Заходнебеларуская Атлантыда 1921–1941 гг.: паміж Варшавай і Масквой
28.00 BYN
Size: 130x200 mm
Weight: 500 g
Purchase
out of stock
Description
Мінск : Галіяфы, 2016. — 346 + 54 с.: іл.ISBN 978-985-7140-19-0
Гэтае выданне з’яўляецца лагічным працягам дзвюх папярэдніх кніг Ігара Мельнікава “Заходнебеларуская Атлантыда 1921–1941 гг.” (2014) і “Мяжа ля Заслаўя 1921–1941 гг.” (2015). Гісторыя заходніх абласцей нашай краіны ў міжваеннае дваццацігоддзе сёння выклікае вялікую цікавасць ў беларускім грамадстве. Звязана гэта з тым, што доўгі час гэтая тэма даследавалася ў Беларусі пад значным уплывам савецкіх ідэалагічных клішэ і штампаў. Такі падыход не спрыяў аб’ектыўнаму даследаванню дадзенай праблематыкі ў айчыннай гістарыяграфіі, а звычайныя жыхары краіны проста не ведалі гістарычную праўду пра жыццё сваіх продкаў у 1920—1940 гады.
Зараз сітуацыя змяняецца ў лепшы бок, і ў Беларусі з’яўляецца ўсё больш аб’ектыўных навуковых працаў, прысвечаных гісторыі Заходняй Беларусі ў міжваенны час, здымаюцца дакументальныя фільмы і перадачы. Аднак, нягледзячы на гэта, шмат эпізодаў з мінулага заходнебеларускага рэгіёна па сёння застаюцца нявывучанымі…
ЗМЕСТ Паглядзець
ПРА АЎТАРА
Ігар Мельнікаў — беларускі гісторык, кандыдат гістарычных навук, магістр Варшаўскага ўніверсітэта. Нарадзіўся ў красавіку 1980 года ў Бабруйску. Скончыў гістарычны факультэт Беларускага Дзяржаўнага Педагагічнага ўніверсітэта імя М. Танка (2002 год), Варшаўскі ўніверсітэт (2005 год). У 2011 годзе абараніў кандыдацкую дысертацыю ў Беларускім дзяржаўным універсітэце. Аўтар больш за 100 навуковых і публіцыстычных артыкулаў у айчынных і замежных выданнях. Спецыялізуецца па вайсковай гісторыі ХХ стагоддзя. Лаўрэат прэміі імя Вацлава Ластоўскага 2014 года за папулярызацыю ведаў па гісторыі Беларусі. Аўтар кніг “Заходнебеларуская Атлантыда 1921–1941 гг.” і “Мяжа ля Заслаўя 1921–1941 гг.”.
Products You May Like
Даследаванне вядомага швейцарскага гісторыка прысвечана тысячагадовай гісторыі Полацка, якая разглядаецца ў шырокім кантэксце Цэнтральна-Усходняй Еўропы.У цэнтры яго ўвагі формы сацыяльнай арганізацыі і калектыўных дзеянняў жыхароўшматэтнічнага і поліканфесійнага горада, пераўтварэнні і з’явы доўгага трыванняў жыцці полацкага грамадства ў розныя эпохі і перыяды яго мінулага.
Гэтая манаграфія — першая ў гістарыяграфіі спроба сінтэтычнага нарысу Вялікага Княства Літоўскага пад уладай Аляксандра Ягелончыка. У ёй раскрываюцца асаблівасці адміністрацыйна-тэрытарыяльнай сістэмы, канфесійная, фінансавая і гаспадарчая палітыка, дзейнасць найважнейшых дзяржаўных органаў (канцылярыя ВКЛ), а таксама даецца вычарпальны пералік прадстаўнікоў дзяржаўнай эліты.
У кнізе разглядаецца важны перыяд беларускай савецкай гісторыі, вядомы пад назвай «адліга». Крытыка культу асобы і рэабілітацыя ахвяр палітычных рэпрэсій, асваенне космасу і мірнай атамнай энергіі, эканамічныя рэформы і паляпшэнне матэрыяльнага жыцця людзей, нарэшце, спроба фарсіраванай пабудовы камунізму незваротна змянілі беларускае грамадства. Сабраныя пад адной вокладкай разнастайныя сюжэты ствараюць стэрэаскапічную карціну жыцця тагачаснага беларускага соцыуму, раскрываюць унутраную логіку яго развіцця.
