Краіна Вымярэнія

Больш выяваў

Націсніце, каб павялічыць

няма водгукаў

Грушэцкі Алег, Козел Віктар

12.00 BYN 13.90 BYN

Памер: 210x290 мм

Вага: 390 г

Purchase

Абраны варыянт адсутнічае на складзе. Калі ласка, абярыце іншы варыянт.

Літаратура для дзяцей Навучальная літаратура Кнігазбор (выдавецтва)Кнігі дзеткам Навукова-папулярная літаратура Грушэцкі Алег Козел Віктар Кнігазбор для дзяцей і падлеткаў

Апісаньне

Аўтар тэксту Алег Грушэцкі, ілюстратар Віктар Козел / Мінск : Кнігазбор, 2019. – 28 с. Цвёрдая вокладка.

Грушэцкі Алег, Козел Віктар. Краіна Вымярэнія

© Алег Грушэцкі, тэкст, 2019
© Віктар Козел, ілюстрацыі, 2019
© Афармленне. ПУП “Кнігазбор”, 2019

ISBN 978-985-7227-01-3

У займальнай і даступнай форме мастацкага апавядання аўтары распавядаюць пра спосабы і адзінкі вымярэння. Яскравыя ілюстрацыі дапамогуць дзецям лепш засвоіць веды, якія спатрэбяцца ў дарослым жыцці.

ЗМЕСТ
Даўжыня
Шырыня і вышыня
Вага
Літр, вымярэнне аб’ёму
Час
Каляндар

ФРАГМЕНТ з КНІГІ Паглядзець

Даўжыня

Распавяду вам гісторыю, якая здарылася ў даўнія-даўнія часы ў казачнай звярынай краіне Вымярэнія. Жыў там адзін заможны мядзведзь, які меў багата зямлі. Але з цягам часу ўсё цяжэй было весці гаспадарку, і вырашыў ён частку сваіх надзелаў прадаць. А мералі ў тыя часы хто чым — крокамі, локцямі, ступнямі, нават пальцамі. Вось і мядзведзь прызначыў кошт — вось столькі грошай за крок. Адразу і пакупнік знайшоўся — журавель, што жыў непадалёк, на балоце. Надакучыла яму балота, захацелася і яму кавалак зямлі займець. А ці ведаеце вы, якія доўгія крокі ў жураўля могуць быць з яго доўгімі нагамі? Пачаў ён мераць: адзін крок, два крокі, тры, чатыры... Ну і намераў. Паглядзеў на гэта задуменна мядзведзь, але нічога не сказаў. Зрэшты, сам прызначыў гэтакі кошт. Пачухаў толькі патыліцу і прызадумаўся: “Чаму які іншы сусед не захацеў прыйсці зямлю купляць? Напрыклад, вожык. З яго маленькімі ножкамі можна было б куды выгадней зямлю прадаць”.

А вось яшчэ якая гісторыя здарылася ў той краіне. Вожык, сусед таго мядзведзя, быў вядомы на ўсю акругу кравец. І меў ён крамку з тканінамі. Зайшла да яго неяк мясцовая модніца ліса і замовіла самую дарагую і прыгожую тканіну на новую сукенку. І сама сабе адмерала адпаведную даўжыню сваімі локцямі, ды яшчэ адну пядзю ў дадатак — гэта адлегласць паміж расцягнутымі вялікім і ўказальным пальцамі. А локці ў яе былі значна даўжэйшыя за вожыкавы, таму і заплаціла яна значна менш, чым разлічваў кравец-вожык. Гэта яго дужа засмуціла.

Атрымлівалася так: што было на карысць адным, другім прыносіла толькі шкоду. І пачалі тады думаць, як прыйсці да такога спосабу вымярэння, каб ён быў адзіны, дакладны і задавольваў усіх. Думалі-думалі і прыдумалі. Адзіную меру для вымярэння даўжыні і шырыні. І назвалі гэтую адзінку вымярэння “метр”. А каб мераць яшчэ больш дакладна, падзялілі метр на сто роўных частак, якія назвалі сантыметрамі. А для самых дасканалых замераў і сантыметры падзялілі на дзесяць роўных частак, яшчэ меншых. І назвалі гэтакую малую частку міліметрам. З таго часу і пачалі ўсё мераць дакладна і справядліва — у міліметрах, сантыметрах і метрах. Вялікія ж адлегласці сталі вымяраць у кіламетрах. Так, у адным кіламетры ажно 1000 метраў! З таго часу і спрэчкі з вымярэннямі скончыліся... (канец фрагменту)

Відэа

Водгукі

Неабходны Лагін або Рэгістрацыя, каб напісаць водгук.

Раім паглядзець

Матулін дзень

Ясмінска Надзея

Трайняты Янік, Яся і Ягорка ведаюць, што заўтра — матуліна свята. Ім споўнілася пяць, а значыць, яны ўжо дарослыя і могуць самастойна прыдумаць, што падараваць сваёй маме. «Я ўсё маю, і нават зашмат, — сказала яна. — Хіба што мару як след выспацца ды адпачыць... Таму можаце падарыць мне заўтра трохі спакою». Прапанова выдатная, толькі што такое спакой і дзе яго знайсці? Адкрывайце кнігу і выпраўляйцеся на пошукі разам з трайнятамі!

зьніжка

Чараўнік краіны Оз

Баўм Фрэнк

Воляю стыхіі і лёсу Даротку заносіць далёка ад дому ў чароўную Краіну Оз. Але дзяўчынка не губляецца, знаходзіць верных сяброў і выпраўляецца па жоўтай брукаванай дарозе ў дзівосны Горад Смарагдаў да вялікага чараўніка Оза. На гэтым небяспечным шляху сяброў чакае шмат выпрабаванняў і прыгодаў. Але ці зможа магутны чараўнік выканаць ейнае запаветнае жаданне і вярнуць дзяўчынку дадому?

Маё шчаслівае жыццё

Лагеркранц Роўз, Эрыксан Эва

Дзюнэ самая шчаслівая дзяўчынка на свеце. Асабліва калі яна ідзе ў школу. Як цудоўна ўсё пачынаецца! У Дзюнэ з’яўляецца сяброўка! Але здараецца штосьці, чаго Дзюнэ не чакае. А пасля яшчэ і яшчэ…