Пераменлівыя настроі Іпаліта Шланга

Больш выяваў

Націсніце, каб павялічыць

няма водгукаў

Енджэеўска-Врубель Раксана

17.30 BYN 22.40 BYN

Памер: 240x240 мм

Вага: 470 г

Purchase

Няма на складзе

Проза Літаратура для дзяцей Пераклады Кнігі дзеткам Янушкевіч (выдавецтва)Казкі Енджэеўска-Врубель Раксана

Апісаньне

Пераменлівыя настроі Іпаліта Шланга / Раксана Енджэеўска-Врубель ; мастачка Гражына Рыгаль, пераклад з польскай Марыі Пушкінай. — Мінск : А. М. Янушкевіч, 2019. — 40 с. : іл. Цвёрдая вокладка.

Раксана Енджэеўска-Врубель / Roksana Jędrzejewska-Wróbel

ISBN 978-985-7210-29-9.

Пераклад паводле выдання:
Jędrzejewska-Wróbel R. Humory Hipolita Kabla. Gdańsk: Adamada, 2015.

У кнізе польскай дзіцячай пісьменніцы Раксаны Енджэеўскай-Врубель вы пазнаёміцеся з незвычайнымі сябрамі – сабакам-песімістам Іпалітам Шлангам і катом-аптымістам Алаізіем Кацялком. Гісторыі, у якія яны трапляюць, здараюцца з кожным з нас. Як жа Іпаліт і Алаізій знаходзяць рашэнні сваіх праблем?

ЗМЕСТ

Не ўсё страчана
Як падмануць памяць
Карканне – гэта так сумна
Культурны надвячорак
Штосьці большае
Дзень-мара
Басейн якога не было
Таямнічае знікненне

Фрагмент з кнігі Паглядзець

Карканне – гэта так сумна

Дзень выдаўся не надта добрым для прагулкі. Іпаліт шланг зразумеў гэта адразу, як толькі расплюшчыў вочы і зірнуў у акно. Завіруха зацята атакавала шыбу. Цягнучыся ў ванную, ён падумаў, што дзень выдаўся не надта добрым яшчэ і для ранішніх умыванняў. А ўбачыўшы ў люстэрку сваю расчараваную пысу, Шланг канчаткова сцяміў, што гэта проста не надта добры дзень для ўсяго. Кепскі дзень.

Толькі што можна было зрабіць з кепскім днём? Вырваць з календара? Замазаць чорнай фарбай? А можа… перачакаць? Ад сваёй ідэі Шланг ажно ўсміхнуўся. А дзе можна найбольш прыемна перачакаць кепскі дзень? Канешне ж, у любімым кошыку. Шланг з разгону заскочыў назад пад коўдру. “Кепскі, гадкі дзень”, – падумаў ён, утульна ўладкоўваючыся пад цёплай коўдрай. І раптам са здзіўленнем зразумеў, што гэтая думка яму вельмі падабаецца. У які іншы дзень ён мог бы валяцца ў ложку без пачуцця віны? Іпаліт вырашыў занырнуць у кепскі дзень з галавой. Ён прыцягнуў з паліцы слоўнік сінонімаў, каб знайсці больш слоў для апісання таго, наколькі кепскім выдаўся дзень.

– Дрэнны, паганы, нікчэмны, трагічны, безнадзейны, бессэнсоўны, страшны, жудасны… – прачула чытаў Іпаліт.

Кепскі дзень падабаўся яму ўсё больш. І менавіта ў гэты момант за акном з’явілася варона. Чорная як…

– …чорная роспач!.. Карканне – гэта так сумна! – узрадаваўся Іпаліт і пабег адкрываць акно, каб мець адпаведнае музычнае суправаджэнне для кепскага дня, але ў гэты момант варона ўсё сапсавала.

– Добры дзень! – весела закаркала яна і, нягледзячы на парывы ветру, пераскочыла з адной лысай галінкі на іншую. – Добры дзень!

– На жаль, дзень сёння не добры, – буркнуў раззлаваны Іпаліт і бразнуў аканіцай.

Толькі сабатажнікаў яму тут не хапала…

(канец фрагменту)

Водгукі

Неабходны Лагін або Рэгістрацыя, каб напісаць водгук.

Раім паглядзець

Хто нам дорыць рукавічкі?

Татарнікава Святлана

Карысная і займальная кніжачка для самых маленькіх дзяцей пра тое, як вырабляецца воўна, ніткі і розныя рэчы з іх.

Бай

Купала Янка

Забаўлянка — ужо напаўзабыты жанр дзіцячага фальклору. Але дарма, бо ён вельмі лёгка ўспрымаецца маленькімі дзецьмі праз сваю рытмічную форму, мелодыку і просты сюжэт. Адпаведна спрыяе развіццю маўлення, слыху і фантазіі. А “Бай” яшчэ і пазнаёміць дзетак з беларускай традыцыяй у вясёлай і даступнай форме.

Дзяўчынка з Беларусі

Франку Бландзіна

У мястэчку каля рэчкі. На вузенькай вулачцы. У доме з дворыкам, зарослым калючым павойнікам з фіялетавымі кветкамі. Жыве дзяўчынка, што не мае мамы. І таты таксама. І братоў, і сястрычак. Жыве яна там са сваёй бабуляй, сляпой на правае вока, з трыма катамі, сямю пацукамі, куніцай і качканосам...