Будучыня гісторыі

няма водгукаў

3.60 BYN

Памер: 145x200 мм

Вага: 400 г

Purchase

Няма на складзе

Гісторыя Пераклады Навуковая літаратура Медысонт Бібліятэка часопіса "Беларускі Гістарычны Агляд"

Апісаньне

Зборнік артыкулаў па сучаснай гістарыяграфіі / Склад. Г. Сагановіч; Пер. з англ. Л. Баршчэўскі, І. Ганецкая, М. Раманоўскі; Навук. рэд. Г. Сагановіч. — Мінск: Медысонт, 2008. — 274 с. — (Бібліятэка часопіса “Беларускі Гістарычны Агляд”).

ISBN 978-985-6887-20-1

Зборнік уключае артыкулы заходніх вучоных па тэорыі, метадалогіі і філасофіі гісторыі, якія ўпершыню публікаваліся ў перакладзе на беларускую мову на старонках БГА. Напісаныя ў розныя часы прадстаўнікамі розных плыняў і школ, яны адлюстроўваюць важны досвед развіцця сусветнай гістарыяграфіі ў апошнія дзесяцігоддзі ХХ ст.

Сямнаццаты том кніжнай серыі Бібліятэка часопіса "Беларускі Гістрычны Агляд"

ЗМЕСТ Паглядзець цалкам

Ад складальніка Паглядзець цалкам

У зборнік уключаныя артыкулы вядомых заходніх вучоных па тэорыі, метадалогіі і філасофіі гісторыі, якія — хоць пісаліся яшчэ ў канцы ХХ ст. — сталі пэўным узорам асноўных кірункаў сучаснай гістарычнай навукі. Яны прысвечаныя істотным пераменам ў гістарыяграфіі, звязаным пераважна з прызнаннем фундаментальнай ролі тэксту і адраджэнню наратыву, пра які піша Лорэнс Стоўн, — пераходу ад колькаснага, статыстычнага і структурнага да наратыву і, значыць, да чалавека. З багатым досведам развіцця сусветнай гістарыяграфіі ў апошнія дзесяцігоддзі, калі яна, адыходзячы ад традыцыйных мадэляў гісторыяпісання ў кірунку “ачалавечвання”, перажыла захапленне гістарычнай антрапалогіяй, мікрагісторыяй, вуснай гісторыяй, прыняла і вытрымала выклік постмадэрнізму і г. д., цяпер зможа пазнаёміцца і шырокае кола беларускіх гісторыкаў.

Хоць цяперашні стан гістарычнай навукі многімі даўно вызначаецца як “крызіс”, аўтары публікаваных артыкулаў не падзяляюць такой пазіцыі. Бясспрэчна, аднак, што гістарыяграфія стала іншай, больш сціплай і самарэфлексіўнай. Не адмаўляючы самой магчымасці спазнання рэальнасці мінулага, сённяшняя гуманістыка прызнае, што ў гэтым спазнанні немагчыма дасягаць такіх самых ведаў, як пры вывучэнні фізічнага свету. Гаворачы словамі Фрэнка Анкерсміта, наша стаўленне да гісторыі павінна быць больш метафарычным, а не па-ранейшаму літаральным.

Сабраныя артыкулы, ужо публікаваныя раней на старонках БГА і дапрацаваныя для кніжнага выдання, напісаныя ў розныя часы прадстаўнікамі розных плыняў і школ, яднае не толькі навізна даследчыцкага падыходу і дэманстраванне іншага, нетрадыцыйнага погляду на мінулае. Агульным пафасам для зборніка можна лічыць клопат пра рамяство гісторыка, пра яго будучыню, ды няхай стрыманы, але аптымізм, якім асабліва натхняюць Джойс Эплбай і Лорэнс Стоўн: “Чуткі пра смерць гісторыі моцна перабольшаныя”!

Генадзь Сагановіч

Водгукі

Неабходны Лагін або Рэгістрацыя, каб напісаць водгук.

Раім паглядзець

Беларускі Гістарычны Агляд. Том 14

Аўтары нумару: Мікалай Антропаў, Конрад Бабятынскі (Konrad Bobiatyński), Алена Боганева, Таццяна Валодзіна, Юры Грыбоўскі (Jury Hryboŭski), Марцэлі Косман (Marceli Kosman), Дарус Куоліс (Darius Kuolys), Сяргей Саўчанка (Сергій Савченко), Генадзь Сагановіч, Ірына Сынкова, Юры Туронак (Jury Turonak), Кастусь Шыдлоўскі, Наталля Юсава (Наталія Юсова).

Беларускі Гістарычны Агляд. Том 26

Аўтары нумару: Ігар Скачыляс (Ігор Скочиляс), Дзмітрый Віцько, Яўген Анішчанка, Наталля Анофранка, Мічыхіра Ясуі (Michihiro Yasui), Тамаш Камусэла (Tomasz Kamusella), Святлана Куль-Сяльверстава, Алесь Смалянчук, Генадзь Сагановіч, Андрэй Чарнякевіч, Зміцер Дрозд, Аляксей Братачкін, Ніна Здановіч, Уладзімір Падалінскі, Сяргей Грунтоў, Аляксандр Цымбал, Андрэй Унучак, Віктар Адзіночанка.

У светлую будучыню! Беларускае грамадства эпохі «адлігі» (1953—1968)

Гужалоўскі Аляксандр

У кнізе разглядаецца важны перыяд беларускай савецкай гісторыі, вядомы пад назвай «адліга». Крытыка культу асобы і рэабілітацыя ахвяр палітычных рэпрэсій, асваенне космасу і мірнай атамнай энергіі, эканамічныя рэформы і паляпшэнне матэрыяльнага жыцця людзей, нарэшце, спроба фарсіраванай пабудовы камунізму незваротна змянілі беларускае грамадства. Сабраныя пад адной вокладкай разнастайныя сюжэты ствараюць стэрэаскапічную карціну жыцця тагачаснага беларускага соцыуму, раскрываюць унутраную логіку яго развіцця.