Тыль

Больш выяваў

Націсніце, каб павялічыць

няма водгукаў

Кельман Даніэль

27.70 BYN

Памер: 130x200 мм

Вага: 510 г

Purchase

Няма на складзе

Проза Пераклады Янушкевіч (выдавецтва)Ляўрэаты літаратурных прэміяў Кельман Даніэль

Апісаньне

Тыль : раман / Даніэль Кельман ; пераклад з нямецкай Вольгі Гронскай. — Мінск : А. М. Янушкевіч, 2020. — 332 с. Цвёрдая вокладка.

ISBN 978-985-7210-52-7.

Пераклад з нямецкай паводле выдання:
Daniel Kehlmann. Tyll. Rowohlt Verlag GmbH, 2017.

Раман славутага аўстрыйска-нямецкага пісьменніка Даніэля Кельмана пераносіць Тыля Уленшпігеля, сярэднявечнага бадзягу і правакатара, у бязлітасны зруйнаваны свет XVII стагоддзя. Мы пачуем галасы самых розных герояў, большасць з якіх — рэальныя гістарычныя асобы. Цяжка будзе не паверыць сплеценай з іх лёсаў напаўпраўдзівай-напаўвыдуманай эпапеі жахлівай Трыццацігадовай вайны. Аўтар па-штукарску жангліруе словамі, стылямі і сэнсамі, у выніку чаго вырастае не жартоўны аповед пра блазна, а тонкі, трагічны і глыбокі твор, гімн мове і жыццю.

ЗМЕСТ

Чаравікі
Уладар паветра
Цусмарсгаўзэн
Каралі ўзімку
Голад
Вялікае мастацтва святла і ценю
У шахце
Вестфалія

ФРАГМЕНТ З КНІГІ Паглядзець

Каралі ўзімку

Быў лістапад. Запасы віна вычарпаліся, а раз і студня ў садзе стаяла засмечаная, заставалася піць малако. Яны не маглі больш дастаць свечак, і таму ўвесь двор клаўся спаць разам з сонцам. Справы так сабе, але меліся яшчэ прынцы, гатовыя памерці за Ліз. Нядаўна адзін з іх, Хрысціян Браўншвайгскі, быў тут у Гаазе і паабяцаў загадаць вышыць на сваім штандары pour Dieu et poue elle, а потым, ён пакляўся ў гэтым сваёй душой, – перамагчы або памерці за яе. Ён быў уразлівым героем, мог заплакаць, расчуліўшыся ад самога сябе. Фрыдрых супакойна паляпаў яго па плячах, а яна дала яму сваю насоўку, аднак гэта выклікала новыя хвалі слёз, настолькі моцна ён быў уражаны думкай, што мае цяпер яе хусцінку. Узнагароджаны каралеўскім блаславеннем і вельмі ўзрушаны, ён паехаў сваёй дарогай.

Безумоўна, нічога ў яго не атрымалася б, ні дзеля Бога, ні дзеля яе. У гэтага прынца было мала салдат і зусім не вадзілася грошай, ды і сам ён не вызначаўся вялікім розумам. Перамагчы Валенштайна здолеў бы толькі нехта іншага складу, нехта накшталт шведскага караля, які нядаўна пранёсся па імперыі, перамагаючы ва ўсіх бітвах. Тата калісьці планаваў аддаць яе за яго замуж, але ён яе не захацеў.

Мінула амаль дваццаць гадоў з таго часу, як замест гэтага яна выйшла за свайго гаротнага Фрыдрыха. Дваццаць нямецкіх гадоў, віхор падзей, твораў, шуму, кепскага надвор’я, яшчэ горшай ежы і зусім нічога не вартага тэатра.

Добрага тэатра ёй бракавала наймацней, ад самага пачатку, нашмат больш чым прыдатнай ежы... (канец фрагменту)

Водгукі

Неабходны Лагін або Рэгістрацыя, каб напісаць водгук.

Раім паглядзець

Аўтаспынам па Галактыцы

Адамс Дуглас

Муніцыпальныя службы намагаюцца зруйнаваць твой дом, каб пабудаваць на яго месцы новы аўтамабільны праезд, а галактычныя камунальнікі, пракладаючы міжзоркавую трасу, у сваю чаргу, мерацца ўчыніць тое самае з тваёй планетай. Самая пара ўцякаць з роднай Зямелькі. Увазе чытача прапануецца сусветнавядомы раман брытанскага пісьменніка і сцэнарыста Дугласа Адамса. “Аўтаспынам па Галактыцы” — адна з вяршыняў жанру іранічнай фантастыкі.

Шляхціц Завальня, або Беларусь у фантастычных апавяданнях

Баршчэўскі Ян

ЯН БАРШЧЭЎСКІ (1792(?)―1851) беларускі і польскі пісьменнік, адзін з пачынальнікаў новае беларускае літаратуры. Пісаў на беларускай і польскай мовах; у сваёй літаратурнай творчасці шырока выкарыстоўваў беларускі фальклор. Ягоная галоўная кніга — «Шляхціц Завальня, або Беларусь у фантастычных апавяданнях».

Дом

Горват Андрэй

Гэта кніга пра Нараўлянскі палац – стары дом на беразе Прыпяці, напоўнены любоўю, фартэпіяннай музыкай і сямейнымі сакрэтамі. Гэта літаратурнае даследаванне, у якім біяграфія палаца пераплятаецца з асабістай гісторыяй аўтара. Таксама гэта аповед пра людзей, якія называлі палац сваім домам, і пра эпохі, што праносіліся за яго вокнамі.