Блакітная кніга ў творах беларускіх пісьменнікаў
3.31 руб.
Вага: 650 г
Purchase
Няма на складзе
Апісаньне
Для дзяцей сярэд. шк. узросту / уклад. Алена Масла ; маст. Тамара Шэлест. – Мінск : Літаратура і Мастацтва, 2009. – 152 с. : іл. ISBN 978-985-6720-65-2 "Блакітная кніга ў творах беларускіх пісьменнікаў" – своеасаблівы працяг ужо добра вядомых чытачу "Чырвонай кнігі..." і "Лясной кнігі...". Кніга прысвечаная беларускім рэкам, азёрам, шырокавядомым вадаёмам і іх жыхарам. У "Блакітнай кнізе" прадставілі свае творы амаль трыццаць паэтаў і пісьменнікаў, такіх як Пятро Васючэнка, Раіса Баравікова, Віктар Гардзей, Валерый Кастручын, Уладзімір Мазго, Анатоль Зэкаў ды інш. Сярод герояў кнігі – жабяня Квыш-Квыш, лянівая Чарапаха, Выдра-Выдраніца і шмат іншых. Амаль у кожным апавяданні, казцы, вершы праслаўляюцца вадаёмы Радзімы: Нёман, Свіцязь, Свіслач, Блакітныя азёры, а таксама падаецца шмат цікавай і карыснай інфармацыі пра навакольны свет. ЗМЕСТ Віктар Гардзей. Незабудкі азёр Алесь Карлюкевіч. Цёплыя назвы Яе Вялікасці Вады / Скубу не пер'е, ем не мяса Серж Мінскевіч. Як Зюзіч і Скварыч свет дзялілі Раіса Баравікова. Казка пра закаханага Дрывяты і жывую ваду Віктар Шніп. Вада Людміла Рублеўская. Свіслацкія цмокі і Плябанскія млыны Уладзімір Мазго. Чараўніцы краю Наталля Кісялёва. Казкі пра Блакітныя азёры Васіль Шырко. Сомік Серж Мінскевіч. Дваццаць тры дні з жыцця карузлікаў Янка Галубовіч. Вожык і ручаёк Мікола Чарняўскі. Матуля Шо, дачушка Шоша Генадзь Аўласенка. Дашачка і балота Анатоль Бутэвіч. Як Нёман хацеў вуграм дапамагчы Алена Масла. Споведзь мёртвай ракі Мікола Маляўка. Цёплае дыханне Пятро Васючэнка. Копанка Уладзімір Ліпскі. Рыбак – не бядак / Прыгоды конікаў Алесь Бадак. Спартсменкі Вадамеркі Кацярына Хадасевіч-Лісавая. Вілія Алесь Карлюкевіч. У блакітным полі Алена Масла. Крыўда старога Вадзяніка Генадзь Аўласенка. Сом-агароднік Анатоль Зэкаў. Смелая Плотачка Франц Сіўко. Бобрык Плясік і Цімоша Аксана Спрынчан. Выдра-Выдра-Выдраніца Валерый Кастручын. Казка пра сама Сёму Наталля Бучынская. Наяда марская, або Услед за песняй Віктар Гардзей. Свіцязь Алена Бабурэвіч. Бусел-скнара, або Як з'явіліся гарлачыкі Алесь Карлюкевіч. Зорны шлях белых гарлачыкаў Алесь Бадак. Дамавік і Жаба Анатоль Зэкаў. Лянівая Чарапаха Алесь Бадак. Пра Бабра і Вужа Раіса Баравікова. Казка пра жабяня Квыш-Квыш і яго бясстрашнае падарожжа Алесь Карлюкевіч. Пісьмо сям'і панадцітавак / Падарожжа без межаў
- НЕЗАБУДКİ АЗЁР Ля ціхай затокі, на плёсе Ёсць шчасце згадаць аб любві. Сваіх я не высушу вёсел – Плыві, мая лодка, плыві! Крычаць патрывожана гусі У мройны азёрны разліў. А карта маёй Беларусі – Як луг, што блакітна зацвіў. Ля Браслава звоняць крыніцы, Азёры Наддзвіння бруяць. İ вербы схіляюцца ніца, İ вёслы, і вёслы блішчаць. Якая ж нязнаная сіла İ вабіць сюды, і заве, Дзе Нарач нябёсы ўтапіла, Дзе Свіцязь плюскоча ў траве. Запеў пастушковае дудкі Ля плёсаў яшчэ не замёр. İ росна цвітуць незабудкі Маіх беларускіх азёр. Віктар Гардзей
Водгукі
Неабходны Лагін або Рэгістрацыя, каб напісаць водгук.
Раім паглядзець
Гэтую кнігу празаіка складаюць стракатыя — па форме і змесце — апавяданні, у якіх аўтар кідае рэтраспектыўны позірк у мінулае і спрабуе зазірнуць у будучыню.
У гэтай кнізе Іны Снарскай жывуць яе родныя, суседзі, сябры з вёсак яе маленства на Полаччыне. Кожны аповед напісаны сэрцам, з вялікай любоўю да сваіх герояў. Завяршае кнігу аповесць, прысвечаная памяці маці, яе няпростаму лёсу і каханню.
У сусвеце, дзе некалькі краін аб’ядналіся ў звышдзяржаву, пануе ідэалогія адзінай культуры. Адмысловая арганізацыя «С.О.Н.» займаецца знішчэннем помнікаў самабытных культур, каб змяніць гісторыю. Аднак тыя, хто сутыкаецца са згубленай
мовай сваёй краіны, пераходзяць на яе і становяцца носьбітамі звышздольнасцяў. Нібы мова здольная змяніць генетычны код. У Мінску такія людзі стварылі падпольнае аб’яднанне «Лабірынт», каб ратаваць спадчыну беларусаў ад сістэмы з дапамогай уласных здольнасцяў. Але ці праўда выклікае забытая мова мутацыі, а не нешта яшчэ? Ці не блукае ў Лабірынце шпіён? І што рабіць, калі блізіцца ноч і «С.О.Н.» ахоплівае розум?
