Іншага канца сьвету ня будзе

няма водгукаў

Мілаш Чэслаў

7.50 руб.

Памер: 145x220 мм

Вага: 615 г

Purchase

Няма на складзе

Выдавец Логвінаў Ігар Пераклады Паэзія Ляўрэаты літаратурных прэміяў Мілаш Чэслаў Пераклады Андрэя Хадановіча

Апісаньне

Выбраныя творы / Пераклады: Лявон Баршчэўскі, Яўген Буры, Юрась Бушлякоў, Алег Мінскін, Алесь Разанаў, Мікола Раманоўскі, Андрэй Хадановіч, Алесь Чобат, Ян Чыквін; Укладальнік і рэдактар: Андрэй Хадановіч. — Wrocław, Kolegium Europy Wschodniej; Менск: Логвінаў, 2011. — 352 с. Цьвёрдая вокладка.

Выданьне другое, папраўленае.

Білінгва, на беларускай і польскай мовах.

ISBN 978-83-61617-25-9 (Kolegium Europy Wschodniej)
ISBN 978-985-6991-44-1 (Логвінаў)

Паглядзець апісаньне цалкам

Том выбраных вершаў ляўрэата Нобэлеўскай прэміі Чэслава Мілаша "Іншага канца сьвету ня будзе" — першая паэтычная кніга паэта, выдадзеная на беларускай мове. Прычым выйшла яна ў Вроцлаве. Дзіўна. Хаця б таму, што нарадзіўся нобэлеўскі лаўрэат у Шатэйнях на беларускай Віленшчыне, скончыў віленскую гімназію імя Зыгмунда Аўгуста, а потым юрыдычны факультэт унівэрсытэту імя Стэфана Баторыя.

Праўда, надалей, з 1937 году, Мілаш зьвязвае сваё жыцьцё з Варшавай. Па заканчэньні вайны, служыць аташэ польскай амбасады ў Нью-Ёрку ды Парыжы. Пасьля прыходу да ўлады камуністаў і з прычыны непрыняцьця іх ідэалёгіі, атрымоўвае палітычны прытулак у Францыі. Праз 9 гадоў перасяляецца ў ЗША, дзе працуе прафэсарам аддзяленьня славянскіх моваў Каліфарнійскага ўнівэрсытэту ў Бэрклі. Памёр Чэслаў Мілаш ва ўзросьце 93 гадоў у Кракаве, дзе і пахаваны.

Мілаш лічыцца адным з найвялікшых польскіх паэтаў, а на меркаваньне савецкага паэта-эмігранта Іосіфа Бродзкага, "гэта, мабыць, самы вялікі паэт нашага часу". Аднак прызнаньне Мілашу прынесьлі найперш празаічныя творы ды пераклады. І не толькі прызнаньне, але і ўзнагароды. У 1953 годзе за раман "Захоп улады" Мілаш атрымоўвае Эўрапейскую літаратурную прэмію. Далей — літаратурную прэмію Марыяна Кістэра (1967), прэмію фонду Южыкоўскага за творчыя дасягненьні (1968), прэміі польскага ПЭН-клюбу ў Варшаве за паэтычны пераклад, Нойштадзкую міжнародную літаратурную прэмію (1978), Гугенгеймскія стыпэндыі (1974), ганаровую ступень доктара Мічыганскага ўнівэрсытэту, і ўрэшце — Ордэн Белага Арла.

Галоўная міжнародная ўзнагарода — Нобэлеўская прэмія ў галіне літаратуры — была прысуджаная Мілашу ў 1980 годзе як пісьменьніку, "які з бясстрашнай празорлівасьцю паказаў неабароненасьць чалавека ў сьвеце, што раздзіраецца канфліктамі". Паводле ж прамовы чальца Швэдзкай акадэміі Лары Юленстэна, "сьвет, адлюстраваны Мілашам, — гэта сьвет, у якім жыве чалавек пасьля выгнаньня з раю". Таму хай вас не здзіўляе і змрачнаватая назва кнігі — "Іншага канца сьвету ня будзе".

Кніга цікавая яшчэ і з гледзішча ацэнкі працы перакладчыкаў, бо паралельна з беларускай вэрсіяй твораў прысутнічаюць арыгіналы. А ў якасьці пастскрыптуму — "POST SCRIPTUM" Чэслава Мілаша, які, дарэчы, напісаны на Віленшчыне:

Біяграфія — тое самае, што выдумка альбо вялікі сон.
На ўскрайку неба паміж бярозаў стос аблокаў адно на адным.
Жоўтыя, іржавыя вінаграднікі падвячоркам.
Быў нядоўга слугой і вандроўнікам.
Адпусьцілі мяне, і вяртаюся незнаёмай дарогай.

ЗЬМЕСТ Паглядзець зьмест цалкам