Побыт феадалаў Вялікага Княства Літоўскага ў XV — сярэдзіне XVII стагоддзя
7.74 руб.
Памер: 205x240 мм
Вага: 1030 г
Purchase
Няма на складзе
Апісаньне
Мінск: Беларусь, 2011. — 271 с.: іл. Цвёрдая вокладка.ISBN 978-985-01-0932-3
Кніга прысвечаная побыту паноўнага саслоўя Вялікага Княства Літоўскага ў XV — сярэдзіне XVII стагоддзя. Разглядаюцца важнейшыя аспекты матэрыяльнай культуры феадалаў — жыллё, харчаванне, адзенне, вялікая ўвага надаецца баўленню вольнага часу — паляванню, рыцарскім турнірам, гульням і забавам.
Напэўна, ні адна з праблем гістарычнай навукі не з’яўляецца такой блізкай і зразумелай чалавеку, як праблема паўсядзённасці. Жыллё, харчаванне, вопратка, суадносіны працы і адпачынку, баўленне вольнага часу — усё гэта пытанні, якія практычна не падуладныя стагоддзям, якія заўсёды хвалявалі і, несумненна, будуць хваляваць людзей, незалежна ад узросту, выхавання альбо цывілізацыйнай праналежнасці. Займаючыся вывучэннем шэрагу праблем, больш традыцыйных для айчыннай гістарыяграфіі, аўтары гэтай сцілай з аб’ёму і зместу кніжкі сутыкаліся са звесткамі, якія не тычыліся такіх “фундаментальных” аспектаў жыцця беларускага сярэдневечнага грамадства, як вытворчыя адносіны, класавая і сацыяльная барацьба, войны і г. д. Такім чынам, матэрыял, пададзены на старонках гэтага выдання, можна разглядаць у пэўнай ступені як “вытворчае смецце” іншых тэм. Аднак у рэальным жыцці пытанні, звязаныя з побытам, з’яўляюцца зусім не другараднымі, больш за тое, менавіта імкненне да павелічэння свайго дабрабыту і штурхае людзей на нечуваныя працоўныя здзяйсненні, прымушае іх будаваць вялікія гарады і грандыёзныя вытворчыя аб’екты, праяўляць цуды вайсковай доблесці… (З “Уводзінаў”).
ЗМЕСТ
Уводзіны. Гістарыяграфія і крыніцы
Жыллё як прастора паўсядзённасці
Замкі і гарадскія ўмацаванні
Неўмацаванае жыллё
Інтэр’еры парадных і жылых памяшканняў
Традыцыі харчавання і прыёму ежы
Вопратка
Баўленне вольнага часу. Паляванне і ловы
Турнірныя практыкаванні
Гульні і забавы
Заканчэнне
Спасылкі. Скарачэнні
Водгукі
Неабходны Лагін або Рэгістрацыя, каб напісаць водгук.
Раім паглядзець
Аўтары нумару: Алена Андросік, Thomas M. Bohn, Андрэй Вардамацкі, Васіль Варонін, Дзмітрый Віцько, Аляксей Махнач, Аляксандр Пагарэлы, Сергей Полехов, Ірына Раманава, Генадзь Сагановіч, Альбіна Семянчук.
Гэта кніга пра тое, як другія саветы асталёўваліся ў Заходняй Беларусі, пачынаючы з 1944 г. Насуперак афіцыйнай догме, саветызацыя тут суправаджалася масавым незадавальненнем насельніцтва і, як вынік, масавымі рэпрэсіямі супраць яго. Аўтар паказвае, што п’янства, недавер да мясцовых кадраў, распуста, тэрор былі неад’ёмным спадарожнікам сталінскага апарату ўлады. Кніга таксама прэзентуе нарыс пасляваенных рухаў супраціву ў Беларусі — уласна беларускага, польскага, украінскага і літоўскага.
Гэта аповесць аб малым мястэчку і яго пушчанскіх ваколіцах. А таксама аб людзях, тых, каму выпала тут жыць, служыць і працаваць. Людзях са старых фотаздымкаў, апранутых у новую афіцэрскую форму, гарнітуры і плашчы — нямодную ўжо адзежу. Аб свеце, які адышоў беззваротна.
