Дзеткам

Кнігі

Коміксы

Часопісы і альманахі

Казкі

Аўдыёкнігі

Выдавецтвы

Музыка

Рознае

Аўтары

Вася Лайдачкін у краіне Шкодных Звычак

Вася Лайдачкін у краіне Шкодных Звычак

Апісаньне

Казачная аповесць / Мастак Алена Кійко. — Мінск: Мастацкая літаратура, 2009. — 64 с. : іл. — (Казкі XXI стагоддзя). Наклад кнігі цалкам прададзены.

ISBN 978-985-02-1036-4

 

Жыў сабе хлопчык Вася. Самы звычайны хлопчык, вось толькі мянушка ў яго была не зусім звычайная – Лайдачкін, бо не любіў наш Вася ні вучыцца, ні працаваць... а вось лайдачыць любіў. Таму і займеў такую абразлівую мянушку. Ранішнюю зарадку Вася ніколі не рабіў, твар і шыю мыў толькі пад маміным прымусам. А ўжо як не хацеў ён зубы чысціць...

Таму і пасябравалі з Васем Лайдачкіным Шкодныя Звычкі. І не проста пасябравалі, а нават да сябе ў госці запрасілі, у краіну Шкодных Звычак. Толькі позна зразумеў Вася, што трапіць у гэтую краіну лёгка, а вось выбрацца з яе не кожнаму пад сілу...

 

Гутарка з аўтарам у "Народнай газеце".

 

ЗМЕСТ

Вася Лайдачкін пачынае свой аповед
Пачатак маіх прыгодаў у Краіне Шкодных Звычак
Далейшыя мае непрыемнасці і шчаслівае ад іх выратаванне
Сустрэча з Цыгарэтай Нікацінаўнай, альбо галоўныя мае непрыемнасці
Бітва

 

***

Я з вялікім задавальненнем пішу як "дарослыя", так і "дзіцячыя" творы: вершы, п'есы, казкі. Яны часта друкуюцца на старонках беларускіх часопісаў "Вясёлка", "Лесавічок", "Качели" і інш. Акрамя таго, у часопісе "Рюкзачок" выходзяць мае артыкулы пра далёкае мінулае нашай Радзімы, пра жывёльны свет Беларусі. А ў часопісе "Бярозка" я вяду пастаянную рубрыку "Азы вершаскладання". Я не толькі пісьменнік, але і настаўнік. Штодня я сустракаюся з дзецьмі розных узростаў. 3 назіранняў за імі і нарадзіліся кароценькія казачныя гісторыі пра Васю Лайдачкіна і ягоных сяброў, Пецю-выдатніка і Зойку Зазнайкіну. Гэтыя гісторыі друкаваліся ў беларускіх часопісах і ў газеце "Зорька". Пазней узнікла думка напісаць пра Васю Лайдачкіна некалькі казачных аповесцей. Так з'явіліся на свет гісторыі "Вася Лайдачкін у краіне Казак" і "Вася Лайдачкін у краіне Шкодных Звычак". Вася Лайдачкін – не зусім станоўчы казачны персанаж, але ў яго ёсць шанец выправіцца, асабліва пасля тых неверагодных здарэнняў, што адбыліся з ім на старонках гэтай кнігі. Магчыма, прачытаўшы яе, вы задумаецеся пра сваё стаўленне да ўласнага здароўя. І калі хоць адзін хлопчык ці дзяўчынка рашуча парвуць усялякія стасункі са шкоднымі звычкамі і пасябруюць са здаровым ладам жыцця, то будзем лічыць, што казка мая напісана недарэмна.

Генадзь Аўласенка

Водгукі

Неабходны Уваход або Рэгістрацыя, каб напісаць водгук.

Раім паглядзець

Сіўко Франц
У кнігу ўвайшлі прыпавесці вядомай трылогіі “Удог”, якія адлюстроўваюць праявы ментальнасці айчыннага грамадства, экзістэнцыйныя варункі яго культурна-этнічных трансфармацый на пераломных гістарычных этапах; апавяданні — мастацкая інтэрпрэтацыя досведу пісьменніка ад назіранняў і роздуму над жыццёвымі з’явамі і калізіямі дзён прамінулых і дня сённяшняга; эсэ — вынік сузірання і філасофскага аналізу.
Быкаў Васіль
У кнігу народнага пісьменніка Беларусі Васіля Быкава (1924—2003) увайшлі аповесці: “Знак бяды”, “Ваўчыная яма”, “Пакахай мяне, салдацік”, а таксама апавяданні “Сваякі”, “Адна ноч”, “На ўсходзе сонца”, “Дарога дадому”.
Карпюк Аляксей
Стыль шчырага і бескампраміснага рэалізму Аляксея Карпюка (1920-1992) балансуе на мяжы дакументалістыкі і мемуарыстыкі. Суровая, асабіста перажытая праўда пра вайну стала асновай аповесці "Пушчанская адысея". Апавяданні пісьменніка, як кадры, выхапленыя фотааб’ектывам, адкрываюць дынаміку даваеннага і паваеннага беларускага жыцця з яго каханнем, трагізмам і досціпам.