З Богам да Беларусі

няма водгукаў

Станкевіч Адам

12.60 руб.

Памер: 170x240 мм

Вага: 1600 г

Purchase

Няма на складзе

Інстытут Беларусістыкі Гісторыя Мэмуары Публіцыстыка Эсэістыка Рэлігійная літаратура Рэлігія Станкевіч Адам

Апісаньне

Збор твораў / Укл., навуковая рэдактура, камэнт., прадм. Алесь Пашкевіч, Андрэй Вашкевіч. – Вільня: Інстытут беларусістыкі, 2008. – 1098 с. Цьвёрдая вокладка.

ISBN 978-83-60456-11-8

У гэтым выданьні ўпершыню сабраныя пад адной вокладкай навуковыя і навукова-папулярныя працы аднаго з найбольш выдатных дзеячоў беларускага нацыянальнага руху 1-ай паловы ХХ ст. ксяндза Адама Станкевіча (1891 – 1949), якія выходзілі пры ягоным жыцьці асобнымі выданьнямі.
Паглядзець апісаньне цалкам

На старонках кнігі Адам Станкевіч выступае ня толькі як дасьледчык і папулярызатар мінулага сваёй зямлі, але і як ідэоляг нацыянальнага адраджэньня, як рыма-каталіцкі сьвятар – перакананы прыхільнік рэлігійнага экумэнізму, як пэдагог-асьветнік і як палітычны дзеяч.

Асноўны зьмест большасьці працаў – гісторыя ўзьнікненьня і разьвіцьця ідэі беларускага нацыянальнага вызваленьня, якая разглядаецца ў шчыльнай узаемасувязі з пранікненьнем і пашырэньнем у Беларусі хрысьціянскай веры. Некалькі зьмешчаных на старонках выданьня тэкстаў маюць перадусім рэлігійны характар. Акрамя таго, у дадзены збор твораў уключаныя прамовы ксяндза А. Станкевіча, сказаныя ім падчас выкананьня абавязкаў дэпутата польскага Сойму ў 1920-х гг., праекты па рэформе Каталіцкага касьцёла ў Беларусі, падаваныя Станкевічам савецкім уладам у 2-ой палове 1940 гг., а таксама каляндарныя дзёньнікавыя запісы, якія рабіліся ксяндзом на працягу 1937 – 1948 гг. і цудам ацалелі пасьля ягонага арышту.

У якасьці дадатку да тэкстаў, якія належаць пяру самога Адама Станкевіча, далучаныя матэрыялы юбілейнай кнігі, выдадзенай намаганьнямі ягоных сяброў і аднадумцаў у 1940 г. у Вільні. Выданьне забясьпечана прадмовай і навуковымі камэнтарамі, падрыхтаванымі гісторыкамі Андрэем Вашкевічам і Алесем Пашкевічам.

***

"Ксёндз Адам Станкевіч – яскравы прыклад ідэйнага беларускага адраджэнца першай паловы XX ст. Беларускі нацыянальны палетак у пачатку гэтага стагодзьдзя выглядаў амаль нявораным дзірваном сярод заўважна ўжо зарунелых суседзкіх дзялянак, таму асобныя прадстаўнікі мясцовай інтэлігенцыі, усьвядомленыя і натхнёныя славутай прадмовай Францішка Багушэвіча да зборніка "Дудка беларуская", з імпэтам браліся за нацыянальную працу, адчайна імкнучыся адрабіць занядбанае раней. Ім належала правесьці тытанічную працу па ператварэньні традыцыйнага, патрыярхальнага сялянскага грамадзтва у сучасную нацыю, і ўсё гэта – у вострай канкурэнцыі зь іншымі, больш моцнымі і пасьпяховымі нацыянальнымі праектамі. Працы было шмат, а працаўнікоў – мала. Дзеля таго любы беларускі нацыянальны дзеяч таго часу ня мог дазволіць сабе раскошы цалкам засяродзіцца на якім-небудзь адным накірунку дзейнасьці, а мусіў выяўляць свае ўласныя таленты ў самых розных галінах. Адам Станкевіч ня быў выключэньнем".

(Андрэй Вашкевіч, Аляксандар Пашкевіч "Званар Незалежнасьці")

***

Яанна Бэрнатовіч. Творчая спадчына чалавека-інстытуту (рэцэнзія на кнігу на сайце ARCHE)

Пра аўтара ў Вікіпэдыі

ЗЬМЕСТ Паглядзець апісаньне цалкам