Пацеркі і кроплі
Больш выяваў
Purchase
Апісаньне
Пацеркі і кроплі / Надзея Ясмінска ; мастак Стася Сакалоўская. — Мінск : А. М. Янушкевіч, 2018. — 76 с. : іл. Цвёрдая вокладка.
ISBN 978-985-7165-84-1
210х290 мм.
«Пацеркі і кроплі» — неверагодна цёплая, утульная гісторыя, вытканая з нітак успамінаў, роздумаў і пачуццяў пяцігадовага хлопчыка. Ён робіць адкрыцці, вядзе нататкі-ў-галаве, крыўдзіцца, хварэе, чакае лета, вучыцца чытаць, марыць, разважае пра жыццё і пра тое, што знаходзіцца па-за ім.
Гэтая кніга — для дапытлівых дзяцей. Яны пазнаюць у галоўным героі сябе ці сваіх сяброў. Тых, у каго ёсць улюбёны сон з пахам мятных ляндрынак, хто марыць вынайсці шампунь для думак і хто чуе ў вуркатанні ката гук марскіх хваляў.
Гэтая кніга — для ўдумлівых дарослых. Таму што ім час ад часу трэба пагружацца ў маленства — такое лёгкае і бесклапотнае, напоўненае дзіўнымі прыгодамі. І вучыцца тым самым лепей разумець сваіх дзяцей. Бо дарослыя могуць зусім забыцца пра тое, як яны некалі бачылі вясёлку ў бензінавай лужыне, як рабілі схованку пад ложкам і як чакалі вясну пасля доўгай зімы.
ФРАГМЕНТ З КНІГІ
Нататкі-ў-галаве
“Напэўна дзеці падобныя да вокнаў. Яны празрыстыя. Адразу бачна, хто хоча з табой сябраваць, а хто збіраецца лупануць у вока.
А дарослыя — гэта дзверы. Часам адчыненыя. Часам зачыненыя. З зачыненымі найбольш складана: невядома, чакаюць цябе за дзвярыма ці не. Можа, там таемны ход, які вядзе ў цікавае месца. А можа — злая цётачка., гатовая перацягнуць цябе анучай. Ці варта туды грукацца? Штораз незразумела.
Сцены? Людзей-сцен няма. Бываюць толькі дзверы, закладзеныя цэглай.”
(канец фрагменту)
Водгукі
Раім паглядзець
