Беларуская літаратура і свет: ад эпохі рамантызму да нашых дзён: папулярныя НАРЫСЫ
0.99 руб.
Памер: 145x210 мм
Вага: 640 г
Purchase
Няма на складзе
Апісаньне
Мінск: Радыёла-плюс, 2006. — 596 с., 12 іл. ISBN 985-448-065-8 Гэтая кніга – самы поўны на сённяшні дзень інтэграваны выклад найважнейшых з’яваў літаратуры ХІХ—пачатку ХХІ ст., у якім беларуская літаратура разглядаецца як неад’емная частка сусветнага літаратурнага працэса. Кніга з’яўляецца своеасаблівым працягам папулярных нарысаў Л.Баршчэўскага “Літаратура ад старажытнасці да пачатку эпохі рамантызму”, што выйшлі ў 2003 г. Адрасуецца старшакласнікам, настаўнікам, абітурыентам, студэнтам, выкладчыкам — усім, хто цікавіцца мастацкім словам, пытаннямі беларускай і сусветнай літаратуры і культуры. Замест уводзінаў. Канец XVIII і пачатак ХІХ стагоддзя — пераломны час у гісторыі літаратур Еўропы і Паўночнай Амерыкі. Для творцаў гэтай пары ўсё меншае значэнне маюць усталяваныя раней каноны літаратурнай творчасці. Не жанр, не стылёвыя сродкі, а сам аўтар робіцца галоўным чыннікам поспеху альбо няпоспеху таго ці іншага твора. Адбываецца працэс выразнай індывідуалізацыі стылю: менавіта індывідуальны, аўтарскі стыль цяпер супрацьстаіць норме, аўтарытэт якой раней лічыўся непахісным. Творчае, прасякнутае мыслядзеяннем “я”, падпарадкоўвае сабе універсальную норму, перамагае традыцыяналізм, які цягам шматлікіх стагоддзяў прадвызначаў сутнасць літаратурнага працэсу ў Еўропе і Азіі. Вырашальную ролю ў гэтых рэвалюцыйных зменах адыграла ўзнікненне і развіццё рамантычнай плыні, фармаванне рамантычнага метаду мастацкага адлюстравання рэчаіснасці. Сярэдзіна ХІХ стагоддзя — зорная часіна рэалістычнага спосабу асваення свету. Рэалізм не адмяняў творчых дасягненняў сваіх папярэднікаў-рамантыкаў, а працягваў адкрываць шматстайнасць навакольнай рэчаіснасці і духоўнае багацце чалавечай асобы, сцвярджаў нацыянальную самабытнасць і гістарычную канкрэтнасць мастацкага вобраза..Многія пісьменнікі, якія пачыналі як рамантыкі, пазней станавіліся на пазіцыі рэалізма (Бальзак, Стэндаль, Гюго, Міцкевіч, Пушкін). Рэалізм паказваў жыццё ў “формах самога жыцця”, ствараючы вобраз пры дапамозе тыпізацыі рэальных фактаў (“тыповыя характары ў тыповых абставінах”), і быў у гэтых сэнсе раўназначным паняццю жыццёвай праўды. У другой палове ХІХ стагоддзя рэалізм дасягнуў сваёй вяршыні ў творчасці Флабера, Дзікенса, Талстога, Дастаеўскага — яны імкнуліся да ўсеабдымнай шматстайнасці светаразумення, да паказу складанасці і супярэчлівасці чалавечай натуры, трагічнай раз’яднанасці людзей і народаў, сутыкнення ў невырашальных канфліктах асобы і грамадства, народа і ўлады. У рэалістычнай — бальзакаўска-талстоўскай — канвенцыі аўтар набываў функцыі творцы мастацкай мадэлі рэчаіснасці і ў пэўнай ступені ўступаў у суперніцтва з самім Богам як першастваральнікам Сусвету. Пазнавальныя магчымасці рэалізма пазней раскрыліся ў шматтомных раманных цыклах, у жанры “сямейнай сагі” Заля, Ралана, Франса, Галсуорсі, Т.Мана, Горкага, Драйзера, К.Чорнага, І.Мележа і іншых. На мяжы ХІХ і ХХ стагоддзяў літаратурны працэс прыкметна палярызаваўся. Натуралізму, які абапіраўся на дасягненні прыродазнаўства, супрацьстаяў дэкаданс, які паўстаў супраць крайняй рацыяналізацыі жыцця і стаў эстэтычнай прадумовай узнікнення мадэрнізма. ХХ стагоддзе ў аснове сваёй стагоддзе мадэрнізма, які з’явіўся на арэне спачатку еўрапейскай, а затым і сусветнай гісторыі ў акружэнні шматлікіх літаратурных плыняў і школ імпрэсіянізма, сімвалізма, экспрэсіянізма, футурызма, акмеізма, дадаізма, сюррэалізма, імажынізма, “плыні свядомасці”, экзістэнцыялізма, “новага рамана”, “драмы абсурду”. Мадэрнізм узнік на фоне трагічных катаклізмаў, войнаў і рэвалюцый і глабальнага расчаравання ў чалавечых каштоўнасцях і ў самім прагрэсе. Канец ХХ і пачатак ХХІ стагоддзяў праходзіць пад знакам філасофіі і эстэтыкі постмадэрнізма, які адкрывае ў чалавеку яго унікальнае “я” і адначасова “другога” ў іншых людзях, які абуджае глабальнае мысленне і здольнасць спалучаць у свядомасці розныя эпохі, культуры, стылі, спасцігаць рэальнае шматмоўе свету, супярэчлівыя ідэі і погляды, быць талерантным і свабодным. Постмадэрнізм нараджае ў кожным чалавеку мастака. Побач з паняццем аўтара ён сцвярджае паняцце чытача, які на свой лад і розум інтэрпрэтуе творы. На Парнасе агульначалавечай культуры і нацыянальнай літаратуры нікому не цесна. Набеліянты знаходзяцца ў добрым суседстве з майстрамі мастацкага слова, якія не дачакаліся пры жыцці прэстыжных прэмій і чые персаналіі таксама ўключаны ў гэтую кнігу, бо яны, паводле агульнага прызнання знаўцаў, маюць усе падставы заняць “свой пачэсны пасад” у пантэоне сусветнай літаратуры. ЗМЕСТ Замест уводзінаў ЛІТАРАТУРА РАМАНТЫЗМУ
- Рамантызм як напрамак і як універсальны творчы метад Творчасць Э.Т.А.Гофмана “Кніга песень” Гайнрыха Гайнэ Нікалаўс Ленаў
- Філаматы і філарэты Жыццё і творчасць Яна Чачота Тамаш Зан
- Жыццёвы шлях паэта Балады і паэмы Адама Міцкевіча Санеты "Дзяды" "Пан Тадэвуш" Адам Міцкевіч у беларускім кантэксце Пачатак расійскамоўнай літаратуры ў Беларусі Тадэвуш (Фадзей) Булгарын
- Аляксандр Ходзька Аляксандр Грот-Спасоўскі Юльян Корсак Тадэвуш Лада-Заблоцкі
- Джордж Гордан Байран і яго паэма “Паломніцтва Чайльд-Гарольда”
- Васілій Жукоўскі Аляксандр Грыбаедаў
- Нараджэнне і выхаванне паэта ў сям’і Ліцэйскі перыяд (1813—1817) Пецярбургскі перыяд (1817—1820) Паўднёвы перыяд (1820—1824) Міхайлаўскі перыяд (1824—1826) Пасля высылкі (1826—1830) Апошнія гады (1831—1837) Раман у вершах "Яўгені Анегін" (1823—1831) Пушкін і Беларусь
- Дзяцінства Ранняя лірыка Юнацтва Творчы пошук Творы перыяду першай каўказскай высылкі Зорная часіна паэта Паэма "Дэман" Паэма "Мцыры" Раман "Герой нашага часу" Другая каўказская высылка Лермантаў і беларуская літаратура
- Творчасць Уладзіслава Сыракомлі Вінцэсь Каратынскі Ялегі Пранціш Вуль Паўлюк Багрым Альгерд Абуховіч Зоф’я Манькоўская
- Паэма "Энеіда навыварат" Вікенція Равінскага Канстанцін Вераніцын і яго паэмы "Тарас на Парнасе" і "Два д’яўлы"
- Ануфры Петрашкевіч Адам Плуг Адэля з Устроні Арцём Вярыга-Дарэўскі Вайніслаў Савіч-Заблоцкі
- Публіцыстычныя творы Канстанціна Каліноўскага
- Навела "Габсэк" Раман "Бацька Гар’ё"
- Чарлз Дыкенс Іншыя майстры англійскага рэалізму
- Мікалай Гогаль і яго раман "Мёртвыя душы"
- Творчасць Івана Тургенева Леў Талстой Фёдар Дастаеўскі Сацыяльная сатыра Салтыкова-Шчадрына
- Мендэле Мойхер-Сфорым і Шолам-Алейхем
- Генрык Сянкевіч і яго раман "Крыжакі" Жыццё і творчасць Элізы Ажэшкі Марыя Канапніцкая
- Жыццё і творчасць Францішка Багушэвіча Янка Лучына Адам Гурыновіч Іншыя папярэднія “нашаніўскага” адраджэння
- Джордж Бернард Шоў Антон Чэхаў
- Шарль Бадлер Поль Верлен Марыс Мэтэрлінк
- Аляксандр Блок
- Творчасць Ганны Ахматавай
- Карусь Каганец Ядвігін Ш. Літаратурная палеміка ў "Нашай ніве" "Нашаніўства", беларускі дэкаданс і сімвалізм
- Купала і беларускі Космас Станаўленне творчай асобы Даніна багушэвічаўскай традыцыі Новы этап творчай эвалюцыі Пошукі Купалы-драматурга і паэта Беларусацэнтрызм як апірышча Купалавай творчасці Купала ў савецкай Беларусі
- Месца Коласа ў прыгожым пісьменстве З біяграфіі Пачатак творчага шляху “Песні-жальбы” На подступах да маштабнай эпікі Паэтычны эпас Коласа Трылогія “На ростанях” Колас за савецкім часам
- Свет Багдановіча Біяграфія паэта Паэт “чыстай красы” Творчы метад Багдановіча
- Волат беларускай прозы Жыццёвыя дарогі Дэбют празаіка Лірычна-аўтабіяграфічная проза "Дзве душы" Аповесць "Меланхолія" Раман "Віленскія камунары" "Камароўская хроніка" Перад абліччам трагедыі
- Самюэль Бэкет Эжэн Ёнэска "Метафізічныя драмы" Гаралда Пінтэра Авангардысцкія традыцыі ў сучаснай беларускай драматургіі Беларускі "Бум-Бам-Літ"
- Імкненне да гуртавання "Маладняк" "Узвышша" БелАПП Расстралянае Адраджэнне
- Антон Луцкевіч Францішак Аляхновіч Казімір Сваяк
- Кандрат Крапіва Уладзімір Дубоўка Язэп Пушча Андрэй Мрый
- Аляксандр Салжаніцын "У капцюрох ГПУ" Францішка Аляхновіча Уладзімір Вайновіч Уладзімір Набокаў
- Вацлаў Ластоўскі Жыццёвы лёс і творчасць Наталлі Арсенневай Масей Сяднёў Алесь Салавей Асоба і мастацкі талент Ларысы Геніюш Янка Юхнавец
- Іван Мележ Вячаслаў Адамчык
- Томас Ман Творчасць Германа Гесэ Проза Антуана дэ Сэнт-Экзюперы Паэзія Чэслава Мілаша
- Пачатак – у класікаў Ігнат Канчэўскі (Абдзіраловіч) Уладзімір Жылка Максім Танк
- Яўген Замяцін Джордж Оруэл Алесь Адамовіч
- Гайнрых Бёль "Бляшаны барабан" Гюнтэра Граса
- Альбэр Камю Жан-Поль Сартр Васіль Быкаў
- Рыгор Барадулін
- Янка Брыль Уладзімір Караткевіч Іван Чыгрынаў Міхась Стральцоў
- Раманы і эсэ Мілана Кундэры
- Уладзімір Арлоў Валянцін Акудовіч Сяргей Дубавец
- Публіцыстычная паэзія Пімена Панчанкі Новыя матывы ў творах Васіля Быкава, Янкі Брыля, Алеся Адамовіча Творчасць Ніла Гілевіча Вяртанне з нябыту У пошуках новай тоеснасці
Водгукі
Неабходны Лагін або Рэгістрацыя, каб напісаць водгук.
Раім паглядзець
Кніга літаратурна-мастацкай крытыкі вядомага журналіста і блогера Паўла Абрамовіча складаецца з выбраных тэкстаў, якія былі створаныя ў розныя гады для часопіса “Дзеяслоў” і іншых беларускіх мас-медыя. Таксама ў кнізе змешчаныя допісы пра літаратуру Паўла Абрамовіча з сацыяльных сетак. Усе тэксты пададзеныя ў адпаведнасці з першакрыніцамі, з захаваннем правапісу.
“Што ёсьць мысьленьнем”, “што азначае “верыць”, “што такое сьмерць і чаму мы яе так баімся”, “ці можна знайсьці ўнутры нас пляцоўку, зь якой яна не выглядала б такой жахлівай”, “што такое супрэматызм і загадкавыя квадраты Малевіча” — галоўныя пытаньні кнігі. Зьмест яе складаюць таксама пераклады клясычнага твору “Тао Тэ Чінг” вялікага кітайскага містыка Лао Цзы (VI ст. да н. Х.) і будыйскай Кхагавісана суты.
зьніжка
Аўтар кнігі дзевяць гадоў таму задумаў вялікае падарожжа ў свет беларускай вясковай магіі. Марай была серыя партрэтаў носьбітаў самай закрытай і абароненай традыцыі лекаваць словам. Ад вёскі да вёскі праз вандроўкі ён шукаў чараўніц, знахарак і траўніц.
