Ягамосьць. Вершы-прысьвячэньні Анатолю Сысу
Апісаньне
"Ягамосьць" – так марыў назваць сваю кнігу вершаў Анатоль Сыс... У гэтай анталогіі паэтычных прысьвячэньняў увасоблена задуманае Анатолем Сысам, а зьдзейсьненае ягонымі сябрамі і паплечнікамі... Уклад. Сяржук Сыс. – Мінск : Медысонт, 2009. – 80 с. – (Бібліятэчка часопісу "Дзеяслоў" ; вып. 11). ISBN 978-985-6887-46-1 "Ягамосьць" – так марыў назваць сваю кнігу вершаў Анатоль Сыс... У гэтай анталогіі паэтычных прысьвячэньняў увасоблена задуманае Анатолем Сысам, а зьдзейсьненае ягонымі сябрамі і паплечнікамі... ЗЬМЕСТ Славамір Адамовіч "Ты быў – і вось гэта галоўнае" Валянціна Аксак У альбом вядомаму паэту Эдуард Акулін Зайздрасьць Сыс Лён Вошы Алесь Аркуш На вечары паэзіі Рыгор Барадулін Цесна Данута Бічэль Плач Вадзім Болбас Паэту Лявон Валасюк "Словы – навіна..." Зьміцер Вішнёў "Сьмех з горла крывёй пайшоў..." Анатоль Вярцінскі Апостальскі поступ Леанід Галубовіч "У Доме літаратара ёсьць бар..." Беларускае пахмельле Усевалад Гарачка Песьня пра бацьку Адам Глобус "Вядро віна цябе заўжды чакае..." Генадзь Говар Памяці Анатоля Сыса Леанід Дранько-Майсюк "Паслухай, браце Анатоль..." Васіль Дэбіш Паэт Васіль Жуковіч У вянок Зьніч Гарэзія Павал Зьмітрук "İ чорныя, і шэрыя дажджы..." Алег Кацапаў "Стой пане, спыніся..." Валерыя Кустава На жыцьцё паэта Генадзь Лапацін "Не ходите за мной не ходите..." "Сестра не приглашай чужих..." Лідзіана 3 Госпадам Уладзімер Лобач Паляўнічы Міра Лукша "Бачыш, чырванее кроў..." "застукаў у дзьверы госьць з маёй Айчыны..." "у нас з табою ўсё незакончана размова..." Яўгенія Манцэвіч "На сэрцы і целе – раны..." Алег Мінкін Трыялет Уладзімір Някляеў Пакацігарошак Лён Алесь Пашкевіч Вечнае Сяргей Патаранскі "Не плачце па мне, сябры..." Ларыса Pаманава Побач Словы "Мая душа каля тваёй цьвіце..." Паэзія "...апошні ліст у лістападзе..." Сьвятлана Раманава Наказ Людміла Рублеўская За чырвонай шторай Людка Сільнова "Чакала ад яго спагады і збавеньня..." Коньнік Партрэт "Мастацтва, ты – адзіная мана..." Сяржук Сыс "Дагадзіў жа ты мне, Анатоль, дагадзіў..." "Дух – гэта, людзі, я!" Юрий Фатнев "Выбрал Сыс последнюю дорожку..." Ніна Шклярава На кругі свая Віктар Шніп Паляваньне на ведзьмаў Балада Анатоля Сыса Каля магілы Анатоля Сыса Міхась Шэлехаў Акуляры сьлёз Анатоль Шушко Слова ў далонях паэта Віктар Ярац Бярозавы бераг Прадмова ўкладальніка: Кніга паэтычных прысьвячэньняў "Ягамосьць" – сьціплы ўнёсак у скарбонку памяці выдатнага паэта сучаснасьці Анатоля Сыса да ягонага юбілею: 25 кастрычніка 2009 году паэту споўнілася б 50 год. Паэтычныя радкі Анатолю Сысу прысьвячалі многія аўтары: мэтры і пачаткоўцы, паэты, што ведалі Анатоля асабіста і тыя, хто ня быў з ім знаёмы... Так, толькі малая частка сабраных у гэтым зборніку прысьвячэньняў была створаная аўтарамі пры жыцьці паэта. Большасьць жа са зьмешчанага ў "Ягамосьці", Анатоль змог пачуць хіба з нябёсаў: паэтычныя прысьвячэньні гучалі і гучаць на падворку Анатолевай хаты ў Гарошкаве, дзе па традыцыі кожную восень праходзіць сьвята паэзіі ў ягоны гонар "Дух – гэта, людзі, Я!" Зборнік вершаў-прысьвячэньняў – адна з цаглінак у падмурак падументу памяці паэта: на чарзе – кнігі ўспамінаў, літаратурна-крытычных артыкулаў, эпісталярная спадчына. Штогод літаратуразнаўцы "адкрываюць" невядомыя творы А. Сыса, якія дадаюць новыя штрыхі да вобразу паэта. Паэтычныя прысьвячэньні, бясспрэчна, таксама ў пэўнай ступені набліжаюць нас ня толькі да разуменьня творчасьці Сыса і ягонай Асобы, але і ствараюць цэльную прастору паэтавага атачэньня, характарызуюць час, калі паэт ствараў свае лепшыя вершы. У гэтай своеасаблівай анталогіі паэтычных прысьвячэньняў увасобленая нязьдзейсьненая задума Анатоля Сыса – назваць адну са сваіх паэтычных кніг – "Ягамосьць". Укладальнік таксама ўзяў на сябе адказнасьць прывесьці некаторыя вершы, зьмешчаныя ў кнізе, ў адпаведнасьць з тым правапісам, якім карыстаецца часопіс "Дзеяслоў" і на якім ствараў свае творы Анатоль Сыс... Сяржук Сыс Падрабязьней пра кнігу "Ягамосьць" тут. Падрабязьней пра Анатоля Сыса тут.
Водгукі
Неабходны Лагін або Рэгістрацыя, каб напісаць водгук.
Раім паглядзець
Ду Фу (712-770) – выбітны кітайскі паэт часоў Танскай дынастыі, якога, побач з Лі Баем (Лі Бо), часта называюць адным з найвялікшых кітайскіх паэтаў усіх часоў. Ягоная творчасць, будучы напачатку малавядомым іншым сучасным яму аўтарам, урэшце зрабіла вельмі вялікі ўплыў на кітайскую і японскую літаратуры. Праз шматлікія стагоддзі да нас дайшлі больш за паўтары тысячы яго вершаў.
“Песні пра багоў” — першая частка “Паэтычнай Эды”, аднаго з найбольш вядомых шэдэўраў старажытнай скандынаўскай літаратуры. У кнігу ўвайшлі як вядомыя паэмы з “Каралеўскага кодэкса”, так і творы з іншых крыніцаў, да якіх рэдка звяртаюцца перакладчыкі. Гэта – першы поўны пераклад эдычных песень пра асаў і ванаў, альваў і двэргаў, ётунаў і валькір’яў на беларускую мову. У дадатак да тэкстаў кніга ўтрымлівае змястоўныя каментары да кожнай паэмы, дзе апроч тлумачэнняў падаюцца і цікавыя факты па гісторыі твораў і асаблівасцях іх перакладу.
П'ера дэ Рансара (1524-1585) яшчэ пры жыцці ў роднай яму Францыі называлі «каралём паэтаў». Ён быў сапраўдным лідарам «Плеяды» – літаратурнай групоўкі, якая бачыла сваёй мэтай паказаць датуль не раскрытыя магчымасці французскай літаратурнай мовы і, у прыватнасці, французскага паэтычнага слова. Важную ролю ў беларускім перастварэнні паэзіі Рансара адыграла наша выдатная паэтка і перакладчыца Ніна Мацяш (1943–2008). Частка твораў у гэтым зборніку публікуецца ў новых перакладах Лявона Баршчэўскага і Зміцера Коласа.
