаўёва; мастак Л. У. Пашчасцева. — Мінск: Мастацкая літаратура, 2014. — 190 с. Цвёрдая вокладка.

ІSBN 978-985-02-1341-9.

“Зярнятка” — гэта адкрыццё роднага слова, пачатак знаёмства з роднай мовай і захаванне народных традыцый.

“Зярнятка” — гэта выхаванне павагі да старэйшых і спачування слабейшым, выхаванне любові да свайго краю і беражлівых адносін да навакольнага свету.
Кніга скіравана на развіццё мовы, творчых здольнасцей, эстэтычнае выхаванне дашкольнікаў і малодшых школьнікаў на аснове літаратурнага матэрыялу: твораў класікаў беларускай літаратуры і сучасных айчынных пісьменнікаў, а таксама твораў вуснай народнай творчасці. У ёй выкарыстаны вершы, апавяданні, казкі, загадкі, прыпеўкі, калыханкі, гульні, прымаўкі, прыказкі, хуткагаворкі.

Зборнік разлічаны на сумесную працу выхавальнікаў (бацькоў, бабуль, дзядуляў) і дзяцей. Кніга можа выкарыстоўвацца як самастойная чытанка для дзяцей дашкольнага і малодшага школьнага узросту.

Што пасееш, тое і пажнеш. Прадмова (фрагмент) Паглядзець

“…Для глыбокага развіцця творчых здольнасцей дашкольнікаў неабходна спалучэнне розных форм мастацка-творчай дзейнасці. Гэта дазваляе вырашыць задачу комплекснага падыходу да выхавання. Кніга “Зярнятка” заахвочвае дзіця да літаратурна-мастацкай творчасці — найважнейшага аспекту выхавання, далучае да глыбокага ўспрыняцця слова — аднаго з галоўных сродкаў пазнання навакольнага свету (раздзел “Сонечная сцежка”).

Неабходна стварыць умовы для развіцця вобразнага мыслення і назіральнасці дзіцяці. Тут дапаможа сістэматычнае чытанне даступных для яго ўзросту літаратурных твораў (вершаў, апавяданняў), пазнаёміўшыся з якімі або вывучыўшы іх на памяць, дзіця пашырае свой мікрасвет і спрабуе ўвайсці ў яго, увабраўшы ў сябе досвед літаратурных герояў.

Шырокае выкарыстанне ў выхаваўчым працэсе вуснай народнай творчасці — казак, прыпевак, прыказак, прымавак, загадак, гульняў і іншых — знаёміць дзіця з асновамі нацыянальнай культуры, развівае здольнасці да суб'ектыўнай эстэтычнай ацэнкі твораў падзей, з'яў. Пры гэтым, якая б з'ява не стала прадметам назірання (літаратурная, сямейна-побытавая, фантазійная, гульнёвая), варта выкарыстоўваць пры яе засваенні фальклорную аснову (раздзел “Прыпеўкі”), элементы дзіцячых народных гульняў (раздзел “Беларускія народныя гульні”), тэатралізаваныя элементы (раздзел “Праз вясёлку скача гром”).

У раздзелах “Звер вядомы ён усім” і “На крылах лёгкіх ўзляцець...” прапануюцца творы дзіцячых пісьменнікаў пра звяроў і птушак, якія дапамагаюць развіваць пачуццё суперажывання, міласэрнасці і ўвайсці ў свет культуры беражлівых чалавечых узаемаадносін з прыродай...”