Травень—Чэрвень. Літаратурны часопіс. — Мінск, 2020. — 282 с.
ISSN 2076-1309
Аўтары нумару Эліза Ажэшка, Валянціна Аксак, Валянцін Акудовіч, Людміла Андзілеўка, Уладзімер Арлоў, Генрых Далідовіч, Аксана Данільчык, Васіль Дранько-Майсюк, Васіль Зуёнак, Сяргей Кураш, Уладзімір Ліпскі, Дзмітры Плакс, Сяргей Рублеўскі, Юрась Свірка, Павел Севярынец, Міхайла Слабашпіцкі, Уладзімір Сцяпан, Віталь Шыёнак, Віктар Ярац ды іншыя.
ЗМЕСТ Паглядзець
ПАЭЗІЯ
Васіль Зуёнак. Неба пасею...
ВершыУладзімер Арлоў. Каралева пінгвінаў.
БаладаВалянціна Аксак. Евіны дочкі.
ВершыВіктар Ярац. Дыхнуць чысцінёю.
ВершыАксана Данільчык. Ціхія фарбы, ціхія гукі.
Вершы
ПРОЗА
Уладзімір Сцяпан. Тры яблыкі.
НавелыПавел Севярынец. Беларусалім. Сэрца святла.
Фрагменты з раманаГенрых Далідовіч. Каранацыя.
Раздзел з другой часткі рамана “Кліч роднага звона”. (Заканчэнне.)Людміла Андзілеўка. Разводдзе.
ФантасмагорыяСяргей Рублеўскі. Уціральнік.
Апавяданне
ДЭБЮТ
Віталь Шыёнак. Нязломак.
Аповед
ПЕРАКЛАДЫ
Дзмітры Плакс. “Прывітанне, раскажыце пра шведаў...”
Пераклады сучаснай шведскай паэзііЭліза Ажэшка. Гекуба.
Навела. Пераклад Анатоля БутэвічаМіхайла Слабашпіцкі. Ваш і наш Быкаў.
Пераклад Таццяны Кабржыцкай
СПАДЧЫНА
Юрась Свірка. Янчуры.
Аўтэнтычная паэма роду. Падрыхтоўка да друку Ірыны Свірко
ЗАПІСЫ
Уладзімір Ліпскі. Усякі дзень апошні.
Дзённік
ЗГАДКІ
Валянцін Акудовіч. Мы сустрэліся на будоўлі Вавілонскай вежы.
З новай кнігі “Трэба ўявіць Сізіфа шчаслівым. (Хронікі беларускага інтэлектуала)”. (Працяг)
ПРАЧЫТАННЕ
Васіль Дранько-Майсюк. Пятрусь Броўка і яго пошук страчанага спакою
КНІГАПІС
Сяргей Кураш. Нябеснае ў зямным.
Рэцэнзія на кнігу Генадзя Лапаціна “Поделиться небом”.
Ажэшка, Арлоў, Севярынец, Сцяпан: агляд свежага 106-га “Дзеяслова” (анатацыя да нумару) Паглядзець
У гэты спякотны – і ў метэаралагічным, і ў грамадска-палітычным сэнсе – час пабачыў свет 3-ці (106-ты) нумар часопіса “Дзеяслоў”. Вось чым ён парадуе свайго чытача.
Адкрывае нумар нізка вершаў Васіля Зуёнка “Неба пасею…”. На пачатку чэрвеня Васіль Васільевіч адзначыў свой 85-гадовы юбілей, з чым “дзеяслоўцы” яшчэ раз яго шчыра віншуюць.
Празаічную частку нумара адкрываюць навелы майстра малой прозы Уладзіміра Сцяпана.
Уладзімер Арлоў прэзентуе баладу “Каралева пінгвінаў”, напісаную верлібрам – вершам, вольным як ад знакаў прыпынку, гэтак і ад залішняга пурытанства.
Павел Севярынец прапануе да ўвагі чытачоў фрагмент са свайго новага рамана “Беларусалім. Сэрца святла”, а менавіта – раздзелы “Віцебск. Ісус і меч” і “Віцебск. Цемра”. “Дзеяслоўцы” разам з усімі людзьмі добрай волі абураныя затрыманнем як Паўла, так і дзясяткаў блогераў ды грамадскіх актывістаў.
Не так даўно ў культурна-асветніцкім дадатку “Літаратурная Беларусь” (сумесны праект Саюза беларускіх пісьменнікаў і газеты “Новы час”) выходзіла нізка вершаў Валянціны Аксак “Адамавыя сыны”. Вось жа, дзеяслоўская падборка – “Евіны дочкі” – адказ-працяг той публікацыі.
Таксама ў паэтычнай частцы Віктар Ярац выступае з нізкай з актуальнаю назвай “Дыхнуць чысцінёю”, а Аксана Данільчык – з нізкай “Ціхія фарбы, ціхія гукі”.
Упершыню ў “Дзеяслове” друкуецца празаік і мастак Людміла Андзілеўка (фантасмагорыя “Разводдзе”).
Акрамя таго, у празаічнай частцы – заканчэнне другой часткі рамана мэтра гістарычнай прозы Генрыха Далідовіча “Кліч роднага звона” і апавяданне сталага аўтара часопіса Сяргея Рублеўскага “Уціральнік”.
Яшчэ адзін віцебскі аўтар і – яскравы дэбютант нумару – Віталь Шыёнак (аповед “Нязломак”).
Рубрыку “Пераклады” адкрывае яшчэ адзін чэрвеньскі юбіляр Дзмітры Плакс. Друкуецца падборка яго перакладаў сучаснай шведскай паэзіі, а менавіта твораў Эрыка Бергквіста, Іды Бёр’ель, Хокана Бравінгера, Сольі Крапу, Крыстофера Леандоэра, Атэны Фарухсад, Катарыны Фростэнсан і Ханны Хальгрэн.
Працягвае рубрыку навела Элізы Ажэшка “Гекуба” (пераклад Анатоля Бутэвіча).
Эсэ “Ваш і наш Быкаў” прэзентуе даўні сябра беларускай літаратуры ўкраінскі літаратуразнаўца і празаік Міхайла Слабашпіцкі (пераклад Таццяны Кабржыцкай).
У рубрыцы “Спадчына” – публікацыя не друкаванай дагэтуль аўтэнтычнай паэмы роду “Янчуры” Юрася Свіркі, якую падрыхтавала да друку яго дачка Ірына Свірко.
Таксама ў частцы нон-фікшн – старонкі дзённіка Уладзіміра Ліпскага “Усякі апошні дзень” і працяг хронікаў беларускага інтэлектуала “Трэба ўявіць Сізіфа шчаслівым” Валянціна Акудовіча, які таксама святкуе юбілей у гэтыя дні. Гэтым разам ўспаміны знанага мысляра прысвечаны яго сябрам і калегам Адаму Глобусу, Алесю Анціпенку, Уладзіміру Мацкевічу, Таццяне Вадалажскай ды іншым культурніцкім героям.
У рубрыццы “Прачытанне” Васіль Дранько-Майсюк выступае з палемічным эсэ “Пятрусь Броўка і яго пошук страчанага спакою”.
Мазырскі літаратуразнаўца Сяргей Кураш распавядае пра кнігу Генадзя Лапаціна “Поделиться небом” (рэцэнзія мае назву “Нябеснае ў зямным”).
Ілюстрацыі на вокладцы часопіса – Адама Глобуса.
Прыемнага чытання!
