Ян Ялмужна

3.20 BYN

Памер: 115x180 мм

Вага: 140 г

Purchase

Няма на складзе

Проза Гісторыя Кнігазбор (выдавецтва)Фантастыка і фэнтэзі Лонг-ліст Прэміі Гедройца’2015 Шорт-ліст Прэміі Гедройца’2015 Брыль Антон Францішак

Апісаньне

Казка / Мастак Марына Жвірбля. — Мінск: Кнігазбор, 2014. — 108 с. Наклад кнігі цалкам прададзены.

ISBN 978-985-7119-01-1.

Праглядзець фрагменты кнігі на Google Books:
Пан Ольбрахт Гаштаўт — гаспадар Геранёнскага замка, магутны ваяр, важны ўраднік і найвялікшы ў краі аматар паданняў аб няўпомных часах. Пакоі Гаштаўта размаляваныя дзіўнымі фрэскамі, вакол яго двароў стаяць старажытныя лясы, а ў лясах і на ўзлесках чыняцца небывалыя справы.

Але пана Ольбрахта ніякія цуды, здаецца, не здзіўляюць — ён і сам не просты, і знаёмцы ў яго незвычайныя. І нават пра яго кухмістра Яна Ялмужну можна расказаць цэлую казку.

ЗМЕСТ Паглядзець

Пра аўтара Паглядзець

Антон Францішак Брыль — паэт, перакладчык. Нарадзіўся 18 жніўня 1982 года ў Мінску. У 2004 годзе скончыў факультэт прыкладной матэматыкі і інфарматыкі БДУ па спецыяльнасці “матэматык-праграміст”. Вясной 2008 года атрымаў ступень PhD у Трэнцкім універсітэце ў Італіі па спецыяльнасці “machine learning”. Жыве ў Дубліне, працуе на факультэце інфарматыкі Дублінскага гарадскога ўніверсітэту.

Фіналіст конкурсу маладых літаратараў імя Уладзіміра Караткевіча ў 2005 годзе. Першым на беларускую мову пераклаў гімн Кэдмана — найранейшы помнік стараангельскай паэзіі.

За дэбютны зборнік “Не ўпаў жолуд”, які змяшчае вершы і малыя паэмы, напісаныя ў 2003—2011 гады, атрымаў прэмію “Дэбют” у намінацыі “Паэзія”.

Лаўрэат прэміі часопіса “ПрайдзіСвет” (2011) за пераклады з польскай і лаціны (Ф. Д. Князьнін, А. Э. Адынец, Ю. У. Нямцэвіч, Г. В. Катул).

Пераклаў на беларускую мову паэму “Бэўвульф”, а таксама паасобныя творы Джона Толкіна, Уільяма Батлера Ейтса, Гая Валерыя Катула, Джузэпэ Джаакіна Бэлі і інш.
Пераклад стараангельскай паэмы “Бэўвульф” (апублікаваны асобным выданнем у 2013 годзе) газета “Звязда” назвала “галоўнай беларускай кнігай 2013 года”.

Фрагмент з кнігі Паглядзець

     “…— Паклон госцю! — весела абвясціў Ян, толькі на міг адарваўшы погляд ад гускі. Цешачыся з маладога свайго спрыту, кухмістр нярэдка абыходзіўся без памагатых. Вось і гэтым разам, відаць, з апошнімі прыгатаваннямі збіраўся ўправіцца сам і часу не траціў.
     Пробашч адказаў на вітанне і паскардзіўся на старыя ногі, а тады на саслабелыя вочы, а тады згадаў, як анёл вярнуў зрок сляпому Тавіту, і надоўга заблукаў, як звычайна, у пісаннях прарокаў ды ў жыццях святых. Яну заставалася толькі слухаць, пабожна пагаджацца з усякаю мараллю, якую пробашч выводзіў са свайго прадмета, і не забывацца між тым падбаць пра перац, ды пра імбір, ды пра мушкатовы квет. Вось гуска ўжо выправілася ў печ, Ян мудрагеліў штосьці то з цыбуляю, то з моркваю, то з вяндлінаю, а пробашч праз Аўраама прыйшоў да Мельхісэдэка ды завёў з гэтай нагоды казань аб святарскім стане, і канца гэтай казані не чакалася.
     — І зваж яшчэ, што святарскую годнасць раўнуюць не меней чым да княскай, — працягваў айцец Мацей па немалым часе, — і не толькі біскупа напішуць паўсюль князем біскупам, але і ўсякага пробашча — князем пробашчам. Бо і пробашч на імшы — падабенства Хрыста.
     — Анягож, — падаў голас Ян, які да гэтага маўчаў ад самага Мельхісэдэка. — А кухар, калі разважыць, хіба ж не бывае там-сям падабенствам Хрыста? Вось Хрыстус абярнуў ваду ў віно — а я акурат вывучыўся абарачаць кепскае віно ў прыстойнае. Ён накарміў тысячы, маючы пасілку на тузін, — а калі прыпасаў у кухні застаецца на пяцярых, то благі той кухар, што не накорміць гэтым пятнаццаць. І далей, хто ацаляе хворых часцей за кухара? Дакладна ўжо не пробашч.
     Айцец Мацей, які не чакаў на свае словы ніякага адказу, здзіўлена залупаў вачыма…”

(“Размова ў кухні”)

Водгукі

Неабходны Лагін або Рэгістрацыя, каб напісаць водгук.

Раім паглядзець

Попаль-Вух : Кніга Супольнасці Роду

«Попаль-Вух» – найважнейшая кніга, напісаная старажытнымі майя, якія перажылі іспанскае заваяванне. Адзін з найбольш значных літаратурных твораў у свеце, у якім вядзецца пра стварэнне свету, дзе багоў і герояў у пачатку часоў перад першым світаннем і гісторыю саміх горных народаў майя. У дадатак да таго, што гэта каштоўны рэсурс для навукоўцаў, гэта яшчэ і ўзвышаны літаратурны твор, які можна параўнаць з іншымі вялікімі эпасамі старажытнага свету – такімі як грэцкія «Іліяда» і «Адысея», а таксама індыйскія «Рамаяна» і «Махабхарата».

Чаму ўсё так?

Карытка Таццяна

Чатыры маладыя жанчыны прыходзяць на рэаліці-шоу “Мужчына выбірае”, каб знайсці каханне і праславіцца. Але знікненне адной з удзельніц, ананімныя запіскі з перасцярогамі і дзівацкія конкурсы красамоўна падказваюць, што рэжысёр праекта ставіць свой, небяспечны эксперымент, мэта якога зусім не каханне.

Збор твораў у двух тамах

Бабарэка Адам

Цяпер усё апублікаванае А. Бабарэкам пры жыцьці выглядае толькі надводнай часткай айсбэргу, бо большая частка таго, што стваралася пісьменьнікам, у друк ня трапіла. Шмат што засталося ў чарнавіках, накідах, плянах–схемах. Такім чынам, сёньня зьявілася магчымасьць адэкватнай ацэнкі творчасьці і асобы Адама Бабарэкі, а таксама літаратурнага працэсу 1920—30–х гг. увогуле.