Жамяра : жаночыя гісторыі / Алена Вешторт. – Мінск : Альфа-кніга, 2023. – 170 с.
ISBN 978-985-7272-60-0.
Пра што думаюць сучасныя жанчыны? Адказ на гэтае пытанне можна знайсці ў зборніку навел «Жамяра»... Такім чынам, дзейныя асобы – насякомыя – заяўлены. Застаецца дазнацца пра выканаўцаў.
Я паклала ногі Фрыдзе Кала на твар. Фрыда маўчала, паглыбленая ў свае думкі. Думкі былі невясёлыя, і відочная засмучанасць непрыгожа-прыгожага твару прымусіла перасунуць ногі ў бок як плечука. На сваіх плячах Фрыда зносіла і не такое. Знакамітая мексіканка была намаляваная сяброўкай-мастачкай на століку для кавы. Я разглядала свой свежы педыкюр і думала: ці не даслаць здымак пальчыкаў з пазногцямі колеру вянознай крыві бойфрэнду? Але тут дзынкнуў «вайбер», і на экране з’явіўся тэкст. Пачатак, які ўхапіў позірк, прымусіў сэрца забіцца часцей. «Дарагая! Ты на мяне крыўдуй! Я доўга думаў пра нашы адносіны. Мабыць, я яшчэ да іх не гатовы. А ты вельмі добры чалавек!». Працяг паведамлення прачытаўся аўтаматычна. Як быццам гэтая навіна прыйшла зусім не мне, а іншаму чалавеку, і я тут проста назіральніца. Як тая Фрыда, што нечакана ўзняла галаву і паглядзела на мяне як на манекен, што месціўся на канапе і глядзеў на экран смартфона. Цяпер Фрыда Кала была жывейшая за мяне. Яна перасмыкнула вуснамі: «Чаго ты чакала? Кахання мужчыны? Вернасці?» Я ўзняла вочы. У Фрыдзіных зрэнках не было галубоў. Ці то мастачка не намалявала іх, ці то яны зніклі з вачэй разам з надзеяй. Фрыда апусціла галаву на далонь сагнутай рукі з бранзалетам-кветкай на запясці. І цяжкія павекі з даўгімі вейкамі як створкі ракавінкі прыкрылі перліну яе душы ад чужых вачэй. Цені ад веек паралелілі бровам, быццам клін птушак спускаўся па пяшчотнай бледна-жоўтай скуры да вуснаў. Мы маўчалі. Я зразумела, што няма патрэбы варушыць языком: нашае сумоўе адбывалася праз думкі...
Ян Баршчэўскі (1794(?)-1851) – адзін з пачынальнікаў новай беларускай літаратуры. Асноўны яго твор – «Шляхціц Завальня, або Беларусь у фантастычных апавяданнях», у якім шырока выкарыстаны беларускія народныя казкі, легенды і паданні.
Кнігу прозы Адама Глобуса склалі апавяданні пра самыя розныя настроі і пачуцці. Чытачы знойдуць шмат лёгкай іроніі і вясёлых эпізодаў на старонках гэтага зборніка. Беларускі Мінск і каталунская Барселона паслужылі аўтару выдатнымі дэкарацыямі для дзевяці гісторый.
ЯН БАРШЧЭЎСКІ (1792(?)―1851) беларускі і польскі пісьменнік, адзін з пачынальнікаў новае беларускае літаратуры. Пісаў на беларускай і польскай мовах; у сваёй літаратурнай творчасці шырока выкарыстоўваў беларускі фальклор. Ягоная галоўная кніга — «Шляхціц Завальня, або Беларусь у фантастычных апавяданнях».
