Errata
6.00 BYN
Size: 130x200 mm
Weight: 210 g
Purchase
out of stock
Description
Як што называецца, так і адбываецца. — Мінск : І. П. Логвінаў, 2013. — 134 с. — (Бібліятэка “Беларускі калегіюм”).ISBN 978-985-562-068-7.
Аўтар разглядае абсурдныя павароты беларускага лёсу, якія кожнага разу пачынаюцца з падмены словаў. Варта, напрыклад, вайсковую падрыхтоўку назваць ваеннай, як гэтая вузкаспэцыяльная справа, датычная выключна армейскага кантынгенту, ператвараецца ва ўсенародную падрыхтоўку да вайны, якая тычыцца кожнага і ўсіх. Падмена назваў і сэнсаў — скразная тэма кнігі.
ЗЬМЕСТ Паглядзець змест цалкам
Біяграфія аўтара Паглядзець цалкам
ФРАГМЭНТЫ З КНІГІ
Беларус ад нараджэньня мае свой капітал у выглядзе роднае мовы, нацыянальнае культуры і гістарычнае памяці. Гэты капітал нічым не адрозьніваецца ад куфра з золатам ці мільённага рахунку ў банку. Але золата і мільёны нічога ня вартыя, калі яны не працуюць, гэта значыць, калі мы свой капітал не абслугоўваем. А абслугоўваем мы яго тым лепш, чым больш непадзельную маем за яго адказнасьць (ніхто ня лезе збоку са сваімі загадамі, як і што нам з гэтым рабіць). А чым больш непадзельная наша адказнасьць, тым большая наша свабода (гэта два бакі аднаго мэдаля)… (Эсэ “Быць беларусам — гэта работа”)
Нядаўна прыяцель азадачыў мяне пытаньнем: што значыць выхоўваць дзіця ў беларускім духу? Зразумела, што ёсьць мноства зьнешніх прыкмет беларускасьці, але пытаньне было пра дух. І вось спакваля выснаваўся ў мяне такі адказ: гэта значыць, пасяліць у душы дзіцяці перакананьне, што ён — прадстаўнік старога народу… (Эсэ “Ген беларуса”)
Нацыянальная ідэя пачынаецца з назвы. Таму каб адшукаць вытокі беларускай ідэі, мы мусілі б высьветліць, хто й калі ўпершыню назваў сябе беларусам — у тым сэнсе, у якім ужываем гэтую назву мы — як самавызначэньне сябе й сваёй супольнасьці, на якое адгукаюцца ня толькі нашы веды, але й нашы сэрцы, наша неўсьвядомленае. Гэта мусіць быць гістарычны выпадак, які стаў азарэньнем і адкрыцьцём, а ў выніку — прэцэдэнтам, які “зачапіўся” ў пэўным коле і пачаў пашырацца на іншыя асяродкі… (Эсэ “Тайна шасьці мільёнаў”)
Products You May Like
Як мастакі жартавалі з Янкі Купалы і Якуба Коласа? У кнізе ўпершыню апавядаецца пра ўсе вядомыя на сёньня сяброўскія шаржы на двух класікаў. Зробленыя пры жыцці паэтаў, яны сталі каштоўным дакументам мінулай эпохі.
Кніга ўяўляе збор прыватных успамінаў, сямейных аповедаў, апокрыфаў і паданьняў, сведчаньняў розных людзей, што давялося аўтару чуць, жывучы ў Менску і ў Вільні, вандруючы па ўсёй Беларусі. Унікальны аўтарскі досьвед, багацьце мовы і разнастайнасьць сюжэтаў робяць гэтыя тэксты каштоўным дакумэнтам і захапляльнай чытанкаю для тых, хто пераймаецца пытаньнямі нацыянальнае ідэнтычнасьці і цікавіцца гісторыяй нашае культуры.
Што здарылася на мяжы “старой” і “новай” эры? Што з сябе ўяўляў духоўны і культурны клімат у грэка-рымскім і юдэйскім свеце ў часе публічнай дзейнасці Ісуса Хрыста? Як фармаваўся Новы Запавет і як выглядаў канон веры першых хрысціянаў? Што з сябе уяўляла ekklesia (царква) у першых стагоддзях? Як фармаваліся асноўныя ідэі і паняцці, якія пачалі з цягам часу ўтвараць дактрынальны корпус хрысціянства?
