Суперкніга пра Біла з Болаю. АЎДЫЁКНІГА
Purchase
Description
Бэргстрэм Гуніла. Суперкніга пра Біла з Болаю (Біл разумны, а Бола вясёлая). Аўдыёкніга. – Час гучання: 53:10 (1 частка: 26:36, другая частка: 26:34).Музыка: Аня Хітрык
Запіс зроблены на студыі Nerve records
Запіс і мастэрынг: Сяргей Кудзеліч
Дызайн вокладкі: Ігар Назаранка
Прадзюсар: Надзя Кандрусевіч
Чытаюць Аня Хітрык і Павал Харланчук.
Пераклад са шведскай: Андрэй Хадановіч, Алеся Башарымава, Надзя Кандрусевіч.
Шведская дзіцячая пісьменніца ды ілюстратарка Гуніла Бэргстрэм нарадзілася ў Гётэборгу (Швецыя) у 1942 годзе.
Кніга “Прыгоды Біла і Болы: вершыкі ды прыколы” выйшла ўпершыню ў 1978 годзе.
Біл толькі што стаў старэйшым братам, ён пачуваецца найшчаслівейшым ва ўсім свеце. Але час ідзе, і ўсе разумеюць, што з яго малодшай сястрычкай Болай штосьці не так: Бола зусім не размаўляе.
У кнізе паказанае і шчасце, якое нясе малодшая сястра, і гора і боль, калі ўсе даведваюцца, што яна асаблівая.
У 1979 годзе выйшаў працяг кнігі пра Біла і Болу — “Пра Болу і ейнага брата: бязглузда і глуздавата”. А ў 2007 з’явілася “Суперкніга пра Біла з Болаю: Біл разумны, а Бола вясёлая”, якая складалася з двух папярэдніх кніг пра Біла і яго сястру.
Напісаць гэтыя кнігі Гунілу Бэргстрэм падштурхнула сітуацыя ва ўласнай сям’і: у яе самой двое дзяцей, а ў малодшай дачкі аўтызм.
