Разам з пылам

7.80 руб.

Памер: 120x190 мм

Вага: 220 г

Purchase

Няма на складзе

Пераклады Паэзія Кнігазбор (выдавецтва)Сэрыя "Бібліятэка Саюза беларускіх пісьменнікаў “Кнігарня пісьменніка”Мастацкая літаратура Хадановіч Андрэй Пераклады Андрэя Хадановіча

Апісаньне

Калекцыя перакладаў. — Мінск: Кнігазбор, 2013. — 200 с. — (Бібліятэка Саюза беларускіх пісьменнікаў “Кнігарня пісьменніка”; выпуск 40).

ISBN 978-985-7057-49-8.

У зборнік увайшлі творы 41 аўтара з лацінскай, французскай, англійскай, нямецкай, польскай, рускай, украінскай моваў, зробленыя цягам пятнаццаці гадоў.

У сферу зацікаўлення перакладчыка ўвайшлі прадстаўнікі розных эпох -- ад старажытнасці (Катул, Гарацый) да сучаснасці (Юрый Андруховіч, Сяргій Жадан). Можна азнаёміцца з перастварэннямі на беларускую мову твораў Нобелеўскіх лаўрэатаў Чэслава Мілаша, Іосіфа Бродскага. Класіка сусветнай і еўрапейскай літаратуры ва ўспрыманні аднаго з самых паспяховых беларускіх пісьменнікаў і перакладчыкаў, безумоўна, зацікавіць нават самага патрабавальнага чытача.

Ганна Янкута. З пылу, з жару (з рэцэнзіі на кнігу): "Кніга “Разам з пылам” — гэта проста добры паэтычны зборнік, з’ява ў нашай прасторы такая нячастая, што тут ужо няма розніцы, аўтарскую ён змяшчае паэзію ці перакладную. Думаю, у гэтым мяне зразумеюць як аматары Стэфана Малармэ, так і аматары Сяргея Жадана, і асабліва ўсе тыя, хто любіць і першага, і другога, і пажадана ў як мага большай колькасці." (чытаць цалкам на BUDZMA.ORG)

Артыкул пра аўтара ў ВІКІПЭДЫІ

ЗМЕСТ Паглядзець змест цалкам

ПРА АЎТАРА Паглядзець цалкам

Андрэй Хадановіч нарадзіўся ў 1973 годзе ў Мінску. Скончыў Беларускі дзяржаўны ўніверсітэт і аспірантуру пры БДУ па спецыяльнасці “замежная літаратура”. Выкладае літаратуру ў БДУ. Кіраўнік Перакладчыцкай майстэрні пры Беларускім калегіуме. Старшыня Беларускага ПЭН-Цэнтра.

Аўтар паэтычных кніг “Старыя вершы” (2003), “Лісты з-пад коўдры” (2004), “Землякі, альбо Беларускія лімерыкі” (2005), “From Belarus with love” (2005), “Сто лі100ў на tut.by” (2007), “Берлібры” (2008), “Несіметрычныя сны” (2010), “Дэжа вю: перавыбранае” (2013), а таксама кнігі дзіцячых вершаў “Нататкі таткі” (выйшла ў 2011 годзе ва Украіне ва ўкраінскіх перакладах). Укладальнік паэтычных анталогіяў “Сувязьразрыў / Зв’язокрозрив” (Кіеў, 2006) і “Pępek nieba / Пуп неба” (Уроцлаў, 2007). Перакладае паэзію з ангельскай, французскай, нямецкай, польскай, рускай, украінскай моваў.

Лаўрэат прэміі часопіса “Крыніца” (1999), часопіса “Сучасність” (Кіеў, 2006), часопіса “Современная поэзия” (Масква, 2007), прэміі “Залаты апостраф” часопіса “Дзеяслоў” (2007), прэміі “Крышталь Віленіцы” (Славенія, 2008), прэміі імя Збігнева Даміняка (Польшча, 2012).

Удзельнік паэтычных фестываляў у Беларусі і за яе межамі (у Ірландыі, Калумбіі, Латвіі, Літве, Нямеччыне, Польшчы, Расіі, Славакіі,
Славеніі, Украіне, Чэхіі). Пераможца некалькіх міжнародных паэтычных слэмаў. Вершы перакладаліся на пятнаццаць замежных моваў.

Водгукі

Неабходны Лагін або Рэгістрацыя, каб напісаць водгук.

Раім паглядзець

Трэці Эдэм

Аксак Валянціна

Гэта самая распусная кніга, — скажа каторы чытач. І слушна. А іншы запярэчыць, што самая цнатлівая. І будзе мець рацыю. Межы раю і пекла рухомыя і яны пралягаюць праз усе дзевяноста вершаў дзявятай кнігі Валянціны Аксак. У яе "Трэцім Эдэме" гібее разбэшчанасьць першага, сохне пыхлівасьць другога, набухаюць бутоны ўсёдаравальнага новага.

Выбраныя вершы

Катул Гай Валерый

Гай Валерый Катул (каля 84 да н. э. – каля 54 да н. э.) – рымскі паэт часоў позняй рэспублікі, найважнейшы з неатэрыкаў. Вершы Катула – далікатныя прызнанні ў каханні, кпіны з сяброў, надзвычай вынаходлівая лаянка н ворагаў – высока цаніліся ў антычнасці. Усе пераклады ў зборніку друкуюцца ўпершыню.

VOLUMEN.3

Бараноўскі Міхал

Гэта трэці паэтычны зборнік Міхала Бараноўскага. Вершы, прадстаўленыя ў кнізе “Volumen.3”, былі напісаны ў перыяд з восені 2020 па вясну 2024 года і часткова друкаваліся ў перыёдыцы: “Маладосць”, “Полымя”, “ЛіМ”.